Býgin Balqash qalasyna 89 jyl toldy. Merekelik kýn ekologiyalyq sharalarmen bastaldy. Tansәriden «Jastar» gýlzarynda eresekter men balalar jinalyp, osynda qala kýnine oray úiymdastyrylghan jәne «Taza Qazaqstan» baghdarlamasy ayasynda jýzege asyrylyp jatqan «Balqash — taza qala» aksiyasy bastau aldy.

Gýlzar bir sәtke ekologiyalyq iydeyalardyng ashyq alanyna ainaldy. Sheberler qayta óndelgen materialdardan jasalghan búiymdardyng kórmesin úsyndy. Qala túrghyndaryna resurstardy qayta óndeu men qayta paydalanu mýmkindikteri tanystyryldy.

Túraqty damu jolyndaghy zamanauy sheshimderding biri retinde gidropondyq qondyrghylar erekshe qyzyghushylyq tudyrdy.

«Tabighatty ayala» horeografiyalyq qoyylymy men jas tabighat qorghaushylardyng ýgit brigadasynyng óner kórsetui sharagha erekshe atmosfera syilady.

Balqash qalasynyng әkimi Sapar Sataev túrghyndardy qúttyqtap, eng ýzdik aula men kәsiporyndy anyqtaugha arnalghan qalalyq bayqaulargha bastau berdi.

Osy jerden «Balqashtyqtar taza qala ýshin» atty auqymdy ekologiyalyq sheru de jolgha shyqty. Qalanyng ortalyq kóshelerimen myndaghan adam — oqushylar, studentter, enbek újymdary jәne beyjay qaramaytyn túrghyndar jýrip ótti. Birneshe kvartalgha sozylghan kolonna taza qala — barshagha ortaq jauapkershilik ekenin taghy bir mәrte eske saldy.

Is-shara jalpyqalalyq senbilikpen jalghasty, ol «Dostyq» sayabaghynda ótti. Múnda da jýzdegen balqashtyq jinaldy. Qúral-saymandaryn qolgha alghan qatysushylar alleyalardy retke keltirip, aumaqtardy qoqystan tazalap, birge jayly qalalyq orta qalyptastyrugha ýles qosty.

Qogham belsendisi Anar Adambekova jerlesterine ýn qatyp, barsha túrghyndardy «Taza Qazaqstan» baghdarlamasyna belsendi qatysugha shaqyrdy:

— Qalanyng tazalyghy — barshamyzgha ortaq jauapkershilik. Ár adam ózinen bastauy tiyis: qoqys tastamau, ózinen keyin jinau, tabighatqa jәne tughan qalasyna úqypty qarau. Balqashty birge shyn mәninde taza, jayly әri kórikti qalagha ainaldyrayyq — ózimiz ýshin de, keleshek úrpaq ýshin de.

Aqsaqal Júmabek IYgembaev ta jastargha tughan jerge degen sýiispenshilikti, enbekke qúrmetti jәne tazalyq mәdeniyetin siniru qajet ekenin atap ótti.

Býgin qoghamdyq kólikterde jәne adamdar kóp jinalatyn oryndarda qalagha tanymal Balqash jolbarysy maskotyn kezdestiruge bolady. Ol túrghyndargha paraqshalar taratyp, tazalyq әrkimnen bastalatynyn eske salady.

Merekelik baghdarlama múnymen ayaqtalghan joq. Jaghalauda jas suretshiler festivali ótedi. M. Hamzin atyndaghy mәdeniyet sarayynda «Kitap oqityn últ» jobasynyng qalalyq kezenining qorytyndysy shygharylyp, eng kóp kitap oqyghan túrghyndar marapattalady. Keshke balqashtyqtar men qala qonaqtary «Jastar» skverinde ótetin merekelik konsert pen jastar diskotekasyna shaqyrylady.

Balqash qalasynyng tughan kýni 11 sәuirde atap ótiledi. Dәl osy kýni, 1937 jyly, Pribalhashstroy júmysshy kenti resmy týrde Balqash qalasyna ainaldy.

Abai.kz