Kýni keshe Zelenskiydi "saylanbaghan diktator" dep aiyptaghan Aq ýy qojayyny Tramptyng shuly mәlimdemeleri әli jalghasuda. Endi ol "Ýlken jetiliktegi" әriptesterine shýiligip, әlemning jetekshi elderining orys әskeri Ukrainagha basyp kirgeli beri 24 aqpanda jariyalap kele jatqan ýndeuindegi Reseydi "shapqynshy el" dep sipattaytyn aiyptaulardy alyp tastaudy talap etti.

BÚÚ-na mýshe 50 el úsynghan sonday mazmúndaghy qarardy qoldaudan bas tartty. Basqa elderdi de solay isteuge shaqyrdy.

Ontýstik Afrikada "Ýlken Jiyrmalyqtyn" SIM basshylarynyng basqosuy ótip jatqany belgili. Halyqaralyq jinalysty alghash ótkizip otyrghan Ontýstik Afrika Izraili basshysy Netaniyahudy "Gazada genosid jasady" dep Gaga sotyna bergeni ýshin Tramp Memleket ister hatshysyn jibermey qoydy.

Kiyevte Tramptyng Ukraina mәselesi jónindegi arnauly ókili Kellog pen Zelenskiyding kelissózi ótken edi. Zelenskiy kelissóz nәtiyjesine rizashylyghyn bildirip, eki taraptyng siyrek metaldar qospasyn iygeru men Ukrainanyng qauipsizdik kepili jóninde ortaq sheshimge kelgenin jetkizip edi. Tramp oghan da razy bolmay, aldyn ala josparlanghan eki tarap ókilderining BAQ pen kezdesuin kýshinen qaldyrypty.

Tramptyng әlemdik qauymdastyqtardan shettetilgen Putinning jahandyq abroyyn qayta qalpyna keltiruge tyrysuy - Europalyq әriptesterin ghana emes, ózge de shetel basshylaryn, el ishindegi partiyalastarynyng qatang synyna úshyraghan.

Braziliya preziydenti Lula da Silva beysenbi kýngi súhbatynda Tramptyng әreketin "әlemning patshasy boludyng esek dәmesi" dep synap, basqa elderding egemendigin qúrmetteuge shaqyryp, "Sen әlemning emes, Amerikanyng preziydentisin, әlindi bil!" degen.

AQSh-tyng demokratiyalyq patiyasy ókilderinen bólek, Senattaghy azshylyq partiyanyng tóraghasy Chak Shumer: "Tramptyng bizding dosymyzdy qaralap, sotqar Putindi kótermeleui Amerikagha auyr zardaptar tudyrady" degen.

Respublika partiyasynan saylanghan senator Rodjer Uiyker Tramptyng Putinmen kezdesuin qoldamaytynyn ashyq aityp: "Halyq saylaghan preziydent pen ózin saylap alghan diktatordyng bir ýstelde kelissóz jýrgizui -  baryp túrghan soraqylyq" degen.

Munhen Qauipsizdik jinalysynan keyin Ukrainagha baryp qaytqan Janna Shahiyn, Tom Tillis qatarly respublikashyldar da Zelenskiydi qoldap, Putinge senim artpau kerektigin aitqan.

Angliyalyq FT gazetining jazuynsha, Saud Arabiyada ótken kelissózde Resey taraby AQSh-qa Shyghys Europadan NATO әskerin tolyqtay alyp ketu talabyn qoyghan.

Zelenskiyding "Yalta ssenariyi qaytalanuy mýmkin" dep dabyl qaqqany beker emes eken. 1945 jyly 4-11 aqpan aralyghynda AQSh, Angliya, Kenester odaghynyng basshylary Uniston Cherchill, Franklin Ruzvelit, Stalin Qyrymda bas qosyp, soghystan keyingi Euraziyany aldyn ala bóliske salghan edi. Kelissózden keyin Shyghys Europa men Qytaydyng shyghys soltýstigin Stalin baqylauyna alghan.

Tramp Putinge Ukrainany NATO-gha mýshe qyldyrmaudan bólek, NATO әskerin búryn Kenes odaghynyng baqylauynda bolghan Shyghys Europadan alyp ketuge de uәde berip otyrghan siyaqty.

Europanyng 27 elimen kenes qúrghan Fransiya basshysy Makron sol mәseleni talqylau ýshin aldaghy dýisenbi Aq ýige barmaq eken.

Abai.kz