Qazaqstannyng Mәdeniyet jәne aqparat ministr Aida Balaeva «Qazaqfilim» tóniregindegi daugha qatysty pikir bildirip, jeliler men BAQ-ta taralyp jatqan qauesetterge jauap berdi.

Biz ministr Aida Balaevanyng mәlimdemesin Abai.kz aqparattyq portalynyng oqyrmandaryna qaz-qalpynda úsynghandy jón kórdik...

Aida Balaeva, QR Mәdeniyet jәne aqparat ministri:

– Keyingi uaqytta «Qazaqfilim» kinostudiyasy qoghamda qyzu talqygha týsip, týrli qauesetter men joramaldar aitylyp jatyr.

Júrtshylyqtyng «Qazaqfilimnin» taghdyryna osynsha alandaushylyq bildirip otyrghany quantady. Sondyqtan qoghamdaghy osy alandaushylyqqa sebep bolyp otyrghan mәselelerge qatysty týsinikteme berudi jón dep sanaymyn.

Eng aldymen aitarym, kino salasyna qatysy bar túlghalardyng kinostudiya tóniregindegi prosesterge qatysty óz pikirin bildiruge qúqyghy bar. Alayda aqparat taratqanda tek faktilerge sýienuge kenes beremin. «Zang men tәrtip» qaghidaty barshagha ortaq, al ony elemeu tiyisti zang ayasynda jauapkershilikke әkelip soghady.

Birinshi. «Qazaqfilim» jerining satyluy jónindegi aqparatqa qatysty.

Búl mәsele tóniregindegi negizsiz qaueset birjola toqtatyluy tiyis. «Qazaqfilimge» tiyesili jerler kinostudiya iyeliginde qala beredi. Jer satylghan joq jәne tek kiynematografiya mýddesi ýshin paydalanyluda.

Ekinshi. Kinostudiyany jóndeuge qomaqty qarjy salugha dayyn investorlardyng bar ekeni jayly.

Búl aqparat qoghamda keng tarap jýr, alayda múnday mәlimdemelerdi qújattarmen nemese naqty kepildiktermen rastay almaytyn adamdar jasap otyr. Memleket, yaghny Mәdeniyet jәne aqparat ministrligi naqty investorlarmen júmys isteuge dayyn. Degenmen әzirge eshqanday naqty úsynys, birde-bir kepildik haty joq. Barlyghy tek әngime dengeyinde.

Ýshinshi. Kinostudiyany Astanagha kóshiru turaly.

Búl da eshqanday negizi joq qaueset. Qazirgi uaqytta elordagha «Qazaqanimasiya» shygharmashylyq birlestigin kóshiru mýmkindigi qarastyrylyp jatyr. Múnda manyzdy jayt – «Qazaqanimasiya» óndiristik baza emes, animasiyalyq kontent jasaugha tapsyrystardy bóletin qúrylym. Sondyqtan onyng Astanagha kóshui salanyng júmysyna esh kedergi keltirmeydi.

Ókinishke qaray, keyingi bes jylda elimizde sapaly animasiyalyq filimder týsirilgen joq. Osyghan baylanysty animasiyalyq industriyany Kreativti industriyalar qorynyng ayasynda damytu oryndy bolmaq. Qor qúrylymynda animasiyany damytugha baghyttalghan kreativti hab jasaqtaluda.

Qúrmetti dostar!

Býginde qazaqstandyq kinoindustriyada manyzdy әri ong ózgerister oryn aluda. «Qazaqfilim» – jay ghana kinostudiya emes, búl – qazaq mәdeniyetining simvoly. Sondyqtan ony damytu – basym baghyttyng biri.

Preziydent qol qoyghan jana zangha sәikes elimizde filimderdi qarjylandyrudyng jalpy kólemining keminde 30%-y jyl sayyn tikeley «Qazaqfilimge» baghyttalatyn bolady. Búl kinostudiya júmysynyng tiyimdiligi men qarjylyq túraqtylyghyn arttyrady.

Sonday-aq memlekettik qoldaugha ie bolatyn kinojobalardy irikteuding jana erejeleri bekitildi. Biyl jana erejeler boyynsha konkurs ekinshi ret ótkizilip otyr.

Kinostudiyany halyqaralyq yntymaqtastyqsyz damytu mýmkin emes. «Qazaqfilim» sheteldik әriptesterimen birlesip birqatar manyzdy filimder týsirudi josparlap otyr. Búl – qazaqstandyq kinony әlemdik naryqta tanytu jәne otandyq kiynematografisterding pozisiyasyn nyghaytu ýshin manyzdy qadam.

Sonymen qatar, demeushilerdi tartudyng arqasynda kinostudiyada songhy 15 jylda jýrgizilmegen jóndeu júmystary bastaldy. Búl – infraqúrylymdy janghyrtudyng alghashqy kezeni. Osy orayda kinostudiya men qazaqstandyq kinoóndiristing damuyna ýles qosyp jýrgen jandargha alghys bildiremin! Áriyne, әngime әzirge kýrdeli jóndeu turaly emes, biraq búl – «Qazaqfilimde» júmys isteu ýshin qalypty jaghday jasaugha baghyttalghan naqty qadamdar.

Atap aitqym keletini, «Qazaqfilim» tek kinotuyndylar ghana emes, eng aldymen – sharuashylyq jýrgizushi kompaniya jәne bәsekege qabiletti naryq qatysushysy. Ol joghary kәsiby kinoónerding damuyna layyqty jaghday jasaydy. Sondyqtan Ministrlik búl kәsiporyndy rejisser nemese akter emes, kinostudiya qyzmetin tabysty әri tiyimdi jýrgizuge qabiletti kәsiby menedjer basqaruy tiyis degen qaghidany berik ústanady.

«Qazaqfilimnin» túraqty әri tiyimdi damuyn qamtamasyz etu ýshin Ministrlik jan-jaqty qoldau kórsetudi jalghastyra beredi.

Abai.kz