Ótken senbi kýni Pәkistan ýkimeti AQSh preziydenti Trampty Nobeli beybitshilik syilyghyna úsynghanyn jariyalady. Resmy mәlimdemede Ýndistanmen bolghan soghysty Aq ýy basshysynyng diplomatiyalyq jolmen rettegenin, alghys retinde Pәkistan taraptyng ony halyqaralyq bedeldi syilyqqa úsynghany jazylghan.

Ótken aida Ýndistan men Pәkistan arasynda qiyankeski soghys bolghan edi. Qaqtyghys 4 kýnge jalghasty. Artynan Tramp ayaq astynan mәlimdeme jasap, eki taraptyng ózi aralasqandyqtan soghysty toqtatugha keliskenin, sóitip atom bombasy qoldanyluy mýmkin qaqtyghystyng aldyn alyp, milliondaghan adamnyng ómirin saqtap qalghanyn maqtanyshpen jazyp edi.

Tramp aq ýige keluding aldynda "Ukraina men Resey soghysyn 24 saghatta toqtatam", "Izraili men Arab elderin tatulastyram, Orta Shyghystaghy jaghdaydy beybit jolmen retteymin" dep uәdeni ýiip tókkeni belgili. Sonday-aq Tәlipterding biylikke kelui men Putinning Ukrainagha soghys ashuy Baydenning әlsizdiginen boldy. Men preziydent bolyp túrghanda әlemde birde-bir soghys bolghan joq dep te dauryqqan edi.

Tipti men kezinde Putinge: "Sen Kiyevty bombalasan, men Mәskeudi bombalaymyn dep ashyq aittym, sodan ol ayaghyn tartty", Qytay basshysyna da: "Eger sen Tayuandy bombalasan, men Beyjindi bombalaymyn dep anyq eskerttim" dep te súhbat bergen edi.

Ózin әlemge beybitshilik ornatushy retinde sipattaytyn Tramptyng ekinshi preziydenttik kezinde bergen uәdeleri oryndalmady. Gazanyng jaghdayy auyr, adamgershilik kómekke múqtaj kýide. Ukraina soghysy toqtaudyng ornyna jana kezenge bet aldy. Tramp Izrailge bolysyp Irangha auyr soqqy jasady. Tayau shyghystaghy jaghday barghan sayyn ushyghyp barady. Tramptyng aitqanyn oryndaytyn adam ekeni, kerek bolsa jauyna atom bombasyn tastaudan da tayynbaytyny anyq boldy.

Sonday adamdy Nobeli syilyghyna úsynghan Pәkistan da pәtua bar ma? Mausymnyng 14-i kýni Tramptyng tughan kýninde 100 myngha juyq Amerikalyqtar "Aq ýige patsha kerek emes" degen úranmen kóshege shyqty. Tramptyng halyqaradaghy ghana emes, el ishindegi sheshimderi de qatang qarsylyqqa tap bolyp jatyr. Osylay kete berse AQSh ta 2026-jyly ótetin parlament saylauynda demokrattar basym oryn iyelep, Trekendi biylikten ketirui mýmkin.

Abai.kz