Osydan birneshe jyl búryn әlemdik aqparat qúraldarynda, onyng ishinde qazaq baspasózinde tandauly, yaghni, qazirgi tilmen aitqanda, «trendti» taqyryp – ghalamdastyru edi. Al qazir әlemdik integrasiya, ghalamdyq alasapyran, dýniyejýzilik manyzy bar oqighalardyng mysyn migrasiya mәselesi basyp túr.

Shyndyghynda, migrasiyanyng ózi ghalamdyq ýderiske, yaghny býkilәlemdik manyzdy taqyryptardyng birine ainaldy. «Týrkistan» gazetinde búl taqyrypty terennen qozghaghan birtalay saraptamalyq maqalalar jaryq kórgen edi. Býgin osy mәseleni ózge qyrynan qauzap, «Kim? Qayda? Qashan?» emes, eng әueli «Nege?» degen súraqqa jauap izdemekpiz.

Búl migrasiyanyng búrynghygha qaraghanda jóni de, tórkini de bólek. Búghan deyin jazghanymyzday, syrttan aghylghan osynshama kelimsekter nópirin Europa búryn-sondy kórgen emes. Álbette, әngime Rimdi jaulap alu maqsatymen atqa mingen jauynger halyqtar turaly emes. Búl joly kәri qúrlyqqa taban tireudi maqsat etkender – beybit túrghyndar, anyghyn aitqanda, jayau-jalpy, jalanayaq, jalanbas bala-shagha, qarabayyr tobyr…

Múnday qarajayau qalyng nópirdi búryn kórmegen Europa azdap abdyrap ta qaldy. Jolsyzben kelgen kelimsekterding kópshiligining búl jýrisi zangha da qayshy. Sonda da olardy soghys tehnikasymen qorqytugha, oq pen ottyng astyna alugha, kýshpen keri qaytarugha bolmaydy. Nege?

Birinshiden, Europanyng esigin qaghyp túrghandardyng әskery basqynshylyq ne arandatushylyq pighyly bayqalmaydy, olardy territoriyalyq tútastyqty búzdy ne derbes elding tәuelsizdigine qauip tóndirdi dep taghy aiyptay almaysyn. Kerisinshe, olar – basyna kýn tughandyqtan tughan týtinin tastap ketken, elden el asyp, qashyp-bosqan, damyghan memleketterding ýstemdigin moyyndap, baquatty júrttan pana súraghandar.

Shekara asyp, tau-tasty basyp, teniz keship, óldim-taldym degende dittegen jerine jetip jatqan migranttardy keri quudyng jóni qaysy? Oghan ne sayasi, ne moralidyq negiz joq. Sebebi múnday әreketter Batys órkeniyetining basty jetistigi – adam qúqyghyn qorghau, demokratiya qaghidalaryna say ómir sýru, mulitiymәdeniyetke úmtylu siyaqty ústyndaryna qayshy bolar edi. Ózgelerge qalay ómir sýru kerektigin ýlgi etip kelgen Europa endi óz ústanymynyng qúrsauynda qaldy. Osylaysha, tól úrandarynyng qúrbany bolugha ainaldy.

Sondyqtan myndaghan, tipti jarty millionnan asqan migranttardy keri quudyng ornyna, óz elderine shaqyryp, ýi-jay berip, jәrdemaqy taghayyndap, olargha júmys berip, jergilikti ortagha tezirek sinisip ketuine jaghday jasaugha bekinip otyr.

Eurokomissiyanyng býgingi tandaghy josparyna sәikes, europalyq memleketterding basym kópshiligi, yaghny Odaqqa mýshe 28 elding 22-i jiylyp, 120 000 migrantty panalatpaq. Eurokomissiya bosqyndardy panalatqan memleketke әr migrant ýshin 6000 eurodan tólemek. Eurokomissiya tóraghasy Jan-Klod Yunker mamyr aiynda 40 myng bosqyndy panalatu josparyn úsynghan bolatyn. Jalpy, Euroodaq bas-ayaghy 160 myng migrantty qamqorlyghyna aluy yqtimal.

Odaqqa mýshe bolsa da, Úlybritaniya, Daniya men Irlandiya búl jospargha qatyspaydy. Degenmen, Úlybritaniya men Irlandiya óz erkimen bosqyndargha kómek beruge yqylas bildirip, sayasy baspana beruge kelisip otyr.

Al Italiya, Grekiya, Vengriya zansyz migranttardyng «ótkeline» ainalghandyqtan, olardyng moynyndaghy jýk onsyz da auyr ekeni týsinikti. Qazir Vengriyada 54 myn, Grekiyada 50 myn, al Italiyada 16 myng shamasynda bosqyn shoghyrlanghan.

Álbette, bosqyndardy qonystandyru isinde Euroodaqtyng bay memleketteri negizgi salmaqty ózderine almaq. Osylaysha, Reuters agenttigining habarlauynsha, Germaniya – 40 myn, Fransiya – 30 myn, Ispaniya – 19 mynday migrantty qabyldaugha dayyn. Búl jospar kelesi aptada, yaghny 14 qyrkýiekte ótetin Euroodaq ministrlerining kenesinde talqygha salynady.

Jalpy, Eurostat statistikalyq agenttigining mәlimetine sәikes, 2015 jyldyng alghashqy ýsh aiynda Euroodaq aumaghynda barlyghy 184 mynnan asa bosqynnan sayasy baspana súraghan ótinish týsken. Olardyng 29 myny – Siriyadan kelgen azamattardiki. Nauryz aiynyng sonynda sayasy baspana turaly ótinishining nәtiyjesin kýtip otyrghan bosqyndar sany jarty millionnan asqan eken. Jaz ailarynda migrasiyalyq qarqynnyng odan әri ýdegeni mәlim. Endeshe, 160 myndyq kvota jarty millionnan asqan adam tasqynyn toqtatugha sep bola almasy týsinikti.

Ekinshiden, zansyz migranttargha degen halyqaralyq ústanymda sayasy әri diny ýstemdikti aishyqtaudyng nyshany bar siyaqty. Kelimsekterdi qúshaq jayyp qarsy alatyn memleket ózining sayasi-ekonomikalyq-әleumettik әri ruhany baquattylyghyn barsha әlemge pash etpek. Onyng ýstine, Rim papasynyng osy mәselege oray arnayy mәlimdeme jasap, italiyandyqtardy qonaqjay әri meyirban bolugha ýndeui osy oigha tamyzyq bolugha layyq. Ashyghyn aitqanda, ol hristian dinining bauyrlastyq, meyirim men qayyrymdylyqqa shaqyratynyn basa aitty. Migranttar tastay qashqan Siriya, Liviya, Aughanstan, Sudan, Somali, Aljir siyaqty elderding deni islam jolyn ústansa da, Europany saghalaghandar ishinde әr týrli din ókilderi bar. Bosqyndargha kómek qolyn sozu jayy sóz bolghanda olardyng diny ústanymy sózsiz aitylady. Mysaly, Euroodaqqa mýshe keybir memleketter zansyz migrantty qabyldaugha dayyn ekenin bildirse de, olardyng ishinde músylmandar bolmasyn degen talap qoyyp otyrghany belgili boldy. Migrasiya jónindegi halyqaralyq úiym ókilderi búl jaghdaygha alandaushylyq bildirip, mәlimdeme jasasa da, qanday da bir memleketting bosqyndardy diny kemsitushilik nemese shettetu әreketine qarsy túrarlyq qauqary joq ekenin aityp qaldy. Basqasha aitqanda, protestanttyq Europa Islam elderinen qashqan hristian bosqyndardy qabyldaugha beyil ekenin jasyryp otyrghan joq.

Ýshinshiden, Europanyng demografiyalyq daghdarysy kópten beri ghalamdyq jiyndarda ashyq talqylanyp, údayy aitylyp jýr. Órkeniyetting shyrqau shynyna shyqtyq dese de, adamgha qolayly da jayly ómir sýruding bar jaghdayyn jasadyq degenimen, jan basyn qalay kóbeytu jayyn oilasa almady. Kisi basynyng kemdigi ekonomikadaghy júmys kýshining kýrt azangyna әkeldi. Aqyry Europa materialdyq iygilikterden góri adamy resurstyng qymbattyghyna kózi jete bastaghanday edi.

Endi, mine, Shyghystan jónkilgen qara-qúrym adamy resurs kәri qúrlyqtyng etegine ilinuge úmtylyp, qúlap-sýrinse de, óz erkimen kelip jatyr. Olar jergilikti túrghyndarday óz qúqyghynyng europalyq zandar ayasynda tolyqtay saqtaluyn talap etuge әzirge dәrmensiz. Basyna týsken nәubetterden, talayly taghdyrdan tayaq jegen júrt aldaghy kýnderding iygiliginen ghana dәmeli. Sondyqtan da sabyrly. Ertenine ghana emes, býgingisine alandauly. Azgha qanaghat etkish әri bargha shýkiri jeterlik. Býgin memleketting azdy-kópti jәrdemaqysyn talghajau etse, ertengi kýni qoly jetken kez kelgen júmysty isteuge dayyn. Arzan júmys kýshi. Ekonomikanyng qozghaushy tetigi.

Endeshe, kәri qúrlyq 120 әlde 160 mynday zansyz migrantty qanatynyng astyna alyp, bauyryna basyp, óz zanyna baghyndyryp, europalyq tәrtippen ómir sýruge beyimdey alsa, aldaghy jiyrma-otyz jylda demografiyalyq-әleumettik daghdarystyng qaupin seyilter edi. Qyr astyndaghyny qiyadan boljaytyn sayasatkerlerding týpki oiy da osy, bәlkim. Sany bar, sapasy az eldi qonystandyryp, ekonomikanyng qozghaushy tetigine ainaldyra alsa, kәri qúrlyqtyng múrtyn balta shappas. Bәlkim, ol kezde Europanyz «kәri qúrlyq» atauynan qútylyp, janasha laqapqa ie bolar. Bәlkim, ol kezde Europanyz aq nәsildi emes, aralas qandy, ózgeshe tekti mekenge ainalar. Bәri mýmkin…

Tórtinshiden, Jogharyda aitqanymyzday, Eurodaqtyng 22 memleketi 120 000 migrantty panalatpaq. Teng bóliske salsa, әr memleketke 5-6 myng bosqyn shamasynda keledi degen sóz. Tamshynyng tenizge tamghanynday, azghana shoghyr baquatty Europanyng sәnin búza qoymas. Biraq mәselege bayyptap qarasaq, Europalyq Odaq ózine qajetti adamy resursty ghana qabyldap, boyyna sinirmek te, qalghan bosqyndardyng aldynda esigin tars jappaq.

Sebebi damyghan elderden nәpaqa izdeuge niyettiler sany 120 mynnan әldeqayda kóp. Qazirgi qolda bar derekterge qarasaq, biyldyng ózinde tek Jer-orta tenizi arqyly Europagha 220 myng migrant ótken. Eki mynnan asa adam osy tenizde mәngilikke sapar shekti. Shilde aiynda Euroodaq shekarasynda jýz mynnan asa bosqyn úilyqty. Olardyng ishinde japa shekken, qiyndyq kórgen, zorlyq-zombylyqqa úshyraghandary qanshama. Qalasa da, tughan eline qayta almaytyndary da barshylyq. Sonda Europalyq Odaqtyng kvotasyna engen baqyttylar janasha ómir sýruge mýmkindik alghanda, búl tizimge ilikpegen basqalary qaytpek?

Qarny ashqan, balasy jylaghan, basynan kýn, tabanynan syz ótken bosqyndardyng bar oiy – shekaradan ótu, Europagha jetu. Ólgen-tirilgenine qaraytyn emes. Jetip jyghylsa bolghany. Odan әri toqshylyq, beybit tirshilik, qoy ýstine boztorghay júmyrtqalaghan, auzynan aq may aghyzatyn Jerúiyghy kýtip túrghanday. Al osy «Jerúiyghyna» jete almay, shekaranyng ber jaghynda qalghandardyng taghdyry ne bolmaq? Merkeli hanym olardy keri qaytarugha pәrmen bere me? Germaniya kanslerining migrasiyalyq kvota turaly aitqan myna bir sózin: «Áriyne, biz qorghansyzdardy qorghaymyz. Biraq múnda qalugha qaqysy joqtar bizding memleketten ketui tiyis» degenin qalay týsinem deseniz de, óz erkinizde.

Biraq bosqyndar ýshin soghys pen joqshylyq jaylaghan elderine qaytugha jol joq. Endeshe, búl migrasiyanyng ekinshi tolqyny bolary sózsiz. Onyng saldary – jappay berekesizdik, jýgensizdik bolmasyn deniz. Nemese, Europalyq Odaqqa bas súgha almaghan bosqyndar basqa memleketterden pana súrauy әbden yqtimal. Mysaly, reseylik sayasatkerler qazirding ózinde qaptaghan bosqyn bizding shekaramyzgha kelip úilyqsa ne isteymiz degen mәseleni oilastyryp jatyr. Izraili shaqyrusyz qonaqtar kelip mazalamas ýshin shekarasyn kýsheytip, biyik dual saludy úighardy. Shyndyghynda, Bosqyndar mәrtebesi turaly Jeneva konvensiyasyna qol qoyghan әrbir el migranttargha óz qaqpasyn aiqara ashugha tiyis. Endeshe, Europa ózine qajetti adamy resursty boyyna sinirip bolghan son, qalghan bosqyndardy basqa elder panalatugha mәjbýr bolady.

Jaqynda Makedoniya men Grekiya, Makedoniya men Serbiya shekarasynda bosqyndar men jergilikti polisiya qyzmetkerleri arasynda qaqtyghys bolyp, makedoniyalyq tәrtip saqshylary kózden jas aghyzatyn gaz ben tayaq qoldanghany mәlim boldy. Bosqyndar mәselesi ong sheshimin tauyp, Europagha aghylghan migrasiyalyq tolqyn tolastamasa, múnday kelensizdikterding jiyiley beretini belgili. Al onyng qaruly qaqtyghysqa úlasyp, qayghyly jaghdaylargha týrtki bolmasyna eshkim kepildik bere almaydy.

 Týiin:  

Bosqyn júrttyng bir ghana parasyna qaray qol sozghan Angela Merkeli bastaghan europalyq sayasatkerlerding oiynda búdan basqa da sebepterding bary ekeni dausyz. Liviyany bombynyng astyna alghan, Siriyadaghy azamattyq soghysqa sebepker bolghan, Aughanstan men Irakqa әsker kirgizgen, búdan da basqa elderding sayasy jýiesine ózgeris engizip, beybit tirshilikting tynyshyn ketirgen sayasatkerler osylaysha óz aiybyn juyp-shaymaq pa, kim bilsin? Bosqan elge qol sozuy – tynyshy ketken ómir, berekesiz tirshilikting esesin qaytaryp, qarausyz qalghan bala men josyghan jetim-jesirding qayghysyna ortaqtasuy bolar? Qalay degenmen de, damyghan memleketter damushy elderge qatysty ózderining búghan deyingi sayasatynyng «jemisin» tatyp otyr. Tórkini aghylshyn tilinen shyqqan «bumerang» degen sózdi aitqan biz emes, biraq býgingi jaghdaydy dóp sipattaydy. Osy bir auyz sózding qazaqsha balamasy da bar, ol «Ne eksen, sony orasyn»…

Gýlbighash Omar

"Týrkistan" gazeti