Quat Borash birshama jyldardan beri Preziydent Ákimshiliginde jauapty qyzmet atqaryp keledi. Ony «Egemende» qatar istegen jyldardan beri jaqsy bilemin. Sypayy, mәdeniyetti, ýlkendi syilap túratyn izetti jigit. Aqordagha barghan song da, onda birshama jyldar qyzmet istep, lauazym baspaldaqtarymen kóterilip bara jatsa da sol minezinen ózgermedi. Bir qalyptan janylmay túrady, osynyng ózi onyng tektiligin kórsetip túr.

         Jasy bizden kishi bolsa da onyng jazghyshtyghyna, oiyn әserli etip jetkize alatyndyghyna, bayqaghyshtyghyna qyzyghatyn edik. Ásirese, sayasi, kýrdeli tirkesterdi әdipti de maghynaly etip ornyqtyra biledi. Tipti, búryn qoldanyla qoymaghan sayasy oramdardy dәl tauyp, eshkimge úqsamaytyn ózindik kelbet jasaytyn sheberligine riza bolasyn. Mysaly: «qaltarysta qalghan qarajatty qazynagha qaytaru» deydi ol birde. Qanday tamasha tirkes. Osylay, kileng bir әripten bastap kósiluge bolatyn qazaq tilin kim kedey dep aita alar? Múnyng orysshasy «vernuti neosvoennye sredstva v budjet» degen ghoy. Orys tilinen qazaqshagha sózbe-sóz audaratyn bilgishter múny: «iygerilmegen qarajatty budjetke qaytaru» dep audarar edi. Al múnday sózderding oqyrmangha esh әseri joq, qatardaghy qaradýrsin audarma, әiteuir mazmúny ózgermegenine tәube deysin.      

Qoparyp jazatyn, qotaryp jazatyn jurnalister bolady. Búl Qúdaydyng bergen darynynyng arqasy. Quat Borash ta sondaydyng soyynan. Onyng býgingi patriotizm turaly myna tújyrymy soghan dәlel: «Býgingi patriotizm kózge kórinbeytin, kólenkesi qolgha ústatpaytyn myltyqsyz maydan, aqparattyq soghysta ózinnin, tughan elinning bitim-bolmysyn tútastay saqtap qalu jolynda kýres jýrgizuding ýlgi-ónegesi. Ol ýshin әlemning asty-ýstinen aghylyp-tógilip jatqan san aluan aqparattar tasqynyna tótep berer ruhany kýsh-jigerindi, últtyq immuniytetindi shyndauyng kerek. Dәlirek aitsaq, elinning tarihyn biluge, danqty babalarynnyng erlik shejiresin maqtan tútugha әri solarday bolugha úmtyluyng qajet». Mine, býgingi patriotizm degen naq osy, oi-pikiring bolsa ony әrmen qaray óristete ber.      

Juyrda Quat Borashtyng kóp jylghy publisistikalyq oi-tolghamdarynan órilgen «Júmyr jerding júmaghy» atty jinaghy jaryq kórdi. Múnda kórkem oy men kósem sóz arqyly kóptegen qyzyqty dýniyeler oqyrmanyna jol tartypty. Qazir az sózdermen kóp derekter beretin kitaptyng ghana oqylatyn uaqyty. Bir kezdegidey tabighatty, kónil kýidi, ishki sezimdi úzaq surettep, tildi bezep, suret salyp otyratyn kórkem kitaptar da, artyq sózderdi kóp qosyp, oiyn jedel jetkize almaytyn publisistikalyq kitaptar da qazir oqyla qoymaydy. Ondaylardy arnayy zertteytin mamandar ghana oquy mýmkin. Zaman solay, zamannyng jyldamdyghy sonday. Tez jetetin, tez baratyn zamanda kóp sózge maltyghudyng ózi bir azap. Sondyqtan da júrttyng kóbi kitap oqymay ketti. Onyng ýstine jana deregi joq kitap ta oqylmaydy. Tek derekti dýnie ghana qazir kerekti. Quattyng kitaby sol talaptyng ýddesinen tabylypty. Onyng jas oqyrmandargha bereri mol.     

Jaqsybay SAMRAT,

jurnalist.

Abay-aqparat.