Qazaqstanda elektr quatyn óndiru men tútynu arasyndaghy alshaqtyq qysqaryp keledi. Búl jóninde QR Energetika ministrligi resmy saualymyzgha joldaghan jauabynda mәlimdedi.

Ministrlikting habarlauynsha, 2025 jyly 123,1 mlrd kVt/sagh elektr energiyasy óndirildi. Onyng 8,6 mlrd kVt/sagh janartylatyn energiya kózderi obektileri arqyly alynghan. Al qoldanylghan elektr quaty kólemi — 124,6 mlrd kVt/sagh. Demek, byltyr 1,5 mlrd kVt/sagh energiya syrttan importtalghan.

— Elimizde elektr energiyasyn óndiru men tútynu kólemi arasyndaghy alshaqtyqty qysqartudyng túraqty ýrdisi bayqalady, búl ótken jyldarmen salystyrghanda alshaqtyqtyng tómendegenin kórsetedi: 2023 jyly — 2,2 mlrd kVt/sagh, 2024 jyly — 2 mlrd kVt/sagh, 2025 jyly — 1,5 mlrd kVt/sagh, — delingen habarlamada.

Sonday-aq 2026 jyldyng 9 nauryzyndaghy jaghday boyynsha 25,8 mlrd kVt/sagh elektr energiyasy óndirilip, onyng 25,7 mlrd kVt/sagh tútynylghan.

Jalpy, elimizding ontýstik aimaqtarynda elektr quaty jetispeushiligi bayqalady. Ministrlikting mәlimetinshe, Jambyl, Qyzylorda, Týrkistan, Jetisu oblystary, sonday-aq Almaty jәne Shymkent qalalary energiya jýiesining tapshylyghyna neghúrlym beyim. Óitkeni, energiya kózderining basym bóligi soltýstik jәne batys oblystarda.

— Ontýstik aimaqta elektr energiyasynyng jetispeushiligi soltýstik aimaqtan jetkizu arqyly qamtamasyz etiledi, — delingen resmy jauapta.

Ayta keteyik, búghan deyin budjettik úiym nysandaryna kýn paneliderinen elektr energiyasyn alu mýmkindigi beriletinin jazghanbyz.

Abai.kz