Almatydaghy Desanttyq-shabuyldau әskerlerining 61993 әskery bóliminde «Birikken Últtar Úiymynyng bólinudi baqylau jónindegi kýshteri» missiyasy qúramynda qyzmet etu ýshin Golan jotalaryna attanatyn ýshinshi últtyq bitimgerlik kontingentti saltanatty týrde shygharyp salu rәsimi ótti. 

Is-sharagha Qorghanys ministrligining basshylyghy, Bitimgerlik operasiyalar ortalyghynyng qolbasshylyghy, qyzmettester, Qaruly kýshterding ardagerleri, sonday-aq әskery qyzmetshilerding tuystary men jaqyndary qatysty. Mitingte sóz alghan Qorghanys ministrining tәrbie jәne iydeologiyalyq júmys jónindegi orynbasary general-mayor Asqar Mústabekov Qazaqstannyng halyqaralyq qauipsizdikti qoldau isine qatysuynyng manyzdylyghyna toqtaldy.

– Bitimgerlik syrtqy sayasattyng basym baghyttarynyng biri jәne Qazaqstannyng halyqaralyq qauipsizdikke qosqan manyzdy ýlesi bolyp tabylady. Sizder elimizding abyroyyn asqaqtatyp, Birikken Últtar Úiymynyng bitimgerlik missiyasyna qatysugha attanghaly túrsyzdar. Búl – memlekettin, halyqaralyq qauymdastyq pen jaqyndarynyzdyng aldyndaghy ýlken jauapkershilik, – dep atap ótti general-mayor Asqar Mústabekov.

Óz kezeginde ekinshi bitimgerlik kontingentining әskery qyzmetshisi 3-synyp serjant Jandos Áubәkirovting әkesi Ghúmar Maratúly sóz alyp, bitimgerlerge aq jol tilep, missiyany abyroymen atqaryp, aman-esen elge oralularyna tilektestik bildirdi.

Búdan song ýshinshi bitimgerlik kontingentting komandiyri podpolkovnik Iliyas Almatov bastaghan әskeriyler plasta saltanatty sappen jýrip ótti. Osy mezetten Qaruly kýshterding 139 әskery qyzmetshisi ekinshi kontingentti auystyru ýshin Almaty halyqaralyq әuejayyna jol tartyp ketti.

Qazirgi tanda 150-den astam qazaqstandyq bitimger Birikken Últtar Úiymynyng Tayau Shyghystaghy jәne Afrika kontiynentindegi 7 missiyasyna әskery baqylaushy, shtabtyq ofiyser jәne jeke derbes әskery kontingent retinde qatysyp jatyr. Atap aitsaq, Livanda, Siriyada, Batys Saharada, Ontýstik Sudanda, Kongo Demokratiyalyq Respublikasynda, Ortalyq Afrika Respublikasyndaghy BÚÚ missiyalarynda qazaqstandyq bitimgerler bar.

Qazaqstandyq bitimgerler atysty toqtatu rejiymin qamtamasyz etu, patrulideu, tosqauyl beketterin kýzetu, jarylys qaupi bar zattardy joiy, sonday-aq BÚÚ personaldaryn alyp jýru men evakuasiyalau jónindegi mindetterdi oryndaydy. Últtyq kontingentting búghan deyingi eki qúramy Golan jotalarynda qyzmet etken kezde qoyylghan barlyq mindetterdi oidaghyday oryndap, BÚÚ missiyasy men Hatshylyghynyng basshylyghynan joghary bagha alghanyn aita ketu kerek.

Ayta ketelik Qazaqstandyq bitimgerler Golan jotalarynda 90-nan astam túrghyngha medisinalyq kómek kórsetken edi.

Abai.kz