Týrkiya biyligi taghy bir sauapty dýniyeni qolgha aldy. Mazasy ketken Ukrainadaghy meshet týrikterin Týrkiyagha kóshirudi bastady. Týrli zobalandy bastan keshken meshettikterding alghashqy kóshi Týrkiyagha bet búrdy. Jalpy, týrki əleminde qiyndyq kórgen bauyrlaryn Týrkiya óz qamqorlyghyna aludan eshqashan tartynghan emes.

Kenes odaghynan qudalau kórip, Pamir asyp barghan 2 myngha juyq qazaqty bauyryna basty. Arnayy jer berip, Stambuldyng tórine ornalastyrdy. Aughanstandaghy azamattyq soghys kezinde zəbir kórgen qyrghyzdardy da qataryna qosty. Noghay, gagauyz, qarashay siyaqty últ-úlystardyng da ókilin ózekke tepken emes. Qytaydaghy úighyrlardyng jaghdayyna alandap, halyqaralyq dengeyde məlimdeme jasady. Aghalyq qamqorlyghyn tanytyp-aq jýr... Týrkiyanyng osy ústanymy únaydy. Osydan 25 jyl búryn əlemdegi təuelsiz jalghyz týrki memleketi Týrkiya ghana edi. Shýkir, qazir 6 týrki memleketi təuelsiz el retinde ómir sýrip jatyr. Búl qatardy tolyqtyratyn elderding bolatyny anyq. 
Týrkiyanyng týrki elderine qamqorlyghy jayly mysaldardy kóptep keltiruge bolady. Bir ghana mysal: Týrik Respublikasy qúryluynyng 10 jyldyghyna oray 1933 jyly 29 qazan kýni Týrkiya Últtyq Mәjilisinde Atatýrik: «…Býgin Kenes Odaghy – dosymyz. Osy dostyqqa múqtajymyz bar. Alayda, erteng ne bolaryn býgin eshkim de kesip aita almaydy. Qúddy Osman nemese Avstriya – Vengriya imperiyalary siyaqty bólshektenip, úsaqtalyp ketui de ghajap emes. Býgin qolynda myqtap ústaghan halyqtar erteng uysynan shyghyp ketui mýmkin. Mine, sol kezde Týrkiya qanday әreket jasau kerektigin bilui tiyis… Bizding osy dosymyzdyng qol astynda tili, dini, taghdyry bir bauyrlarymyz bar. Olargha qol úshyn beruge әzir boluymyz kerek. Ázir bolu – sol kýndi ýnsiz kýtu degen sóz emes. Dayyndalu kerek. Halyqtar búghan qalay әzirlenedi? Ruhany kópirlerdi berik saqtay otyryp. Til – bir kópir. Senim – bir kópir. Tarih – bir kópir…», - depti. Ne degen kóregendik! Býgingi Týrkiya Atatýrikting osy amanatyna adal boldy. Barsha týrkilerdi bauyrgha basamyn degen úly múrattaryna tek səttilik!

Núrserik Jolbarys

Facebook-tegi paraqshasynan