Adam senbeydi – «Astana EKSPO-2017» Últtyq kompaniyasynyng basqarma tóraghasy Talghat ERMEGIYaEV myrza zansyz syiaqy retinde qolma-qol aqshamen 4,2 milliard tenge alypty. Búl turaly býgin ghana memlekettik qyzmet isteri jәne sybaylas jemqorlyqqa qarsy is-qimyl agenttigining apparat jetekshisi Aygýl ShAYYMOVA hanym habarlady.

«Talghat Ermegiyaev «Astana EKSPO-2017» Últtyq kompaniyasynyng búrynghy lauazymdy túlghalarymen, sonday-aq merdiger úiymdar men jalghan kәsiporyn jetekshilerimen birlese otyryp EKSPO qúrylysyna bólingen asa iri kólemdegi budjet qarjysyn talan-tarajgha salghan, - dedi Shayymova býgin týske qaray ótkizilgen jedel brifingte, - dәlirek aitatyn bolsaq, Ermegiyaevting 4 milliard 200 million tenge kólemindegi budjet aqshasyn zansyz syiaqy retinde qolma-qol aqshamen sanap alghany anyqtalyp otyr. Qazirgi kezde osy sybaylastyqqa qatysy bar dep kýdik keltirilip otyrghan 10 lauazymdy túlgha qamaugha jәne ýiqamaqqa alynghan...»

Ras, tang qalyp, tanday qaqpasqa amal joq, óitkeni 4 milliard 200 million tenge degeninizdi qolma-qol aqsha kýiinde kózinizding aldyna elestetuding ózi tipti qorqynyshty endi, ashyghyn aitu kerek. Al endi osy jerde taghy bir súraq kókey shirkinde kólben-kólbeng ete qalady, ol – «osy milliardtar sol – qolma-qol aqsha kýiinde tabyldy ma, joq әlde uhiyt-suhit bolyp, izim-qayym joq bop ketti me?» degen súraq. Búlay deytin sebebimiz – oqyrmandarymyz úmytpaghan bolsa, osy jaqynda ghana aqtóbelik Óndirgenov degen deputat-kәsipkerding ýiinen tabylghan qolma-qol aqshany Qojamjarov agenttigining qyzmetkerleri «tabany kýrektey» bes saghat sanaghan bolatyn. Bes-alty adamnyng bes saghat boyyna múrnynan shanshylyp, aqsha sanaghanyn kózinizding aldyna elestetip kórinizshi! Súmdyq endi! Biz sonda Óndirgenovting «óndirip» tastaghanyna qatty-qatty tandanyp edik, sóitsek – Ermegiyaevting janynda Óndirgenovting «óndirgeni» balanyng oiyny bop qaldy, ashyghyn aitayyq. Qysqasynan qayyrghanda, kónildegi súraq: agenttikting apparat jetekshisi aityp otyrghan milliardtar «qútty ornyna» qashan qaytarylady? Álde qaytaryldy ma? Múny – birinshi mәsele desek, ekinshi mәsele – «osynshama milliardtardy shytyrlatyp túryp sanap aldy degen kýdik keltirilip otyrghan Ermegiyaevting «әnsheyin ghana» ýiqamaqta otyruy qalay ózi?» degen kónilge qonymsyzdau mәsele, óitkeni qazirding ózinde «Ermegiyaev ýiinde otyrghan joq, ol – milliardtaryn jasyrumen ainalysyp jatyr» degen әngimelerding qúlaghy qyltiyp jatyr. Úzynqúlaqty rastap otyrghan joqpyz biz әriyne, әitse de «jel soqpasa, shóp basynyng qimyldamaytyny» da bep-belgili nәrse. Qysqasy, brifing barysynda EKSPOdan qoldy bolghan milliardtardyng kesheli-býgingi jәne bolashaqtaghy taghdyry turaly Shayymova hanym lәm-mim degen joq. Soghan qaraghanda, ózi de onsha-múnsha bile bermeytin bolsa kerek.

P.S. Biz brifingten shyqqanda EKSPO qúrylysynan qaytyp bara jatqan auyl qazaghynyng gitarany toqpaqtap aitqan әnin estidik – «EKSPOdan «jel» shyqty – Ermegiyaev degen «er» shyqty...» degen. Jel shyghyp jatsa jaqsylyq emes әiteuir, bizding biletinimiz.

Marat MADALIMOV.

Abai.kz