Federaldyq memlekettik statistika qyzmetining Orynbor oblysy boyynsha aumaqtyq organynyng habarlauynsha, Orynbor oblysynda bala tuu tómendep, ólim-jitim kerisinshe, kýrt ósken.

Saldarynan osy eki kórsetkish arasyndaghy aiyrma, yaghni, orynborlyqtardyng tabighy shyghyny "minus 9 myng adamnan" asqan.

"Orynbor oblysy halqynyng tabighy kemui 2024-jylghy 10 aida 9 040 adamgha jetti. Ólkede tuu qúldyrady, ólim-jitim úlghaydy. Memlekettik statqyzmetting aumaqtyq organynyng dereginshe, bizding ónirde 2024 jylghy qantar-qazanda 13 002 bóbek qana dýnie esigin ashqan. Búl tipti kezekti rekordtyq qúldyrau tirkelgen 2023 jylghy úqsas kezendegiden 479 sәbiyge az. Bir jyl ishinde taghy -3,7% kemidi", – dep jazdy jergilikti tanymal "Ural56.Ru" portaly.

Federaldyq memlekettik statistika qyzmetining Orynbor oblysy boyynsha aumaqtyq organynyng dereginshe, Orynbor oblysynda bala tuudyng qúldyrauy 2016-jyldan beri toqtausyz jýrude.

"Tughan balalar sanynyng ólgen túrghyndar sanynan asyp týsui songhy ret 2015 jyly tirkelgen. Sonda Orynbor ólkesinde 21 738 bala ómirge keldi, 21 560 orynborlyq dýnie saldy. Salystyrsaq, 2019 jylghy qantar-qazan ailarynda ónirde 16 577 bala tuyldy. Búl aldynghy 2018 jylghydan 1 910 balagha az. Sol jylghy qantar-qazanda 21 631 adam ómirden ótti. Osylaysha, 2019 jylghy 10 aida Orynbor oblysynda halyqtyng tabighy kemui 5 054 adamdy qúraghan edi. Búl 2018 jylghy kórsetkishten (3 793 adam) әldeqayda kóp", – dep mәlimdedi vedomstvo.

Bir ghasyr búryn, 1919-jyly 10-shildeden 1925-jylghy 16-shildege deyin Orynbordyng Qazaqstannyng astanasy bolghany tarihtan belgili. Orynbor aldymen 1919-jyly Qyrghyz (qazaq) ólkesining bas qalasy boldy. 1920-jyly 26-tamyzda sonyng negizinde Qazaq AKSR-i (Qazaqstan respublikasy) qúryldy, onyng astanasy 1925-jyldyng sonyna deyin Orynbor boldy.

Qazirgi kezde Orynbor oblysynda 1 828 692 adam ghana qalghan. Salystyrsaq, 2001-jyly oblys túrghyndarynyng sany 2 203 616 boldy. Shiyrek ghasyr ishinde ýzdiksiz azayyp barady.

Abai.kz