Indeksasiyalau – memlekettik qyzmetshiler ýshin 2029 jyldan bastap kózdelip otyr.

Mәjilis deputaty Qaraqat Abden Memlekettik qyzmet isteri agenttigining tóraghasy Darhan Jazyqbaygha memlekettik qyzmetshilerding jalaqysyn indeksteu kezinde qanday naqty kórsetkishter negizge alynatyny turaly súraq qoydy.

Deputat atap ótkendey, qazirgi uaqytta memlekettik qyzmetting tartymdylyghyn arttyru jәne myqty bilikti mamandardyng memlekettik qyzmetten ketuin azaytu mәselesi ózekti bolyp otyr.

– Býgingi tanda eng ýlken mәselelerding biri – jalaqy. Ókinishke oray, qazirgi kezde memlekettik qyzmetkerlerding jalaqysy inflyasiya dengeyinen artta qalyp otyr. Sonyng saldarynan bilikti mamandar jeke sektorgha ketip jatyr, – dedi Qaraqat Abden.

Ol sonday-aq zang jobasyna sәikes memlekettik qyzmetshilerding lauazymdyq jalaqysy keminde ýsh jylda bir ret indeksasiyalanuy tiyis ekenin atap ótti.

– Búl óte dúrys qadam, men ony qoldaymyn. Kezen-kezenimen indeksasiyalau jergilikti jerlerde jana bilikti jәne maqsatshyl qyzmetkerlerdi saqtap qalugha kómektesedi jәne ýlken motivasiya beredi, – dedi deputat.

Sonday-aq, Qaraqat Abden indeksasiya kezinde qanday kórsetkishter negizge alynatynyn súrady.

– Indeksasiyalau – memlekettik qyzmetshiler ýshin 2029 jyldan bastap kózdelip otyr. Zang jobasynda kórsetilgendey, qazirgi tanda búl indeksasiya memlekettik josparlau jónindegi uәkiletti organ arqyly jýzege asady. Maqsat – memlekettik qyzmetshilerding jalaqysy jeke sektormen bәsekege qabiletti boluyn qamtamasyz etu. Osyghan baylanysty zangha ózgerister engizilip jatyr, - dep jauap berdi Darhan Jazyqbay.

Abai.kz