Ózbekstan gharyshqa qadam basty, al Qazaqstan Bayqonyr kólenkesinde qaldy

Ózbekstandaghy Suffa ýstirtinde salynyp jatqan halyqaralyq radioastronomiyalyq observatoriya әlemdik ghylymyndaghy eng iri jәne strategiyalyq manyzy zor joba retinde baghalanuda. Joba ayasynda milliymetrlik diapazonda júmys isteytin quatty RT-70 radioteleskop ornatylmaq. Búl aspap gharyshtaghy júldyzaralyq shan, galaktikalardyng qozghalysy men gharyshtyq sәulelenu prosesterin zertteuge mýmkindik beredi. Múnday qúrylghy tek damyghan elderding enshisinde bolatyn, al endi Ózbekstan solardyng qataryna qosylugha bir taban jaqyndady.

Suffa ýstirtining tabighy jaghdayy múnday keshen salugha erekshe qolayly. Auasy móldir, atmosferalyq ylghal tómen, radioshu az. Sondyqtan ghalymdar radiotolqyndardy esh kedergisiz qabyldap, naqty ghylymy derekter alugha mýmkindik alady.

Joba Kenes dәuirinen beri josparlanyp, týrli sebeptermen toqtap qalghan edi. Al qazir Tashkent ony jana tehnologiyalarmen qayta iske qosyp, aimaqtyq ghylymy bәsekede algha shyqty. Ózbekstan tarapy búl bastamany strategiyalyq manyzy bar últtyq joba dep atap, elding ghylymy infraqúrylymyn janartudyng negizgi vektoryna ainaldyryp otyr.

Ózbek ghalymdary men injenerleri radioteleskopty iske qosu arqyly gharysh zertteulerinde jana kezenge ayaq baspaq.

Kórshimiz óz mamandaryn dayarlaudy bastady, uniyversiytetter men ghylymy ortalyqtar arnayy baghyttar ashuda. Yaghni, Suffa jobasy tútas ghylymy mektepting irgetasy bolghaly túr. Al Qazaqstanda jaghday ózgeshe. Gharyshty iygeru baghytynda bastalghan jobalar bayau jýrip, nәtiyjesi jii sәtsizdikke úshyraytyny jasyryn emes.

Mәselen, birneshe jyl búryn maqtanyshpen úshyrylghan «KazSat» baylanys sputnikterining alghashqysy orbitagha shyqqannan keyin-aq isten shyqty. Al ekinshisi júmys istegenimen, tolyqqandy ghylymy zertteulerge qatysa almady.

Qazir elemizde gharysh salasynda jýieli mamandar dayarlau isi de bayau damuda. Bayqonyr siyaqty әlemge әigili gharysh ailaghy bar elding ózi ony Reseyge jalgha berip, passiv rólge týsti. Tәuelsiz Qazaqstan óz aumaghyndaghy eng iri tehnologiyalyq nysandy tolyq iygere almay otyr. Gharyshty iygeru isinde biz kóshbasshy boludyng ornyna, kórshi elderding jetistigine syrttan qyzyghushi bolyp qalyp kelemiz.

Ózbekstan bolsa, strategiyalyq sheshim qabyldap, óz ghylymy әleuetin kýsheytuge kiristi. Radioastronomiyalyq keshen elding ghylymy tәuelsizdigin arttyryp, Ortalyq Aziyadaghy jetekshi ghylymy ortalyqqa ainalugha mýmkindik beredi.

Al bizde osynday bastamalar turaly jii aitylady, biraq naqty is pen nәtiyjege ainala almay keledi. Ghylym men tehnologiya salasynda sheshim qabyldauda sayasy erik pen túraqtylyq qajet ekenin ózbek tәjiriybesi dәleldep otyr.

Suffa jobasy iske qosylghan sәtte Ózbekstan gharysh pen astrofizika salasynda jana dәuir bastaydy. Al Qazaqstanda Bayqonyrdyng kólenkesinde qalyp qoyghan ghylymy jýie qayta serpin alu ýshin naqty reformalar men batyl sheshimder qajet.

Núrlan Júmaqanov

Abai.kz