Zelenskiy beysenbi kýni Putinge jazghan ashyq hatynda tórt jyldan astam uaqytqa sozylghan soghysty ekeuara betpe-bet kezdesip sheshuden ýmitti ekenin mәlimdep, «Men kezdesu úiymdastyrudy úsynamyn», - dedi.

Zelenskiy ashyq hatynda kezdesudi mýmkindiginshe tezirek ótkizudi, kelissózder kezinde Ukraina taraby atysty tolyqtay toqtatatynyn atap ótti. Beybit kelissózderge Europa men Amerika Qúrama Shtattarynyng da  qatysuy kerektigin naqtylady.

Zelenskiy hatynda: «Aldynghy maydan shebi - kelissózderding bastalar nýktesi boluy kerek», - dep jazdy.

Ukraina búghan deyin diplomatiyalyq kelissózderdi ilgerletu ýshin birneshe ret úzaq merzimdi atysty toqtatudy úsynghan bolatyn, biraq Resey atysty toqtatu Ukrainagha armiyasyn qayta qúrugha jәne kýshterin tolyqtyrugha mýmkindik beredi dep, úsynystan bas tartyp  keledi.

Zelenskiyding Putinge ashyq haty jariyalanghannan keyin, Resey preziydentining baspasóz hatshysy Dmitriy Peskov Zelenskiyding «kez kelgen uaqytta Mәskeuge kele alatynyn» ​​mәlimdedi.

Degenmen, Peskov Putinning ózi ashyq hatty әli kórmegenin de tilge tiyek etti.

Resey preziydenti Putin Zelenskiyding kezdesu turaly úsynysyna әzirge tikeley jauap bergen joq.

Putin búdan búryn Resey men Ukraina beybitshilik kelisimge qol qoyghannan keyin ghana, Zelenskiymen resmy kezdesu ótkizuge bolatynyn mәlimdegen bolatyn.

AQSh preziydenti Tramp beysenbi kýni Resey men Ukraina preziydentterining kezdesuin qúptaytynyn jetkizdi. Sopaqsha kabiynetinde tilshilerge bergen súhbatynda Tramp Putin men Zelenskiy kezdesip jasta, «jaqsy yrym» bolatynyn aitty. Tramp: «Olardyng kezdesu turaly talqylap jatqanyn kórgenime óte quanyshtymyn. Mening oiymsha, biz búghan ýles qostyq... Eger olar betpe-bet kezdese alsa, búl óte jaqsy nәrse bolar edi», - dedi.

Sarapshylar «eki tarap arasynda atysty toqtatu sharttary, aumaqtyq daular jәne kelissózder shenberi siyaqty manyzdy mәseleler boyynsha aitarlyqtay kelispeushilikter saqtalghanymen, Zelenskiyding kezdesu turaly jariya úsynysy jәne Kremliding jedel jauaby eki tarap arasynda  diplomatiyalyq baylanystyng әli de saqtalyp otyrghanyn kórsetedi» deydi.

Abai.kz