Qazaqstan Preziydenti Beligiyalyqtar Korolimen jәne Patshayymymen shaghyn qúramda kelissóz jýrgizdi. Kelissóz barysynda Preziydent Beligiyalyqtar Koroli men Patshayymynyng Qazaqstangha jasaghan alghashqy memlekettik sapary ekijaqty seriktestikting jana kezenine jol ashatyn tarihy uaqigha ekenin atap ótti.

– Sizdi Astanada qarsy alghanyma quanyshtymyn. Búl – men ýshin zor mәrtebe. Tarihy saparynyz júrtshylyqtyng ýlken qyzyghushylyghyn tudyrdy. Qazaqstangha kelgen delegasiya qúramyna Ýkimet pen aimaqtyq biylik, iskerlik toptar, akademiyalyq qauymdastyq jәne búqaralyq aqparat qúraldary ókilderi engen. Siz Taq múrageri retinde Qazaqstangha ýsh mәrte kelgen ediniz. Elimizben qarym-qatynasty damytu jónindegi niyetinizdi joghary baghalaymyz. Sizding qoldauynyzdy әrdayym sezinemiz, – dedi Qasym-Jomart Toqaev.

Qasym-Jomart Toqaev Beligiyany Qazaqstannyng Europadaghy uaqyt synynan ótken senimdi seriktesi dep sanaytynyn jetkizdi.

– Kelesi jyly elderimizding arasynda diplomatiyalyq qarym-qatynas ornaghanyna 35 jyl tolady. Osy jyldarda shynayy dostyq pen ózara qúrmetke negizdelgen tyghyz qarym-qatynasty jolgha qoydyq. Ýzdiksiz sayasy dialog yntymaqtastyghymyzdyng berik túghyry ispettes. Biz jetistikterinizdi údayy qarap otyramyz. Búl shyn mәninde tanghaldyrady. Sizderden ýlgi alyp, tәjiriybelerinizdi ýirenuimiz qajet. Beligiyagha bes jyl búryn jasaghan sapar barysyndaghy mazmúndy kelissózderdi yqylaspen eske alamyn. Biyl mausym aiynda Beligiyagha barghan saparymda Premier-ministr Bart de Vevermen kelissóz jýrgizip, seriktestikti nyghaytugha qos tarap ta beyil ekenin rastadyq, – dedi Memleket basshysy.

Koroli Filipp pen Patshayym Matilida qonaqjaylyghy jәne syi-qúrmeti ýshin Qazaqstan Preziydentine shynayy rizashylyghyn bildirdi Olar elimizding әleumettik-ekonomikalyq tabystaryna jәne halyqaralyq arenadaghy biyik abyroy-bedeline arnayy toqtaldy.

– Qazaqstan – biz ýshin qarqyndy damyp kele jatqan óte manyzdy el. Jalpy, Beligiya tútas Ortalyq Aziya ónirine airyqsha qyzyghushylyqpen qaraydy. Búl ónirding mәni zor. Menimen birge ýlken delegasiya keldi. Álbette, biz bir-birimizdi óte jaqsy bilemiz. Elderimiz 35 jyl ishinde jaqsy qarym-qatynas ornatty. Biz osy tarihy mejeni birge atap ótuge niyettimiz. Sonymen qatar yntymaqtastyghymyzdy jana sapaly dengeyge kóteretinimizge senimdimin. Menimen birge kelgen delegasiya qúramyna keleshekke baghdarlanghan týrli salanyng ókilderi kirdi. Preziydent myrza, bizben birge jýru ýshin júmys kestenizdi ózgertkeninizdi bilemin. Osy yqylasynyzgha tәntimiz. Sondyqtan altyn uaqytynyzdy bólip, qúrmet kórsetkeninizdi joghary baghalaymyz, – dedi Beligiyalyqtar Koroli Filipp.

Osydan song Qasym-Jomart Toqaev Beligiyalyqtar Korolimen jәne Patshayymymen keneytilgen qúramda kelissóz jýrgizdi. Aqordada ótken kelissóz barysynda Preziydent Qazaqstan men Ortalyq Aziyagha tarihta túnghysh ret memlekettik saparmen kelgen Beligiyalyqtar Koroline jәne Patshayymyna iltipat bildirdi.

– Osy tarihy sәtte Sizdermen jýzdesip, memleketterimiz arasyndaghy berik dostyqty atap ótu – men ýshin zor mәrtebe. Asa mәrtebeli Koroli Filipp, halqynyzgha qaltqysyz qyzmetinizdi joghary baghalaymyz. Ciz Korolidik biyligine kelgeli eliniz órkendep, әlemdik arenadaghy layyqty ornyn bekite týsti. Halqynyzgha adaldyghynyz jәne Beligiyany mekendeytin týrli qauymdar arasyndaghy ózara týsinistikti nyghaytu jolyndaghy tabandy enbeginiz Tәjding el birligin saqtaudaghy rólin aiqynday týsedi. Biz de «Birligimiz – әraluandyqta» degen qaghidatqa airyqsha mәn beremiz. Árbir azamattyng keleshegimizge atsalysqanyn qalaymyz. Kóp jyldan beri kәsipkerlikti, bilim men innovasiyany damytugha erekshe kýsh salyp kelesiz. Búl – shyn mәninde ýlgi tútarlyq izgi ister. Koroli әuletining Beligiya biznesine údayy qoldau kórsetui sheksiz qúrmetke layyq. Asa mәrtebeli Patshayym Matilida, Siz búl sapardyng mәn-mazmúnyn arttyryp, shyrayyn keltirdiniz. Sizding balalardy qorghau, bilim beru, adamnyng qadir-qasiyetin qúrmetteu mәselelerine kelgende, erekshe janashyrlyghynyz ben qamqorlyghynyzgha tәntimiz. Búl iygi múrattar azamattarymyzdy shyn mәninde sýisintedi, – dedi Memleket basshysy.

Qasym-Jomart Toqaev Qazaqstan Beligiyany Europadaghy uaqyt tezinen ótken senimdi seriktesi retinde qarastyratynyn atap ótti.

– Kelesi jyly memleketterimizding arasynda diplomatiyalyq qarym-qatynas ornaghanyna 35 jyl tolady. Saparynyz osy aituly mejening dayyndyghyna tyng serpin beredi jәne yntymaqtastyghymyzdy naqty nәtiyjelermen tolyqtyra týsedi. Beligiya Qazaqstannyng jetekshi sauda seriktesterining qataryna kiredi. Sonymen qatar eliniz Qazaqstan ekonomikasyna qarjy qúighan eng iri on investordyng biri sanalady. Múny Qazaqstan ekonomikasynyng keleshegine degen senimning aiqyn kórinisi dep baghalaymyn, – dedi Preziydent.

Memleket basshysy Qazaqstan men Beligiya arasynda kólik-logistika, asa manyzdy miyneraldar, janartylatyn quat kózderi, auyl sharuashylyghy, densaulyq saqtau jәne jasandy intellekt salalary boyynsha ózara yqpaldastyqty keneytuge mol mýmkindik bar ekenine nazar audardy.

– Sizben birge kelgen memlekettik organdardyn, ónirlik biylik pen isker toptardyng ókilderine, tanymal ghalymdar men jurnalisterge iltipat bildiremin. Erteng Qazaqstan – Beligiya iskerlik kenesining tórtinshi otyrysyn ótkizemiz. Búl bastamanyng mýmkindikterimizdi iske asyryp, ornyqty nәtiyjege qol jetkizetin tiyimdi alangha ainalghany quantady. Sonday-aq Beligiyamen Europalyq odaq jәne basqa da kópjaqty qúrylymdar ayasyndaghy yqpaldastyghymyzdy joghary baghalaymyz. Jahanda túraqsyzdyq beleng alghan kezende senim, qúrmet pen ózara týsinistik qaghidattaryn arqau etken iskerlik baylanystardyng manyzy arta týsedi. Qarym-qatynasymyzdyng zor әleuetine senemin. Sapar ayasyndaghy uaghdalastyqtardy tolyq iske asyrugha barynsha kýsh salamyn, – dedi Qasym-Jomart Toqaev.

Beligiyalyqtar Koroli Filipp qonaqjaylyq tanytqany ýshin Memleket basshysyna alghys aityp, búghan deyin Taq múrageri retinde Qazaqstangha jasaghan saparlaryn eske aldy.

– Sizding basshylyghynyzben eliniz damudyng danghyl jolyna týskenine erekshe әserlendik. Sapar kezinde tanysu josparlanghan jasandy intellekt, energetika, atom energiyasy salalary eki el ýshin óte manyzdy. Ghalymdardyng dóngelek ýsteldegi pikirtalasyna kuә bolamyz. Bizben birge uniyversiytetterding rektorlarynan, kompaniya ókilderinen túratyn ýlken delegasiya keldi, – dedi Koroli Filipp.

Sonday-aq kelissóz barysynda eki elding resmy delegasiya mýsheleri sóz sóiledi. Taraptar kezdesu sonynda kóptegen bastama kóterilgenine kónil tolatynyn atap ótip, is jýzindegi yntymaqtastyqty odan әri órbituge dayyn ekenin rastady.

Abai.kz