2024 jyly kóktemde elding teng jartysyn qyzyl su basyp, auyr zardaptar әkelgen edi. Býgingi Ýkimet otyrysynda Premier-ministr Oljas Bektenov memlekettik organdargha tasqyngha dayyndyqty kýsheytudi tapsyrdy.

«Su tasqyny kezenining bastaluyna da kóp uaqyt qalghan joq. Elimizding birqatar ónirlerinde qar kýrt ery bastady. Soltýstikte әli boran soghyp túr. Sondyqtan kóktemgi su tasqynyna dayyn boluymyz kerek. Ákimder búl mәseleni erekshe baqylaugha aluy qajet. Tótenshe jaghday turaly halyqty habardar etetin barlyq jýielerding túraqty júmysyn qamtamasyz etinizder», - dedi ol.

Ýkimet basshysy әleumettik jeliler men BAQ-ta týsindiru júmystaryn kýsheytu manyzdy ekenine de toqtaldy.

«Tótenshe jaghdaylar ministrligi su tasqynyna tolyghymen dayyn bolugha tiyis. Sonday-aq, ortalyq jәne jergilikti memlekettik organdardyng júmysyn úiymdastyrsyn», - dedi Oljas Bektenov.

Aldaghy aua rayynyng boljamy turaly Ekologiya jәne tabighy resurstar ministri Erlan Nysanbaev tolyq mәlimet berdi. Onyng sózinshe, el aumaghynyng 71 payyzyn qar jamylghan.

«Búl ótken aptagha salystyrghanda 15 prosentke az. Elimizding ontýstigindegi Qyzylorda, Týrkistan, Jambyl oblystarynda, batysyndaghy Batys Qazaqstan, Atyrau, Manghystau oblystarynda qar erip jatyr. Nauryz aiynda temperaturanyng kóteriluimen janbyr týrindegi qatty jauyn-shashyn bolghan jaghdayda tau ózenderinde erigen qar suynyng әserinen joghary tasqyn jýrui mýmkin. Ortalyq, soltýstik jәne shyghys aimaqtarda qar jinalu ýrdisi jalghasyp jatyr. Nauryz aiynda jauyn-shashyn mólsheri ailyq normadan eki jәne odan da kóp týsui kýtilude. Mysaly, Astanada ailyq jauyn-shashyn mólsheri birinshi onkýndikte ghana týsip ýlgerdi. Nauryz jәne sәuir ailary әdettegiden jylyraq bolady dep kýtilude. Sonday-aq elimizding basym bóliginde jauyn-shashyn mol bolady», – dedi ministr. 

Vedomstvo basshysy búl kóktemning tez keluine jәne su tasqyny qaupining artuyna yqpal etetinin aitty.

Su tasqyny qaupi joghary aimaqtar – Aqtóbe, Qostanay, Úlytau, Abay, Qaraghandy, Aqmola, Soltýstik Qazaqstan jәne Shyghys Qazaqstan oblystary. Qauiptiligi ortasha aimaqtar – Almaty, Jetisu, Jambyl, Batys Qazaqstan, Atyrau oblystary.

Tasqyn qaupi tómen ónirler – Pavlodar, Manghystau, Týrkistan jәne Qyzylorda oblystary.

«Biyl «Qazgidromet» alghash ret әr oblys boyynsha egjey-tegjeyli anyqtamalar dayyndady. Búl anyqtamalarda gidrologiyalyq beketter boyynsha su dengeyining jәne aghysynyng kýtiletin eng jogharghy mәnderi, aghyn kólemi, sonday-aq qauip aimaghynda ornalasqan eldimekenderdi belgiley otyryp, boljamdy bastalu kýnderi kýtiledi. Ótken aptadan bastap gidromet apta sayynghy gidrologiyalyq boljamdardy shyghara bastady», – dedi Erlan Nysanbaev.

Osyghan deyin su tasqynynyng saldaryn jong ýshin 10 000-gha juyq әskery qyzmetshi júmyldyryluy mýmkin ekeni aityldy.

Sonymen qatar, Tótenshe jaghdaylar ministri su tasqynyna dayyndyqty jedel ayaqtaudy qolgha aldy.

Býgingi aldaghy boluy yqtimal su tasqynyna baylanysty Ýkime otyrysynan týigenimiz qatysty organdar byltyrghy eldi dýrliktirgen qarghyn su apatynan sabaq alyp, jibergen kemshilikterdi qortyndylap, aityp kelmeytin apatqa tas týiin dayyn otyrghany bayqalady. Desede arqany kenge salmay. osy bastan qajetti sharalardy qolgha alu kerek. Búl mәselede burokratiyagha jol bermeu kerek, tәz qimyl jasau kerek.

Abai.kz