Memleket basshysy Qasym-Jomart Toqaev últtyq kompaniyalar men «Samúryq-Qazyna» qorynyng qyzmetine qatysty qatang syn aitty. Ýkimetting keneytilgen otyrysynda sóilegen Preziydent últtyq kompaniyalardaghy basqaru jýiesi zaman talabyna say kelmeytinin ashyq mәlimdedi.

Preziydentting aituynsha, últtyq kompaniyalardyng qúrylymy týbegeyli qayta qaraudy qajet etedi.

- Qosshydan basshy kóp. Basshylyq qúramy el aityp jýrgendey «Sol jaghalaudyn» adamdaryna tolyp qalghan. Týski uaqytta qonaqýilerde otyryp, pikir almasyp, shay-kofe iship otyrady. Ashyghyn aitu kerek, olardyng júmysqa kómilip jatqan eshtenesi joq, - dedi Memleket basshysy.

Sonymen qatar Preziydent keybir basshylardyng naqty júmyspen ainalysudyng ornyna әleumettik jelilerde pikirtalasqa aralasyp, tipti kýmәndi diskussiyalargha qatysyp jýrgenin de syngha aldy. Búl jaghday memlekettik basqarudaghy tiyimdilik pen jauapkershilik mәselesin qayta kýn tәrtibine shyghardy.

Kvaziy-memlekettik sektordaghy qayshylyqtar

Preziydent kótergen mәselege Mәjilis deputaty, «Aq jol» partiyasynyng tóraghasy Azat Peruashev te pikir bildirdi. Onyng aituynsha, kvaziy-memlekettik sektordaghy kadrlyq artyqshylyq pen shyghyn mәselesi parlament minberinde birneshe jyldan beri aitylyp keledi.

- Biz búl mәseleni ýkimetting jyl sayynghy budjet esebinde kóterip kelemiz. Úlybritaniyany mysalgha alyp, kvaziy-memlekettik mekemelerdegi qyzmetkerlerdi qysqartu tәjiriybesin úsyndyq. Sonda budjet ýnemdeu ýshin qansha memlekettik qyzmetshi qysqardy dep súraghanda, birde-bir adam qysqarmaghany belgili boldy, - dedi deputat.

Azat Peruashevting aituynsha, keybir últtyq kompaniya qyzmetkerleri milliondaghan syiaqylar alghanymen, olardyng naqty júmysynyng nәtiyjesi qoghamgha týsiniksiz kýiinde qalyp otyr.

- Syiaqy bar, al nәtiyje qayda? -degen súraq әli kýnge deyin ashyq túr, - dep týiindedi ol.

Qogham kýtken ózgeris

Sarapshylardyng pikirinshe, Preziydentting búl mәlimdemesi últtyq kompaniyalardy basqaru jýiesine qatysty jana kezenning bastalghanyn anghartady. Qogham tarapynan kópten beri aitylyp kele jatqan artyq shtat, joghary jalaqy men tómen tiyimdilik mәselesi endi naqty reformalargha úlasuy tiyis.

Últtyq kompaniyalar - memleketting ekonomikalyq tiregi. Sondyqtan olardyng ashyqtyghy, tiyimdiligi jәne nәtiyjege júmys isteui tek budjet ýshin emes, qoghamdyq senim ýshin de sheshushi mәnge iye. Al Memleket basshysynyng syny búl salada kosmetikalyq emes, jýieli ózgerister qajet ekenin anyq kórsetip otyr.

Abai.kz