Memleket basshysy Qasym-Jomart Toqaevtyng Qúryltay saylauy qarsanyndaghy ýndeui

Qúrmetti otandastar!

Aldaghy jeksenbi kýni elimizde jana birpalataly Qúryltaydyng alghashqy saylauy ótedi. Búl – últ taghdyryna tikeley әser etetin tarihy oqigha.

Elimiz songhy jyldary auqymdy reformalardy jýzege asyryp, jarqyn bolashaqqa batyl qadam basyp keledi. Biz birlik pen kelisimning jәne yntymaqtyng arqasynda Ádiletti Qazaqstandy qúru isinde zor jetistikke jettik. Halyq Konstitusiyasy kýshine endi, elimizding damu baghdary ózgerdi. Degenmen atqaratyn júmys әli de kóp.

Búl saylau halqymyzdyng iygiligine qyzmet etetin tyng reformalargha bastau bolyp, qazirgi Qazaqstan jylnamasyndaghy jana kezenge jol ashady.

Men partiyalardyng barlyghy dayyndyq júmystaryn tiyisti dengeyde jýrgizui ýshin Qúryltay saylauy ótetin uaqytty erterek habarladym.

Sondyqtan Qúryltaydyng alghashqy saylau nauqany mazmúndy, ashyq, bәsekege toly әri órkeniyetti sipatta ótti. El azamattarynyng saylau turaly pikiri osynday boldy.

Búl saylau el tarihyndaghy eng tartysty nauqandardyng biri retinde este qalatyny anyq. Partiyalar saylaushylarmen kezdesu kezinde, sonday-aq aqparattaghy ýgit-nasihat, jalpyúlttyq teledebattar, әleumettik jelidegi pikirtalastar barysynda óz baghdarlamalaryn keninen әri dәiekti týrde tanystyrdy.

Bir sózben, azamattarymyz partiyalardyng el bolashaghyna qatysty ústanymyn múqiyat zerdeleuge mýmkindik aldy. Sayasy úiymdardyng ekonomikadan bastap mәdeniyet salasyna deyin qamtyghan bastamalaryn baghalap-baghamdady.

Saylaualdy nauqan elimizdegi qoghamdyq kýn tәrtibi ózgergenin, jasampazdyq pen órkendeu iydeyasy memleket sayasatynyng arqauyna ainalghanyn aiqyn kórsetti.

Júrt aldyna jana túlghalar shyqty, útymdy úsynystar aityla bastady. Búl – týbegeyli sayasy janghyrumen qatar, últymyzdyng qayta jandanghan passionarlyq quatyn tanytatyn manyzdy nyshan.

Qoghamdyq pikirtalasqa jastarymyz, kәsiby qauymdastyq ókilderi men kәsipkerler de belsendi qatysty. Memleket basshysy retinde barshanyzgha zor rizashylyghymdy bildiremin.

Jalpy, halqymyzdyng sayasy mәdeniyeti artyp, júrtymyz memlekettik basqaru isine atsalysa bastady. Búl biz bir el bolyp jýrgizgen reformalardyng tikeley nәtiyjesi ekeni sózsiz.

Azamattarymyz qasterli Otanymyzdyng taghdyryna shynayy janashyrlyq tanytyp, elimizding keleshegine jauapty ekenin tereng sezinuge tiyis. Sonda ghana Qazaqstan odan әri qaryshtap damidy.

Saylau nauqany otandyq jәne halyqaralyq bayqaushylardyng jiti nazarynda boldy. Olar dauys beru kýni de uchaskelerde bolady.

Biz «Zang men Tәrtip» qaghidaty ýstemdik qúratyn, halyq ýnine qúlaq asatyn, sayasy jәne qoghamdyq instituttary tiyimdi júmys isteytin memleket qúryp jatyrmyz.

Jalpyhalyqtyq dauys beruding qorytyndysy boyynsha Qúryltaygha kәsiby mamandar men otanshyl azamattar saylanady dep kәmil senemin.

Qúryltay әraluan kózqaras pen últ keleshegi jolyndaghy úmtylystar toghysatyn birtútas alang bolugha tiyis. Osylaysha, Qúryltay el janghyruyna tyng serpin beretin qúrylymgha ainalmaq.

Biz geosayasy shiyelenis shiryghyp, jahandyq syn-qaterler kýsheye týsken kezende bet alghan baghytymyzdan taymay, tek algha qaray jýruimiz qajet. Qazaqstandy әlemdegi naghyz ozyq memleketterding qataryna qosu ýshin auqymdy júmys atqaruymyz kerek, yaghny últtyq strategiyamyzdy tabysty jýzege asyruymyz qajet.

Adamdar kóp jaghdayda qabyldanghan manyzdy sheshimderding shynayy qúndylyghyn jyldar ótken song ghana týsinedi. Aldaghy jeksenbi el taghdyry ýshin dәl osynday betbúrysty sәt bolady.

Biz Qazaqstan tarihyndaghy jana kezenge qadam basamyz. Osynday taghdyrsheshti sәtte әr adamnyng dauysy manyzdy ekeni sózsiz.

Qúrmetti otandastar, elimizding keleshegi әr azamattyng sanaly tandauyna baylanysty bolmaq.

Saylaugha qatysu degenimiz – halyqtyng óz yqtiyaryn bildiru, el taghdyryna bey-jay qaramay, azamattyq jauapkershilik tanytu, el iygiligi ýshin ónegeli is jasau degen sóz. Dýnie jýzinde milliondaghan adam óz saylau qúqy ýshin kýresude.

Qazaqta «Kelisip pishken ton kelte bolmas» degen maqal bar. Azamattardy, әsirese, jastardy saylaugha kelip, óz tandauyn jasaugha, yaghny Qazaqstannyng tabysty damuyna ýles qosugha shaqyramyn.

Halqymyzdyng dauysy qasterli Otanymyzdyng túghyryn bekemdeuge, naghyz ozyq el boluymyzgha tikeley yqpal eteri anyq.

Barshanyzgha amandyq jәne tabys tileymin! Otanymyz – Qazaqstan Respublikasy jasasyn!

Abai.kz