Úlybritaniyanyng Legatum Institute saraptamalyq ortalyghy Prosperity Index (Ál-auqat indeksi) reytingining jana shygharylymyn jariyalady. Reyting elderdi ekonomikadan bastap azamattardyng jeke bostandyqtaryna deyingi ondaghan kórsetkish boyynsha baghalaydy.

Janartylghan reytingte Qazaqstan әlem boyynsha 66-oryngha túraqtady. Osylaysha el postkenestik Ortalyq Aziya memleketteri arasynda eng joghary kórsetkishke ie boldy.

Aymaqtaghy ózge elderding kórsetkishteri tómenirek. Qyrghyzstan 87-oryngha, Ózbekstan 94-oryngha jayghassa, Týrikmenstan 150-orynmen ónirdegi tizimdi týiindedi. Biyl Qazaqstan men Ortalyq Aziyadaghy basqa memleketterding arasyndaghy aiyrmashylyq aitarlyqtay úlghayghan.

Qazaqstan osy reytingke qatysqan jyldary eng joghary 63-oryngha kóterilgen. Búl – el tarihyndaghy eng ýzdik nәtiyje. Al eng tómengi kórsetkishi 82-oryn bolghan. Barlyq baqylau kezenindegi Qazaqstannyng ortasha kórsetkishi shamamen 72-oryn dengeyinde.

Indeks neni baghalaydy?

Prosperity Index ýsh negizgi baghyt boyynsha qalyptastyrylady. Birinshi baghyt el ekonomikasy men halyqtyng ómir sýru sapasyn qamtidy. Ekinshisi azamattardyng jeke bostandyqtarynyng dengeyin baghalaydy. Ýshinshi baghyt qoghamnyng jay-kýii men әleumettik baylanystardyng beriktigin saralaydy.

Baghalau barysynda densaulyq saqtau, bilim beru, investisiyalyq ahual jәne basqa da ondaghan kórsetkish eskeriledi. Legatum Institute jyl sayyn reytingpen birge Qazaqstangha qatysty tolyq taldaudy da jariyalap otyrady.

Halyqaralyq dengeyde moyyndalghan reyting

Legatum Institute ekonomika men әleumettanu salalaryn úshtastyra zertteytin bedeldi saraptamalyq ortalyqtardyng biri sanalady. Prosperity Index 2007 jyldan beri jariyalanyp keledi jәne býginde әlemning 167 elin qamtidy.

Indeks әdistemesin Dýniyejýzilik bank pen Ekonomikalyq yntymaqtastyq jәne damu úiymynyng (EYDÚ) sarapshylary da ózderining eldik sholularyn әzirleu kezinde paydalanady.

Qazaqstannyng kórsetkishi jaqsardy

2011 jyldan beri Qazaqstan reytingte 17 satygha kóterildi. Eng ýlken ilgerileu densaulyq saqtau salasynda bayqalghan. Sarapshylar búl kórsetkish boyynsha songhy onjyldyqtaghy ósim indeks sanattarynyng ishindegi eng joghary nәtiyjelerding biri ekenin atap ótti.

Sonday-aq Legatum Institute sarapshylary Qazaqstannyng bilim beru jýiesi men ekonomikalyq sapa kórsetkishteri birneshe jyldan beri elding basty artyqshylyqtarynyng qatarynda túraqty saqtalyp kele jatqanyn mәlimdedi.

Abai.kz