Qazaqstan azamattyghyn aludy jenildetetin qújat jobasy talqylaugha shygharyldy.  

Ghylym jәne joghary bilim ministrligi Qazaqstan azamattyghyn alghysy keletin jәne qalpyna keltirgisi keletin sheteldikterge qoyylatyn memlekettik tildi bilu talabyn jenildetetin búiryq jobasyn "Ashyq NQA" portalyna shyghardy.

– Jobany qabyldau Qazaqstan Respublikasynyng azamattyghyn alugha ýmitkerlerdi testileuding әrbir pәni boyynsha súraqtar sanynyng maksimaldy teng qatynasyn qamtamasyz etuge jәne shekti dengeydi 10%-ke tómendetuge mýmkindik beredi, – dep jazylghan qújattyng týsindirmesinde.

Qújattyng resmy atauy – "Qazaqstan Respublikasynyng azamattyghyna qabyldau nemese azamattyghyn qalpyna keltiru kezinde memlekettik tildi qarapayym dengeyde, Qazaqstan Respublikasy Konstitusiyasynyng negizderin, sonday-aq Qazaqstan tarihyn bilu kólemin bekitu turaly" búiryq. Osy búiryqtyng jana redaksiyamen jazu úsynylyp otyr.

– Qazaqstan Respublikasynyng azamattyghyna qabyldau nemese azamattyghyn qalpyna keltiru kezinde memlekettik tildi qarapayym dengeyde 15 (on bes) baldan kem emes, Qazaqstan Respublikasy Konstitusiyasynyng negizderin 20 (jiyrma) baldan kem emes, sonday-aq Qazaqstan tarihyn 15 (on bes) baldan kem emes bilu kólemi bekitilsin, – delingen jana redaksiya jobasynda.

Ayta keteyik qazirgi uaqytta qazaq tilin bastauysh dengeyde bilu keminde 36 ball, al Konstitusiya negizderin bilu 9 balldan kem emes.

Qazaqstan tarihyn bilu dengeyine qoyylatyn talaptar ózgerissiz qalady.

Joba 25 shildege deyin qoghamdyq talqylau ýshin "Ashyq NQA" portalynda ornalastyrylghan.

Abai.kz