Qasym-Jomart Toqaev qazaq halqynyng ukrain halqyna, onyng tarihyna, mәdeniyetine jәne tiline erekshe qúrmetpen qaraytynyn atap ótti.

Preziydent Qazaqstannyng Ukrainada halyqaralyq qúqyq qaghidattary negizinde beybitshilik ornauyna sózsiz mýddeli ekenin jetkizdi.

Atap aitqanda, preziydent Astananyng әuel bastan әdildik negizinde beybitshilik formulasyn birlese izdeudi jaqtaghanyn, BÚÚ Jarghysyn, memleketterding egemendigi men aumaqtyq tútastyghyna qolsúqpaushylyq qaghidatyn saqtau turaly jýieli týrde pikir bildirgenin eske saldy. 

Qasym-Jomart Toqaevtyng pikirinshe, qazirgidey óte kýrdeli jaghdayda Ukraina memlekettiligin saqtau men qorghaudy qamtamasyz ete otyryp, qaqtyghysty bayypty týrde sheshu manyzdy.

Memleket basshysy taraptar «Janjaldan, jaman bolsa da bitim artyq» degen kóneden kele jatqan danalyqqa say әreket etuge tiyis dep sanaydy.

Qazaqstan preziydenti territoriyalyq týitkilding kýrdeli ekenin týsinetinin aitty. Búl – halyqaralyq qatynastardaghy eng qiyn mәsele. Kóbine beybitshilik turaly kelisimge qol jetkizu, tipti bitimge kelu jolynda enserilui qiyn kedergige ainalady. Biraq qazirgi eng basty mindet – qauipsizdigine halyqaralyq kepildik beru arqyly Ukraina elining memlekettiligin saqtau.

Sonymen qatar Qasym-Jomart Toqaev Qazaqstan Ukrainamen ózara mýddege say keletin týrli salada belsendi yntymaqtastyq qúrugha niyetti ekenin atap ótti.