Energetika ministrligi 2030 jylgha deyingi kómir generasiyasyn damytu josparyn tanystyrdy. Búl turaly Ýkimetting baspasóz qyzmeti habarlady.

Memleket basshysynyng tapsyrmasyna sәikes, QR Ýkimeti Energetika ministrligi arqyly kómir generasiyasyn damytu jónindegi últtyq jobany әzirleude. Energetika ministrligi dóngelek ýstel otyrysynda sarapshylyq qauymdastyqqa 2030 jylgha deyingi kómir generasiyasyn damytu jónindegi Últtyq jospardyng jobasyn tanystyrdy.

Jobanyng bastapqy qúny 8 trln tengeden asady dep baghalanyp otyr. Últtyq jospar eldegi energiya tapshylyghyn sheshuge jәne eskirgen stansalardy janartugha baghyttalghan.

«Últtyq joba saladaghy barlyq baghyttardy keshendi әri jan-jaqty damytugha baghyttalghan. Búl investisiya tartudan bastap, otyn-logistikalyq infraqúrylymdy damytugha jәne kadrlyq әleuetti kýsheytuge deyingi tendestirilgen tәsil. Múnday jýieli әdis ekonomikanyng mulitiplikativtik әserin qamtamasyz etip, elding túraqty damuyna ýles qosady», — dedi Energetika ministri Erlan Aqkenjanov.

Jospargha alty iri energetikalyq nysannyng qúrylysy kiredi: Ekibastúz MAES-3 (GRES), sonday-aq Kurchatov, Kókshetau, Semey, Óskemen jәne Jezqazghan stansalary. Sonymen qatar, Ekibastúz MAES-2 jәne Aqsu MAES siyaqty júmys istep túrghan stansalardy tehnikalyq janghyrtu qarastyrylghan.

Jana jobalardy jýzege asyru ýshin investorlardy tender arqyly tandau mehanizmderi qoldanylady. Al qoldanystaghy stansalardy janartu ýshin ministrlikpen investisiyalyq kelisimder jasalady. Búl sharalar jobany iske asyru prosesining ashyqtyghyn qamtamasyz etip, úzaqmerzimdi kelisimder shenberinde boljanatyn tarifterdi saqtay otyryp, investisiyalardyng qaytarymdylyghyn qamtamasyz etedi.

«Jobada basty nazar «taza kómir» negizindegi nysandargha, zamanauy tehnologiyalardy qoldanugha audarylghan. Bizding maqsat — moralidyq jәne fizikalyq eskirgen quattardy joghary tiyimdilik koeffisiyentine ie zamanauy energetikalyq bloktarmen kezen-kezenimen almastyru. Búl ekologiyalyq talaptar men energetikalyq qauipsizdik arasyndaghy tepe-tendikti saqtaugha mýmkindik beredi», — dedi vedomstvo basshysy.

Jana quattardy tiyimdi engizu ýshin kómir óndiru jәne temirjol infraqúrylymyn damytu josparlaryn ýilestiru qajet. Ministrlik kómir óndirisin úlghaytu jәne temirjol jelisindegi ótkizu qabileti shekteuli uchaskelerdi («tar tústardy») joy mәselelerin talqylady.

Jobanyng әleumettik bóliginde personaldy qorghau sharalary men «Otbasy bank» AQ-pen birlesip arnayy túrghyn ýy baghdarlamalaryn iske qosu qarastyrylghan. Úsynylghan úsynystar barlyq mýddeli taraptarmen pysyqtalghannan keyin Últtyq jobany songhy núsqada bekituge negiz bolady.

Abai.kz