Astanada 13 qarashagha josparlanghan reseylik estrada júldyzy Vladimir Presnyakovtyng konsertining kenetten toqtatyluy («tehnikalyq mәn-jaylar» degen syltauymen keyinge shegerilui) qazaqstandyq qoghamda qyzu talqy tudyrdy.

Almatydaghy keshi әzirge josparda qalghanymen, búl jaghday elimizdegi mәdeny kenistikting sipaty týbegeyli ózgeriske úshyraghanyn taghy bir mәrte dәleldedi.

Býginde búl ýderis jekelegen әrtisting gastrólinen әldeqayda manyzdy mәselege – «Ukrainadaghy soghysty jaqtaghan nemese ýnsiz maqúldaghan Resey ónerpazdary Qazaqstannan nәpaqa tappauy tiyis» degen qatang qoghamdyq talapqa ainalyp otyr.

Qazaqstandyqtar búghan deyin kimderding konsertterin boykot jariyalap, boldyrmay tastady?

Qazaqstan qoghamy songhy jyldary ózining azamattyq ústanymyn ashyq kórsetip, elge kelgisi kelgen «kremlishil» propaganda ókilderining jolyn birneshe ret kesken bolatyn. Búghan naqty mysaldar jetkilikti:

2023 jyly Grigoriy Lepstin Qonaev qalasynda ótui tiyis konserti halyqtyng jappay narazylyghynan keyin keyinge qaldyrylyp, sonynda tolyghymen toqtatylghany esimizde. Sebebi Leps pen basqa da әrtister Ukrainadaghy soghysty ashyq qoldap, orys әskerlerine aqshalay qoldaukórsetken jәne ózgelerdi de aqsha bóluge shaqyrghan bolatyn.

Kerisinshe, soghysqa qarsy shyqqan nemese beytarap ústanym ústanghan reseylikterding (mysaly, Maksim Galkiyn, Zemfira, «Biy-2» toby) konsertterine qazaqstandyqtar qoldau kórsetip jatqany bayqalady. Búl qoghamnyng aq pen qarany, agressor men beybitshilikti jaqtaushyny naqty ajyrata bastaghanyn kórsetedi.

Polina Gagarina men Larisa Dolinagha da baykot jariyalaghanbyz. Reseylik Z-patriottar qataryna kiretin búl әnshilerding de Qazaqstangha kelu josparlary bolghan. Qazaqstannyng sergek sanaly azamattary men әleumettik jeli qoldanushylarynyng qatang qarsylyghyna úshyrap, búlardyng konsertterin úiymdastyrushylar josparly konsertterdi toqtatugha mәjbýr bolghan.

Presnyakov konsertining ainalasyndaghy jaghday men búrynghy oqighalar Qazaqstan qoghamynda sayasy jәne últtyq sananyng óskenin aiqyn anghartady.

Reseylik shou-biznes ókilderi ýshin Qazaqstan men Ortalyq Aziya naryghy songhy jyldary negizgi tabys kózderining birine ainaldy. Deytúra, bizding qogham da oyandy. Ózderining ashyq nemese jasyryn militaristik kózqarastary ýshin olar búl jaqtan qarajat tabugha layyq emes degen kózqaras qalyptasty.

Endigi uaqytta qazaqstandyq konsert úiymdastyrushylar biylet satudan búryn halyqtyng reaksiyasy men әrtisting sayasy bekgraundyn mindetti týrde eskeruge tiyis. Qoghamnyng ýni biylet kassalarynan basym týsip jatyr.

Qorytyndy ornyna: Astanada Presnyakov konsertining ótpey qaluy – jay ghana tehnikalyq aqau emes. Búl – elimizding mәdeny maydanyndaghy manyzdy ýrdis. Qazaqstan qoghamy óz elining ruhany kenistigin soghysty nasihattaytyn nemese agressiyagha ýnsiz kelisetin túlghalardan qorghaugha qabiletti ekenin taghy bir mәrte dәleldedi.

Abai.kz