Qazaqstanda qyrghyzstandyq eki studentting Kenesary han turaly aitqan sózderine baylanysty qylmystyq is qozghaldy. Búl turaly búghan deyin qúqyq qorghau organdaryna boyjetkenderding sózine «qúqyqtyq bagha berudi» talap etip aryzdanghan advokat Meyirman Shekeev mәlimdedi.

Shekeevting aituynsha, atalghan derek boyynsha qylmystyq is tirkelip, sotqa deyingi tergeu amaldary bastaldy.

«Últtyq bolmysymyzgha, mýddemizge nemese ata-babamyzdyng ruhyna tiyisu namysymyzdy taptaytynyn eskertkim keledi. Kenesary bolsyn, basqa da ata-babalarymyzdyng úrpaqtary býgingi tanda ortamyzda ómir sýrip jatyr», – dedi advokat.

Sonymen qatar ol búl oqighagha bola tútas bir halyqty kinәlamaugha shaqyrdy.

«Jaman últ bolmaydy, jaman adam bolady», – dep atap ótti ol.

Esterinizde bolsa, qyrkýiek aiynyng ortasynda internette Astanada akademiyalyq útqyrlyq baghdarlamasy boyynsha bilim alyp jatqan Bishkekting eki studentining tikeley efirde Kenesary han turaly qorlaytyn sózder aitqan viydeosy taraghan edi. Olardyng biri Qyrghyzstanda «onyng bas sýieginen sharap ishedi» degen mazmúnda mәlimdeme jasaghan.

Búl viydeo Qazaqstan men Qyrghyzstannyng әleumettik jelilerinde keninen tarap, qos elding de júrtshylyghy arasynda ýlken rezonans pen narazylyq tudyrdy. Efirge qatysqan basqa paydalanushylar boyjetkenderding sózderin birden aiyptap, búl viydeony Qyrghyzstan elshiligine joldaytyndaryn jetkizgen.

Oqigha oryn alghan kýni-aq studentter viydeoýndeu jariyalap, kópshilikten keshirim súrady. Olar shekten shyghyp ketkenderin moyyndap, Qazaqstan azamattary men qyrghyz halqynan keshirim ótindi. Sonday-aq boyjetkenderding aituynsha, bloger olargha arandatushylyq sipattaghy súraqtar qoyghan. Alayda olar búl jaghdaydy óz sózderin aqtap alu ýshin paydalanbaytyndaryn atap ótti.

Abai.kz