Qaraghandynyng «Shahtyor» futbol klubyn Freedom Holding Corp. tobyna kiretin, qazaqstandyq kәsipker Timur Turlovqa tiyesili kompaniya satyp aldy, dep habarlaydy Qaraghandy oblysynyng baspasóz qyzmeti.

Sauda býgingi auksionda ótti jәne búl qadam Memleket basshysynyng búqaralyq sportty damytu jәne futboldy kommersiyalandyru jónindegi tapsyrmasyn jýzege asyru ayasynda qabyldandy. Jekeshelendiru rәsimi zang talaptaryna tolyq sәikes jýrgizilude.

Osylaysha «Shahtyor» futbol klubynyng damuy men transformasiyasynyng jana kezeni bastaldy.

Qaraghandy oblysynyng әkimdigi men tanymal kәsipker Timur Turlov ónirde jana futbol ekojýiesin qúru júmystaryn bastady. Búl maqsatqa jalpy 18,5 mlrd tenge bólingen: onyng 12 mlrd tengesi jana futbol akademiyasyn salugha, al 6,5 mlrd tengesi balalar-jasóspirimder men búqaralyq futboldy damytugha baghyttalghan.

Qaraghandy oblysynyng futbol qauymdastyghy (QOFA) preziydenti Timur Turlovtyng qoldauymen birqatar iri jobalar iske asyryluda: mekteptik ALGA! jobasy (2029 jylgha deyin 40 mynnan astam mektep oqushysy men 3600 studentti qamtidy, futbol bastamalary 100-den astam oqu ornynda jýzege asyrylady), resmy balalar-jasóspirimder ligasy Freedom BFL, zamanauy «Shahtyor» futbol akademiyasynyng qúrylysy jәne ónirdi keshendi damytu strategiyasy. Akademiya Qaraghandy oblysyndaghy búqaralyq jәne kәsiby futboldy damytudaghy basty nysan bolyp, onyng ortalyghynda balalar-jasóspirim futboly, infraqúrylymdyq jobalar men әleumettik bastamalar ornalasady.

Futbol akademiyasy shamamen 10 gektar jerdi alady. Joba ayasynda stadionnan bólek jyl boyy dayyndyq jasaugha arnalghan jabyq manej, tolyq ólshemdi jattyghu alany, eki qabatty әkimshilik-bólme kesheni, medisinalyq ortalyq, basseyn, sauna, ashana jәne tәrbiyelenushilerge arnalghan jataqhana qarastyrylghan. Barlyq nysandar jyly dәlizder arqyly qosylady, al aumaqqa vorkaut-zona, trenajerlar, sayabaq jәne avtotúraq ornatylady.

Negizgi qúrylys-montaj júmystary 2027 jyly ayaqtaluy josparlanyp otyr.

Kadr dayarlau isine erekshe mәn berilgen: jattyqtyrushylar ýshin halyqaralyq taghylymdamalar men UEFA liysenziyalaryn alu mýmkindigin qamtityn biliktilikti arttyru baghdarlamalary engizilgen.

Sporttyq infraqúrylym tek qalalarda ghana emes, auyldyq eldi mekenderde de jýieli týrde damytylatyn bolady.

Abai.kz