Qazir teledidar tetigin basyp qalsaq, gazet betin ashyp qalsaq, ózimiz sasyp qalatyn dәrejege jettik. Sebebi, enkeygen qariyadan bastap besiktegi balagha deyin, tipti bazarda shemishke, shúlyq satyp túratyn әielderding ósegi aldaghy deputattyq saylau bolyp túr.

Narqy barda parqy joq zamanada dollarymyz dandaysyp, daghdarystyng dauyly qysyp túrghan shaqta, bizding elde búl nauqannyng bәsi qyzyp-aq túr. Jaqynda jan-jaghyn núrlandyryp jýretin «Núr Otan» partiyasy 127 deputattyqtan dәmelilerdin  tizimin úsynypty. Ohoo, búl tizimde kim joq deysiz ghoy? Shekesi shylqyghan sheneunikten bastap, әnshi Qayrat Núrtasyng da, sportshy Iliya Iliiyning men Serik Sәpiyev te, tilining tikenegi bar Aybek agham aitqanday «Qúdayym bermey ketkir Berdiongharov ta» bar. Osylardy « eling ýshin qúrban bolatyn kezing keldi» dep otyz jetinshi jyldaghyday repressiyagha shaqyrsan, birde-bireui kelmeydi-au dep oilaysyn keyde.

Jaraydy, basynda jekemenshik aqyly bar adamda osylar deputat bolugha layyqty ma degen oryndy saual tuyndauy mýmkin. El degende ezilip, tiline terisken shyqqansha halyqtyq mәseleni kóterip jýrgen Núrtay Sabiliyanov pen Bekbolat Tileuhannyng jóni bir basqa. Al olimpiada oiyndarynda 230 kelini kóterip jýrgen Iliya Iliin halyqtyng jýgin kótere alar ma eken? Jirinovskiy siyaqtylar jerimizge kóz tigip, últymyzdy tildep jatsa, Sәpiyev myrza júdyryq ala jýgirer me eken? Álde búlar kez – kelgen zandy nokaundqa jiberip , «Auyrmaydy jýrek» dep otyryr ma eken?  Ol jaghy әzirge belgisiz. Bizge belgilisi onsyz da  mәni ketip bara jatqan mәjilisting teatrgha ainalatyndyghy. Endi parlamentke su jana әrtister kelip, qoyylymdary búrynghydan da qyzyqty bola týsedi.

Aytpaqshy, әlgi tizimning bel ortasynda Arqalyqtyng abyroyly azamaty Abay Múqanov ta bar eken. Abay aghamnyng iskerligin, qamqorlyghyn halyq kórip jýr. Tek «óitemin, býitemin, otqa basty ýitemin» dep habarsyz ketpeydi dep senemiz. Ne degenmen úly aqyn atamyzdyng esimin jamylyp jýr ghoy. Shynymdy aitsam әlgi tizimge qarap otyryp, mening de deputat bolghym kelip ketti. Nege deysiz ghoy? Sebebi, men de әrtispin. Qayrat Núrtasty basyp ozbasam da, Sәpiyev pen Iliinning aldyn orap keterdey qauqarym bar jәne oghan әrtistik qabiletim de jetedi. Eger halyq qoldap saylaugha týsip jatsam, maghan dauys berudi úmytpanyzdar!

Shynghys Kenjaliyev

Abai.kz