Dýisenbi, 16 Qarasha 2026
Janalyqtar 104 0 pikir 16 Qarasha, 2026 saghat 21:54

Boqaevtyng isi boyynsha sotta Tәshimova óz aighaqtarynyng qauesetterge negizdelgenin aitty

Suret: baq.kz saytynan alyndy

Sanjar Boqaevtyng isi boyynsha Almaly audandyq sotynda kuәger retinde qogham belsendisi Saltanat Tәshimovadan jauap alyndy. Onyng sózinen keyin belsendining qúqyq búzushylyqtary men zansyz aghash kesu turaly jariya mәlimdemeleri eshqanday qújatpen rastalmaghany, tek qauesetterge, boljamdargha jәne baspasóz taqyryptaryna negizdelgeni anyqtaldy.

«Samal Development» kompaniyasynyng túrghyn ýy keshenin salyp jatqany turaly mәseleni talqylau kezinde kuәgerding jauaby erekshe nazar audartady. Bastapqyda ol qúrylys salushynyng tabighy park aumaghyna kirgenin mәlimdegen. Alayda prokurordyng naqtylaytyn súraqtarynan keyin Tәshimova jauabyn ózgertip, qúrylys júmystary «aumaqqa japsarlas» jýrgizilgenin aitty. Keyin, tipti búl jóninde naqty әri shynayy derekterdi bilmeytinin moyyndady. Memlekettik aiyptaushynyng tiyisti qújattardyng bar-joghy turaly tikeley súraghyna kuәger búl jaghdaydan tek «túrghyndardyng sózinen jәne BAQ-tan» habardar ekenin jetkizdi.

Qogham belsendisining zansyz aghash kesu turaly mәlimdemeleri de dәl osylay negizsiz bolyp shyqty. Tәshimova shamamen 80 aghashtyng zaqymdanghanyn jәne polisiyanyng búghan qatysty eshqanday әreket jasamaghanyn kesip aitty. Alayda mәseleni egjey-tegjeyli talqylau barysynda kesilgen aghashtardyng naqty sany turaly da, qúqyq qorghau organdarynyng qanday prosestik sharalar qabyldaghany jóninde de kuәgerding shynayy derekteri joq ekeni anyqtaldy.

Sonday-aq, kuәger aurugha shaldyqqan 11,4 myng aghashty sanitarlyq maqsatta kesu josparlanyp otyr degen mәseleni qozghaghanda da baspasózdegi materialgha sýiendi. Prokuror sottyng nazaryn búl mәselege qatysty beyindi vedomstvonyng búghan deyin-aq teriske shygharatyn mәlimdemelerdi jasap, týsinikteme bergenine audardy. Tәshimovanyng ózi de sotta osy uaqytqa deyin resmy mәlimetterden habarsyz ekenin moyyndady.

Kuәgerding toghaydyng jay-kýiine qatysty uәjderi de erekshe nazar audarugha túrarlyq. Qaranghy toghaydy abattandyru qajettigine kýmәn keltirgen qogham belsendisi tosyn mәlimdeme jasady. Onyng aituynsha, Baum toghayyna jaryq ornatudyng qajeti joq, óitkeni onda «zorlau oqighalary kóp emes».

Jauap alu qorytyndysy boyynsha memlekettik aiyptau tarapy kuәgerding óz tújyrymdaryn bastapqy derekkózderden habarsyz bolsa da jasaytynyn anyqtady. Statistikalyq mәlimetter talqylanghan kezde Tәshimova naqty aqparat kózin atay almady. Ol tipti aqparatty qate týsingen nemese jansaq qabyldaghan boluy mýmkin ekenin de joqqa shygharmady. Sonymen qatar belsendi toghaydy abattandyru mәselesine qatysty jergilikti túrghyndardyng jappay narazylyghy bolghanyn algha tartqanymen, búl talqylaugha shamamen on shaqty ghana túrghyn qatysqany belgili boldy.

Qorghau tarapynyng kuәgeri retinde sóz sóilegen Tәshimova ózi bayqamay sotqa aiyptau núsqasyn rastaytyn dәlelder úsyndy. Qogham belsendisi Boqaevpen jeke hat almasuyn sotqa tapsyrdy. Onda ol 26-sy kýni belsendilermen birge Baum toghayyna keletinin habarlaghan. Tergeu materialdaryna sәikes, Boqaev dәl osy habarlamany alghannan keyin, yaghny bir kýn búryn aghashtardy kesuge kirisip, «jalghan qoyylymgha» dayyndalghan. Osylaysha, qorghau tarapynyng kuәgeri óz qolymen aiyptau tarapy keltirgen oqighalardyng hronologiyasy men inssenirovkanyng yqtimal sebebin rastady.

Jauap aludyng sonynda memlekettik aiyptau tarapy 26 qazandaghy, yaghny aghashtardyng aldyn ala kesilgeni anyqtalghan kýngi oqighalargha egjey-tegjeyli toqtaldy. Tәshimova búl oqighanyng tikeley kuәgeri bolmaghanyn moyyndady. Al oqighanyng bolghan uaqyty turaly tújyrymyn jana kesilgen aghashtargha qarap qana jasaghanyn aitty.

Kommersiyalyq qúrylys jýrgizilip jatqany turaly núsqa da týbegeyli joqqa shygharyldy. Kuәger toghaygha irgeles aumaqta salynghan birde-bir túrghyn ýy kesheni joq ekenin rastady. Aghash dinderine zaqym keltirgen boluy mýmkin degen merdiger kompaniyanyng atauyn da atay almady.

Sonymen birge qogham belsendisi tergeu ýshin manyzdy bir jaytty – bútalardyng arasynan tastap ketken benzinmen júmys isteytin aranyng tabylghanyn rastady. Alayda prokurordyng kesilgen aghashtardy alghash bolyp naqty kim anyqtaghany turaly birneshe ret qoyghan súraghyna kuәger jauap bere almady. Ol búl jaytty esine týsire almaytynyn aitty.

Abai.kz

0 pikir