Abai.kz saytynda Bas mýfty Erjan qajy Malghajyúlynyng qasiyetti Ramazan aiymen qúttyqtauy jariyalanghan. Auyz bekituding artyqshylyghy men sauaby jazylyp, al oraza ústaugha shamasy kelmeytin qariyalarymyzdy, nauqas jandardy qayyrymdylyq jasaugha ýndegen qúttyqtau maqalagha oray pikir (mәtindi ózgerissiz berip otyrmyz – A.Q.) bildirgen belgisiz bir kisi: «Biyl oraza ústamaymyn. Tamaq qymbat. Dúrys auqattanbaghasyn ústaghan. Árjerde qúlap ashbúratylyp jýretin jaghdayym joq», – depti (suretti qaranyz).

Rasynda, oraza – imandy synaytyn úly qúlshylyq eken. Biylghy shilingir shildening ystyghy da imandy shayqaltqan synayly.

Bizding aitayyn degenimiz basqa bolatyn. Somaliyde túratyn bir músylmannyng jazghan haty haqynda edi. Saud Arabiyasynyng sheyh-ghalymy efirde kórermender súraghyna jauap berip jatady. Baghdarlama qonaghyna saual joldaghan Somaly músylmany bylay deydi: «Sәresi men auyzasharda jeytin eshtene joq. Múnday kezde oraza ústaugha bola ma?» Búghan jauap bere almay, kónili bosaghan sheyh kóz jasyna erik beripti (suretti qaranyz).

Keyde aldymyzgha as-suymyz uaqytyly kelmey qalsa, sabyr, tózim, shýkir degen adamy qasiyetterdi «shetke ysyryp» qoyamyz. Al Afrikadaghy asharshylyqty oilasaq, qazirgi jaghdayymyzgha qarap, shýkir aitpaugha «shara» joq.

Qazir meshitterde jomart jandardyng demeushiligimen kýn sayyn 500-600 adamgha deyin auyzashar berilip keledi. Auyzashar berushiler kóp. Biraq iftar úiymdastyratyn bos kýn joq. Qanday ghaniybet! Qúdaygha shýkir, molshylyq zaman ghoy. Tym bolmaghanda kýndelikti tiske basar birdene tabylady. Oghan da tәuba deymiz.  

Al endi «tamaq qymbat, ashpyn» dep qonyrqay tirshiligimiz ýshin artyq auyz sóz aityp, «oraza ústamaymyn» deuimiz úyat-au. Nәpaqamyz birine jetip, birine jetpey jatsa, ol da Allagha shynayy shýkirshilik aitugha túratyn taghdyr emes pe? Denimiz sau, bala-shagha aman, ayaq-qolymyz býtin degendey... Izgi adamdar basyna synaq kelgende: «Búdan da jamany bolar edi ghoy», – dep ózin júbatady eken. Búghan da sauap jazylmaq.

Payghambarymyz Múhammed (Allanyng oghan salauaty men sәlemi bolsyn): «Mýminning isi qanday ghajap! Rasynda onyng barlyq amaly qayyrly. Búl – mýminnen basqagha búiyrmaghan baqyt. Eger onyng basynda quanysh bolsa, Allagha shýkir etedi. Sol ýshin sauap-syigha keneledi. Eger oghan bir synaq kelse, oghan sabyr etedi. Oghan da sauap alady. Allanyng músylmangha jazghan әrbir taghdyry qayyrly», – depti.

Ramazannyng bituine de sanauly kýnder qaldy. Qasiyeti men qadiri mol aimen qol búlghap, qoshtasqaly túrmyz.

Ramazan – iygi isterimiz ben shalys basqan qadamdarymyzgha, pendelikpen jasaghan qate-kemshilikterimizge esep beretin beyne bir beles aiy eken. Ramazan – ómirlik jospar qúratyn mejeli mausym. Ramazan – ruhany janaru kezeni.

Ramazan – patsha men paqyrdy, bay men múqtaj adamdy tenestiretin tendik aiy. Ramazan – aghayyn arasyn jaqyndastyra týsetin birlik aiy.  Ramazan – medrese aiy. Ramazan – pendening keudesine tәlim men taghylym, taqualyq pen iman, meyirim qúiylatyn qúlshylyq aiy. Ramazan – qos dýniyening baqyt kilti – Qúran aiy. Osylay jalghastyra beruge bolady.    

Morali oqyp ketti demeniz. Bizdiki – dinnen bir nasihat aitu ghoy. Qashan da qayyrly, izgi isterimiz qabyl bolghay!

Aghabek QONARBAYÚLY,

QMDB Baspasóz bólimining mengerushisi