تۇركيا بيلىگى تاعى ءبىر ساۋاپتى دۇنيەنى قولعا الدى. مازاسى كەتكەن ۋكرايناداعى مەسحەت تۇرىكتەرىن تۇركياعا كوشىرۋدى باستادى. ءتۇرلى زوبالاڭدى باستان كەشكەن مەسحەتتىكتەردىڭ العاشقى كوشى تۇركياعا بەت بۇردى. جالپى، تۇركى əلەمىندە قيىندىق كورگەن باۋىرلارىن تۇركيا ءوز قامقورلىعىنا الۋدان ەشقاشان تارتىنعان ەمەس.

كەڭەس وداعىنان قۋدالاۋ كورىپ، پامير اسىپ بارعان 2 مىڭعا جۋىق قازاقتى باۋىرىنا باستى. ارنايى جەر بەرىپ، ستامبۋلدىڭ تورىنە ورنالاستىردى. اۋعانستانداعى ازاماتتىق سوعىس كەزىندە ءزəبىر كورگەن قىرعىزداردى دا قاتارىنا قوستى. نوعاي، گاگاۋىز، قاراشاي سياقتى ۇلت-ۇلىستاردىڭ دا وكىلىن وزەككە تەپكەن ەمەس. قىتايداعى ۇيعىرلاردىڭ جاعدايىنا الاڭداپ، حالىقارالىق دەڭگەيدە مəلىمدەمە جاسادى. اعالىق قامقورلىعىن تانىتىپ-اق ءجۇر... تۇركيانىڭ وسى ۇستانىمى ۇنايدى. وسىدان 25 جىل بۇرىن əلەمدەگى تəۋەلسىز جالعىز تۇركى مەملەكەتى تۇركيا عانا ەدى. شۇكىر، قازىر 6 تۇركى مەملەكەتى تəۋەلسىز ەل رەتىندە ءومىر ءسۇرىپ جاتىر. بۇل قاتاردى تولىقتىراتىن ەلدەردىڭ بولاتىنى انىق. 
تۇركيانىڭ تۇركى ەلدەرىنە قامقورلىعى جايلى مىسالداردى كوپتەپ كەلتىرۋگە بولادى. ءبىر عانا مىسال: تۇرiك رەسپۋبليكاسى قۇرىلۋىنىڭ 10 جىلدىعىنا وراي 1933 جىلى 29 قازان كۇنi تۇركيا ۇلتتىق ماجiلiسiندە اتاتۇرiك: «…بۇگiن كەڭەس وداعى – دوسىمىز. وسى دوستىققا مۇقتاجىمىز بار. الايدا، ەرتەڭ نە بولارىن بۇگiن ەشكiم دە كەسiپ ايتا المايدى. قۇددى وسمان نەمەسە اۆستريا – ۆەنگريا يمپەريالارى سياقتى بولشەكتەنiپ، ۇساقتالىپ كەتۋi دە عاجاپ ەمەس. بۇگiن قولىڭدا مىقتاپ ۇستاعان حالىقتار ەرتەڭ ۋىسىنان شىعىپ كەتۋi مۇمكiن. مiنە، سول كەزدە تۇركيا قانداي ارەكەت جاساۋ كەرەكتiگiن بiلۋi تيiس… بiزدiڭ وسى دوسىمىزدىڭ قول استىندا تiلi, دiنi, تاعدىرى بiر باۋىرلارىمىز بار. ولارعا قول ۇشىن بەرۋگە ءازiر بولۋىمىز كەرەك. ءازiر بولۋ – سول كۇندi ءۇنسiز كۇتۋ دەگەن ءسوز ەمەس. دايىندالۋ كەرەك. حالىقتار بۇعان قالاي ازiرلەنەدi? رۋحاني كوپiرلەردi بەرiك ساقتاي وتىرىپ. تiل – بiر كوپiر. سەنiم – بiر كوپiر. تاريح – بiر كوپiر…»، - دەپتى. نە دەگەن كورەگەندىك! بۇگىنگى تۇركيا اتاتۇرىكتىڭ وسى اماناتىنا ادال بولدى. بارشا تۇركىلەردى باۋىرعا باسامىن دەگەن ۇلى مۇراتتارىنا تەك سəتتىلىك!

نۇرسەرىك جولبارىس

Facebook-تەگى پاراقشاسىنان