Biyl dәstýrli «Mereyli otbasy» bayqauyna Jetisu oblysynan 428 otbasy qatysyp, ónir ótinimder sany boyynsha respublikada ekinshi oryngha ie boldy. Irikteuden ótken 20 otbasynyng ishinen jýldegerler anyqtalyp,  olardy oblys әkimi Beybit Isabaev marapattady. Olar - bilim beru, sport, auyl sharuashylyghy jәne basqa da salalarda tabysty enbek etip jýrgen әuletter.

Taldyqorghandaghy I. Jansýgirov atyndaghy Mәdeniyet sarayynda ótken saltanatty sharagha jinalghandardy qúttyqtaghan Beybit Isabaev:

- Elge degen sýiispenshilik pen patriottyq sezim eng aldymen әrbir shanyraqtyng berekesinen bastalady. El Preziydenti  halyqqa úsynghan «Adal adam – Adal enbek – Adal tabys» atty manyzdy tújyrymdamasyn iske asyrugha mereyli otbasylar belsene qatysuda. Bәrimizdi biriktiretin ortaq ústanym – birlik pen tatulyq, ózara qúrmet, enbekqorlyq, úrpaq tәrbiyesine degen jauapkershilik. Preziydentimiz keshe Tamyz konferensiyasynda azamattarymyzdyng múngha batyp, apatiyalyq-boykýiezdikke salynbay, algha progresske, bilim men tehnologiyagha jarqyn bolashaqqa úmtyluy kerektigin bosqa aitqan joq. Býgingidey әlemdegi almaghayyp kýrdeli geosayasy kezende bizder, әsirese jastar kózi ashyq, kókiregi oyau, zerdeli bolghany kerek. Árbir otbasynyng osynday qúndylyqtardy ómirlik ústanymgha ainaldyruy manyzdy, - dep atap ótken ónir basshysy jenimpazdardy marapattau rәsimine kóshti.

«Mereyli otbasy» últtyq bayqauynyng oblystyq kezenining 1-oryn jýldesine kóksulyq Erkenovter ie boldy. Auyl sharuashylyghy salasynda enbek etken otaghasy Sәlim Seytbayúly KSRO sport sheberi, qazaq kýresi men erkin kýresten birneshe dýrkin jenimpaz bolghan. Al otanasy Qalipan Ryspayqyzy – 10 bala tәrbiyelegen «Batyr ana», «Altyn júldyz» jәne «Enbek ardageri» marapattarynyng iyegeri. Býginde búl әuletting úrpaqtary medisina, ghylym, sport, qúqyq qorghau, ekonomika jәne memlekettik qyzmet salalarynda tabysty enbek etip, el damuyna ýles qosyp keledi. 10 bala, 26 nemere, 17 shóbere tәrbiyelep otyrghan ónegeli әulet. Búl rette Erkenovter otbasy «Mereyli otbasy» bayqauynyng respublikalyq kezeninde Jetisu oblysynyng namysyn qorghaytyn bolady. Bayqauda 2 jәne 3-oryn oryn alghan Panfilov audanynan kelgen Ahmetjanovtar men taldyqorghandyq Jarmúhamedovtar otbasy da – jarty ghasyr boyy shanyraghynyng berekesin úiytyp, sanaly úrpaq órbitken әuletter. Sol siyaqty oblys aimaqtarynan kelgen taghy 7 otbasy yntalandyru syilyqtaryna ie boldy.

Jenimpazdargha aqshalay sertifikat, al jýldegerlerge baghaly syilyqtar tapsyryldy.

Jenimpaz otbasylar óz pikirlerin bildirdi.

- Kóksu audanynyng Enbekshiqazaq auylynda sonau 1960 jyldardan beri túramyz. Ózim auyl sharuashylyghynda – qant qyzylshasy alqabynda, sýt zerthanasynda júmys istedim. Joldasym ekeumiz 10 bala tәrbiyelep ósirdik. Elu alty jyl tatu-tәtti otastyq, otaghasy 75 jasynda ómirden ótti. Shýkir, balalarymyzdyng bәri joghary bilim aldy, bir-bir maman iyesi. Býgin bizding berekeli shanyraghymyzdy ózgelerge ýlgi etip, jýlde berip jatqandarynyzgha rahmet aitamyn. Jas otbasylargha bizding jolymyzdy bersin, - dedi kóp balaly ana Qalipan Ryspayqyzy.

- Áriyne, әrbir otbasy zaman kóshinen qalmay, uaqytpen birge damyp otyruy kerek, balalardy jana mashyqtargha ýiretken de manyzdy. Degenmen enbekke baulu, meyirim men ózara qamqorlyq, kishige izet, ýlkenge qúrmet tәrbiyesin, últtyq qúndylyqtardy saqtaghan jón. Sonda otbasy berik te berekeli bolady, - deydi jenimpaz bolghan otbasynyng otanasy Kýlghaysha Jarmúhamedova.

Merekelik saltanatty shara konserttik baghdarlamamen jalghasty.

Atap ótsek, oblysta shanyraq kótergen jas otbasylar sany jyldan jylgha artyp keledi. Mәselen, ótken jyly 2 451 jas otau qúrylsa, biylghy alty aidyng ózinde 1409 otbasy jana ómirge qadam basqan.

Abai.kz