Aqmola oblystyq mәslihatynyng apparat jetekshisi emdik shópten tigilgen ishkiyim satyp alamyn dep úyatqa qaldy dep habarlaydy KTK arnasy.

Ádilhan Shayahmetov ony jergilikti zeynetkerden qaryzgha alyp, aqysyn әli tólemey jýr eken. Apparat jetekshisinen 400 myng tengesin qaytara almay yghyry shyqqan qariya aqyry sheneunik jinalys ótkizip jatqan әkimdik ghimaratyna kelip aiqaygha basty.

Sheneunikting qaryzy jazylghan qaghaz sarghayyp ta ketipti. Eki jyldan beri әkimdikting tabaldyryghyn tozdyrghan zeynetkerdi múndaghylar jaqsy tanidy. Al songhy kezderi kýzetshiler Áliya әjeydi Ádilhan Shayahmetovting kabiynetine kirgizbey de qoyghan. Darday qyzmeti bar sheneunik ekinshi toptaghy mýgedekten qaryzgha ózine, tuysqandaryna emdik ishkiyim satyp alghan eken. Qymbat ydys-ayaqtardy da alypty. Tipti qolhat ta berdi deydi zeynetker. Biraq sol kýii alajaghyn qaytara almaghan qariya әkimdikte shu kóterdi.

Al mәslihat apparaty jetekshisining múndaydy kýtpegeni anyq. Aldaghy saylaugha qatysty kenes ótkizip jatqan Ádilhan Shayahmetov jiyndy sol jerden toqtatyp, ketip qaldy.

Áliya әjeyding aituynsha, mәslihat apparatynyng jetekshisi baghasynyng qymbattyghyna qaramastan emdik shópterden jasalghan ishkiyimning birnesheuin alghan. «Beldi qyzmeti bar azamattyng uәdesine senip bergen edim» deydi әjey. Sheneunikting ózi ishkiyimdi qaryzgha alghanynyn rastaghanymen, keyin tolyq qútyldym dep ózine shang juytpady.

"Qaryz bolmasa men jýrer me edim? Osy jasyma kelgende ótirik aitam ba? Men ótirik aitqansha, gazet satyp aqsha tabam. Mazaq qylghannan jaman bop túr ghoy. Ol qaryz bolmasa, men jýrem be osylay?", - dep ashyndy Kókshetau qalasynyng túrghyny Áliya Qaliyeva.

Zeynetkerding aituynsha, sheneunik qolhatta ay sayyn 20 mynnan berip otyramyn dep, keyin tólem jasauyn qoyypty. Qaryzyn óteuden jaltarghan song qariya memlekettik qyzmet isteri agenttigine de barghan. Endi tek sotqa jýginbekshi.

Abay-aqparat