Qúryltay deputaty Kendebay Adambek týngi uaqyttaghy kóshelerdegi zansyz jarystar men túrghyn ýiler manyndaghy shu mәselesin kóterdi. Ishki ister ministrligi deputattyng shu dengeyining rúqsat etilgen shekten asuyn avtomatty týrde tirkeytin akustikalyq kameralardy engizu boyynsha pilottyq jobany iske qosu turaly úsynysyna qoldau bildirdi.

23 qyrkýiekte jariyalanghan deputattyq saualgha azamattardyng ótinishteri negiz boldy. Qalalardyng ortalyq kóshelerinde motosiklder men tuning jasalghan avtokólikterding jýrgizushileri rúqsat etilmegen jarystar úiymdastyryp, pirotehnika qoldanyp, túrghyn ýilerding manynda әdeyi qatty shu shygharady. Múnday qúqyq búzushylyqtar siyrek tirkeledi. Kóp jaghdayda shara túrghyndardyng shaghymynan keyin ghana qabyldanady. Al týngi uaqytta tynyshtyqty búzghany ýshin aiyppúl mólsheri 5 AEK nemese 21 625 tengeni qúraydy.

– Búl mәsele jol qozghalysy erejesin búzu shenberinen shyghyp, qoghamdyq qauipsizdikke qatysty mәselege ainaldy. Sonymen qatar azamattardyng tynyghuyna, týngi tynyshtyghyna teris әser keltiredi. Alayda qúqyq búzushylar kóp jaghdayda jauapkershilikten tys qalyp jatady, – dedi Kendebay Adambek.

Deputat akustikalyq qúrylghylar men shu ólshegishterdi foto jәne beynetirkeu jýiesine biriktiru boyynsha pilottyq jobany iske qosudy, patrulidik polisiya men uchaskelik inspektorlardan birlesken ekipajdar qúrudy, zansyz tehnikalyq ózgerister tolyq joyylghangha deyin qúqyq búzushynyng kóligin arnayy túraqqa qoydy, týngi tynyshtyqty búzghany ýshin jazany qayta qaraudy jәne múnday qúqyq búzushylyqtardy úsaq búzaqylyq retinde saralau tәrtibin әzirleudi úsyndy.

Ishki ister ministrligi resmy jauabynda deputattyng negizgi úsynysyna qoldau bildirdi.

– Ministrlik shudyng shekti dengeyden asyp ketuin avtomatty týrde anyqtau ýshin foto jәne beynetirkeu jýiesine innovasiyalyq akustikalyq kameralar men shu dengeyin ólsheytin qúraldardy biriktiru boyynsha pilottyq jobany iske qosudy qoldaydy, – delingen Ishki ister ministri Erjan Sәdenovting jauabynda.

Vedomstvo AQSh, Germaniya jәne Fransiyanyng tәjiriybesin zerdelep jatyr. Mýddeli memlekettik organdarmen birlesip, Ákimshilik qúqyq búzushylyq turaly kodeksti janartu ayasynda týngi tynyshtyqty búzghany ýshin jauapkershilikting mólsherles boluyn qamtamasyz etu, zansyz tehnikalyq ózgerister joyylghangha deyin avtokólikterdi arnayy túraqtarda ústau tәrtibi, sonday-aq joldardaghy qúqyq búzushylyqtardy saralau tәsilderi pysyqtaluda.

IIM derekterine sәikes, jyl basynan beri týngi tynyshtyqty búzudyng 22,2 myng jәne tikeley aghyndy әri qatty shu shygharatyn jýieleri bar zansyz qayta jabdyqtalghan avtokólikterdi basqarudyng 24 myng faktisining joly kesildi. Respublika aumaghynda «Týngi qala» jedel-profilaktikalyq is-sharasy ótkizilip jatyr.

Pilottyq jobany iske asyru jәne zannamagha ózgerister engizu mәseleleri deputattyng baqylauynda.

Abai.kz