«Aytyp otyrghanymyz – kenshiler astanasy atanyp ketken әlemge әigili Qaraghandy qalasy. Aytyp otyrghanymyz – osy qalanyng qaq ortasyndaghy Nikolay Gogoli atyndaghy oblystyq әmbebap kitaphana. Aytyp otyrghanymyz – osy kitaphananyng tura janyndaghy qalalyq Bilim bólimine qaraytyn Balalar men jetkinshekter sarayy dep atalatyn memlekettik qazynalyq kәsiporyn. Aytyp otyrghanymyz – osy saraydyng tura aldyndaghy kókpenbek jasyl alanqaydaghy LENIN men GORKIY eskertkishi. Aleksey Maksimovichke (Maksim Gorikiy degenimiz Aleksey Peshkov qoy negizi) ras, bir auyz әngimemiz joq. Qasqayyp qay jerde túrsa da, ol kisige jarasady endi. Al sonda atam zamanda-aq arhivke attanyp ketken LENIN jaryqtyqqa ne joryq?».
Últ.kz portaly jaqynda ghana osylay dep jazghan edi, jazylghan jaydyng janghyryghyn qayta shygharyp otyrmyz – óitkeni búghan Qaraghandy oblysynyng әkimi Núrmúhambet ÁBDIBEKOV te, kenshiler astanasynyng әkimi Núrlan ÁUBÁKIROV  te әli kýnge deyin «MÁU» degen joq. Oblys әkimdigine jap-jaqyn jerde qaraghandylyqtargha qasqaya qarap túrghan Lenin jaryqtyqta arman joq, óitkeni ózining tas mýsinine tap-tayau jerde ózining atymen atalatyn kóshe jәne bar. Sonda deymiz-au, sonda әkimder Ábdibekov pen Áubәkirov ózderi oblys pen qala aumaghynda úrshyqtay iyirip otyrghan qazirgi «Núr Otan» partiyasynyng kósemi Núrsúltan NAZARBAEVtyng eskerkishin sýiegi bayaghyda qurap qalghan Lenin jaryqtyqtyng ornyna qoyamyn dese, bireu qoyma dep pe? Álde búl eki әkimge Últ Kóshbasshysynyng sarabdal sayasatynan góri kommunister kóshbasshysynyng «danghyl joly» qymbat bolyp otyr ma – әli kýnge deyin?

Bireuler aitar әriyne, «qaydaghy bir eskertkish ýshin oblys әkimining mazasyn alghandaryng dúrys emes-au!» dep. Al búghan biz aitamyz – iydeologiya dúrys bolmay, «tórteu týgendelmeydi» dep. Ásirese qarasha qazaqtyng «tórteui týgendelmeydi» dep («Altau ala bolsa — auyzdaghy ketedi, tórteu týgel bolsa – tóbedegi keledi»). Qysqasynan qayyrghanda, kommunister iydeologiyasyn egemen elimizde әli kýnge deyin jasqanbay jýrgizip kele jatqan búrynghy kommunist, qazirgi «Núr Otandyq» Ábdibekov te, jap-jas «Núr Otandyq» Áubәkirov te «eki kemening qúiryghyn ústaghan sugha ketedi» tәmsilin sirә da onsha-múnsha bile bermeytin bolsa kerek. Eger shynymen de osylay bolsa, eske salyp qoyghanymyzdyng da onsha-múnsha artyqtyghy joq-au dep oilaymyz. Qansha degenmen de әkim Ábdibekov aimaqtyng birinshi nómirli adamy emes pe, tiyisti oryndargha «au, búlaryng qalay, Lenin neghyp túr әli kýnge deyin?» dep bir auyz «jyly sózin» arnasa, sóz týsingenge sonyng ózi de jetip jatyr emes pe?

Bir oiym aitady – «mýmkin, әkimdikting baspasóz qyzmeti men ishki sayasat salasynyng basshylyghy Lenin eskertkishi turaly jaqynda ghana jariyalanghan portal materialyn Ábdibekovke jetkize qoymaghan shyghar» dep. Taghy bir oiym aitady – «portal materialyn Ábdibekov aldynda túrghan kompiuterden ózi-aq oqy salady ghoy, internet tilin bilmeydi dep pe eding ol kisini…» dep. Qalay bolghanda da, Lenin eskertkishin bir jaqty qylu kerek, NÚRMÚHAMBET agha, әitpese Sizge deyin búl eskertkishke búrynghy әkimder Ábdishevting de, Ahmetovting de, Nyghmatulinning de, Múhametjanovtyng da «tisi batpay» ketken bolatyn.

Marat MADALIMOV.

"Últ" portaly