Bir emes, eki emes, Qúdaydyng qútty kýni óz-ózine qol júmsaugha asyghyp, ómirden baz keshkender kóbeyip barady. Býgin Almatyda Rayymbek jәne Sýiinbay danghyldarynyng qiylysyndaghy "Merey" oiyn-sauyq jәne sauda ortalyghynyng ghimaratynan 49 jastaghy egiz әiel sekirip ketti. Nege? "Núr-Otannyn" ghimaratynyng aldynda otqa oranghan Erlan Bektibaevting múnyn, narazylyghyn jete týsinbegen qazaq egiz әielding "ne aitpaq" bolghanyn bile ala ma?  

IID baspasóz hatshysy Saltanat Ázirbekting mәlimetinshe, búl oqigha býgin tang ata bolghan. Eki әiel  auyr jaraqattan qaza tapty. "1966 jyly dýniyege kelgen eki әiel ghimarattan sekirip ketti. Búl derek Jetisu audandyq ishki ister basqarmasynyng sotqa deyingi birynghay reestrinde tirkeldi. Qajetti saraptamalar taghayyndaldy. Oqighanyng mәn-jayyn sotqa deyingi tergeu anyqtaydy. Aldyn-ala boljam boyynsha, búl - suisiyd", - dep habarlady ol. Sonymen qatar, eki әielding júmyssyz ekeni anyqtaldy.

Kaz.tengrinews.kz caytynyng jazuynsha, qazan aiynyng sonynda Shymkenttegi Mega ortalyghynda atyraulyq er adamnyng suisid jasaghany habarlanghan bolatyn. Kuәgerlerding aituyna qaraghanda, er adam qorshaudan sekirip, múz aidynyna qúlaghan. IID baspasóz qyzmetining basshysy Saltanat Qaragózovanyng aituynsha, Atyraudyng 1973 jyly dýniyege kelgen túrghyny múzgha qúlady. "Búl derekke qatysty sotqa deyingi tergeu bastaldy. Er adam qalalyq auruhananyng jansaqtau bóliminde jan tapsyrdy", - dedi Qaragózova.

Keshe Almatyda kópirden sekirmek bolghan qyz qútqaryldy. Búl turaly «Qamshy» portaly Zakon.kz-ke silteme jasap habarlaghan edi.

Oqigha 8 qarasha kýni Almatydaghy Sain men Júbanov kóshelerining qiylysyndaghy kópir ýstinde bolghan. Oqigha kuәgerleri bolghan jaghdaydy viydeogha týsirip alghan.

Beynejazbada kópir ýstinde jaqtaudyng syrtynda túrghan qyz anyq kórinedi. Polisiya qyzmetkeri oghan qolyn sozyp, jaqyndaghanda qyz keri sheginip qashady. Qolayly sәt tughanda poliysey qyzdy dereu ústap alyp, qauipsiz jerge alyp shyqty.

Týiin

Songhy kezde suisid jasaushylar nege kóbeyip ketti? Biz osy ekonomikalyq qana emes, ruhany daghdarysqa úshyraghan joqpyz ba? Suisidting aldyn alu ýshin ne isteu kerek? Búl qoghamgha narazylyqtyng belgisi emes pe? Olar nege kópshilik jinalatyn, qoghamdyq oryndarda jan tapsyrugha "qúmar"? Shýberekke týili shybyn janyn shyryldatyp, úshyryp jibergender "neni dәleldemek?", Siz ben Bizge ne aitpaq?..

Shәriphan Qaysar

Abai.kz