«Deputattar ózderin óte ersi ústaydy. El aldynda jýrgen «aghashkalar» aspanda shalqaya bermey, jerge týsse eken», - deydi jas dizayner Ayjany Núrlanova.

Qazaqstangha «Altyn adam» otandyq erler kiyim ýlgisin әkelgen jas kәsipker Ayjany ýlken qyzmettegi sheneunikterding de qaltasynyng әrtýrli bolatynyn aitady. Memlekettik qyzmetkerlerding arasynda az aqshagha qymbat kostumdi jalynyp súraytyndar bar bolyp shyqty.

«Sheneunikterding de qaltasy әrtýrli. Olar baghasyna qaraydy. «Eng qymbatyn kórsetiniz, qymbatyn kiygim keledi» deytinder jәne «eng arzanyn kórsetinizshi» dep keletinder bar. Tipti, bireuler «60 myng tengeden joghary túratyn kostumdy qatty alghym kelip túr, biraq, qaltamda bar bolghany 50 myng tenge dep jatady. Ondayda satushylarym birden habarlasady, kelisemiz jenildik jasaymyz», - deydi Ayjany Núrlanova.

Túrmys qúrmaghan, 25 jastaghy jas kәsipker keybir deputattardan kónilining qalghanyn aitady.  Deputattardyng arzan piar men jalghan patriottyq әreketteri kәsipkerding kónilin qaldyrghan.

«Bizde deputtatar da әrtýrli. «Nege sonshama arzan? Biz qymbat bolghanyn qalaymyz. 60 myng tengening kostumin kiygim kelmeydi» degen jaghdaylar boldy. Deputattardyng keybiri ózderin óte ersi ústaydy. Men olardy Otanynyng patrioty dep qabylday almaymyn. Ózderine piar ýshin ghana jýrgender bar. Men olardyng atyn ataghym kelmeydi. Biraq, oqysa ózderin tanidy dep oilaymyn. «Senen on kostum alam» dep qol qysyp ketetin deputattar dýkenge kelip, «ana jeri anaday, myna jer nege bylay» dep eshtene almaytyndary da bolady. Mindetsinip keletinder bar. Biz otandyq ónimdi úsynyp otyrmyz. Ár adam óz elining patrioty bola bilu kerek. Deputatar aspannan týsu kerek», - deydi Ayjaniy.

Ayjany osynday aspanda shalqayghan aghalarynyng «bizneske qoldau kórsetemiz» dep kónil bildirip, qyr sonynan qalmay qoyatynyn da jasyrghan joq.

«Sheneunikterding arasynda túrmysqa shyghugha úsynys jasaytyndar bar. Men ómirde barlyghyna óz kýshimmen qol jetkizdim. «Saghan kómekteseyin» dep qylymsyp keletin «aghashkalar» kóp boldy. Men eshqashan ondaylardyng kómegin alghym kelmeydi. Eger men qazir bir sheneunikpen kezdesetin bolsam, ol erteng meni de aldaytyn bolady. Erteng dýkenning bәrin «ózim jasadym» dep, keyin odan airylyp qalam ba dep qorqyp otyrghym kelmeydi. Men artyq ketkenderge «Toqta» dep aita bilemin», - degen Ayjany keudesimen tau soqqan talay «aghashkasynyn» betinen qaqqanyn aitty.

Ómirden óz ornyn ala bilgen jas kәsipker eki jyl ishinde túrmys qúrghysy keletinin aitady.

«Úsynys jasaytyn jigitter kóp. Meni er adamdardan góri әielder kóbirek jaqsy kóretin sekildi. Nege ekenin bilmeymin. Men ózime layyqty adamdy әli kezdestirgen joqpyn. Qasymnan myqty er adamdy kórgim keledi. Oghan arqa sýiegim keledi. Jәne onyng ózimnen 7-8 jasqa ýlken bolghanyn qalaymyn. 27 jasqa deyin túrmysqa shyqqym keledi», - deydi ol.

Abay-aqparat