Týrikmenbashy qalasynda Ortalyq Aziya memleketterining Memleketaralyq su sharuashylyghyn ýilestiru komissiyasynyng (MSShÝK) 95-inshi otyrysy ótti, dep habarlaydy Egemen.kz

Jiyngha QR Su resurstary jәne irrigasiya ministri Núrjan Núrjigitov, Tәjikstan Respublikasy Energetika jәne su resurstary ministrligining Su-energetikalyq sayasat bas basqarmasynyng bastyghy Daler Abduhalok, Týrikmenstan Memlekettik su sharuashylyghy komiytetining tóraghasy Durdy Gendjiyev jәne Ózbekstan Respublikasynyng Su sharuashylyghy ministri Shavkat Hamraev qatysty.

Taraptar Syrdariya jәne Ámudariya ózenderi basseynderindegi 2026 jylghy vegetasiya kezenining qorytyndysyn shygharyp, 2026-2027 jyldardaghy vegetasiyaaralyq kezenge arnalghan su alu limitteri men su qoymalarynyng júmys rejimderining boljamyn bekitti.

Syrdariya ózeni basseynindegi vegetasiya kezeni túraqty rejimde ótkeni atap ótildi. Týrkistan oblysynyng aumaghyndaghy Shardara su qoymasyna shamamen 3,69 mlrd tekshe metr su kelip týsti. Búl boljamdy kólemnen 840 mln tekshe metrge artyq. Vegetasiyaaralyq kezende su qoymasyna keletin su kólemi shamamen 10 mlrd tekshe metr bolady dep kýtilip otyr.

Otyrysqa qatysushylar su resurstaryn esepke alu jәne monitoring jýrgizu jýiesin jetildiru mәselesine erekshe nazar audardy. Taraptar Syrdariya ózeni basseyninde su resurstaryn esepke aludyng avtomattandyrylghan jýiesin engizu josparynyng jobasyn әzirleu jónindegi júmys tobynyng otyrysyn ótkizu turaly kelisimge keldi.

Sonymen qatar Halyqaralyq Araldy qútqaru qorynyng qúryltayshy memleketteri basshylarynyng sammitterinen tuyndaytyn mindetterding oryndalu barysy qaraldy.

Búdan keyin Ámudariya jәne Syrdariya ózenderining su resurstaryn útymdy paydalanu mәseleleri boyynsha Ortalyq Aziya memleketterining joghary dengeydegi kezdesui ótti. Is-sharagha Qazaqstan, Tәjikstan, Týrikmenstan jәne Ózbekstan ókilderimen qatar, Qyrghyz Respublikasynyng Týrikmenstandaghy Tótenshe jәne ókiletti elshisi Azizbek Madmarov qatysty.

Kezdesude taraptar Ámudariya men Syrdariya ózenderining su resurstaryn útymdy әri túraqty paydalanu mәseleleri boyynsha pikir almasty. Sonday-aq ónirding su salasyndaghy negizgi syn-qaterler talqylandy. Aymaqtyq yntymaqtastyqty nyghaytugha, transshekaralyq su resurstaryn birlesip basqaru tetikterin jetildiruge jәne Ortalyq Aziyanyng barlyq memleketining mýddesin eskeruge erekshe nazar audaryldy.

Kezdesu qorytyndysy boyynsha taraptar su resurstaryn túraqty әri útymdy paydalanu mәseleleri boyynsha syndarly dialog pen birlesken júmysty jalghastyrugha mýddeli ekenin rastady.

«Ortalyq Aziya elderining su sharuashylyghy vedomstvolary arasyndaghy ózara is-qimyl ótken vegetasiya kezenining túraqty ótuin qamtamasyz etuge mýmkindik berdi. Býgin aldaghy uaqytta birlesken әri tiyimdi júmys jýrgizuge negiz qalandy. Biz jәne bizding seriktesterimiz barlyq taraptyng mýddesin eskere otyryp, transshekaralyq su resurstaryn әdil bóluge baghyt alyp otyrmyz», dedi Su resurstary jәne irrigasiya ministri Núrjan Núrjigitov.

MSShÝK-ting kelesi, 96-ynshy otyrysyn 2027 jyldyng birinshi toqsanynda Ózbekstan Respublikasynda ótkizu josparlanyp otyr.

Abai.kz