VI Dýniyejýzilik kóshpendiler oiyndarynda el namysyn qorghap, jýldeli oralghan Almaty oblysynyng sportshylary marapattaldy. Qyrghyzstanda ótken halyqaralyq dodada baby men baghy qatar janghan jýldegerlerge Almaty oblysynyng әkimi Shynghys Árinov alghys aityp, iltipat bildirdi, -  dep habarlaydy Almaty oblysy әkimining baspasóz qyzmeti.

“Kóshpendiler oiyndary – halqymyzdyng últtyq bolmysyn, salt-dәstýrin, at ýstindegi ónerin әlemge tanytatyn asa manyzdy halyqaralyq jarys. Álemning 100-den astam elinen kil myqtylar qatysqan dýbirli dodada últtyq qúrama jalpykomandalyq esepte birinshi oryngha ie boldy. Búl – elimiz ýshin ýlken maqtanysh. Biz ýshin taghy bir erekshe quanysh – el qúramasynyng sapynda Almaty oblysy atynan óner kórsetken sportshylardyng jýldeli oryndargha ie boluy. Búl rette sportshylarymyzdyng jenisine jol ashqan bapkerlerding de enbegin erekshe atap ótkim keledi. Ónirde últtyq sportty damytugha, balalar men jasóspirimder arasynan sport rezervin qalyptastyrugha erekshe basymdyq berilip keledi. Songhy jyldary últtyq sportqa bet búrghan jastardyng qatary aitarlyqtay artty. Aldaghy uaqytta últtyq sportty keninen dәripteuge, ony búqaralyq sipatqa jetkizuge, jas talanttardy iriktep, myqty sport rezervin qalyptastyrugha jәne el abyroyyn asqaqtatatyn sanlaqtargha jan-jaqty qoldau kórsetuge basymdyq beremiz. Últtyq sporttyng órkendeui zamanauy әri qoljetimdi infraqúrylymgha da tikeley baylanysty, – dedi Shynghys Sayranúly.

Sonday-aq sport nysandaryn salu men janghyrtu jәne әrbir túrghynnyng sportpen shúghyldanuyna qolayly orta qalyptastyru baghytyndaghy júmystar jýieli týrde jalghasatynyn tilge tiyek etti.

Aymaq basshysy sanauly kýnderden song jalauy jelbireytin HH Aziya oiyndaryna Qazaqstan qúramasy sapynda Almaty oblysynyng 24 ókili sporttyng 13 týrinen baq synaytynyn aityp, barsha túrghyndardy osy bayraqty bәsekege qatysatyn jerlesterimizge qoldau kórsetuge shaqyrdy.

Býgingi is-shara barysynda «Alatau» federasiyasynyng preziydenti Sәbit Qasenov, kókpardan VI dýniyejýzilik kóshpendiler oiyndarynyng tóreshisi Eldos Tilebaldiyev jәne alaman bәigeden, kókpardan, kókbóriden jýldeli oryndargha ie bolghan sportshylargha Preziydenting “Alghys haty” tabystaldy. Ózge sportshylar men bapkerler de oblys әkimining “Qúrmet gramotasy” jәne “Alghys hatpen” marapattaldy.

Dýbirli dodada kók bayraqty jelbiretip, jenispen oralghan sportshylar ózderin elep-eskergen Memleket basshysy men oblys әkimine alghys bildirdi.

Abai.kz