Eshkimning auzyna qaqpaq bola almaymyz. Biraq әrkim óz sózine ózi jauap beredi. Almatyda bolghan qayghyly oqighalar kezinde kóbimiz abdyrap, ne isterimizdi bilmey jatqan kezde keybir adamdar әleumettik jelilerde polisiyagha qarsy qara ókpesin tógip jatty. Bir otbasylary qayghy-qasiretke dushar bop jatqanda, adamgha kónil aitu – mindet. Tabalau – kýnә. Tipti, polisiya obrazdyq sóz bolsa da... Óz basym polisiya qyzmetkerlerin erekshe syilaymyn. Osy jasqa kelgenshe men kәsiby biliksiz polisiya qyzmetkerlerinen góri diagnoz qoya almaytyn, aqshany kassagha emes, tartpagha saludy ótinip, ylghy tek belgili bir dәrilerding tizimin jazatyn dәrigerlermen, bir anyqtama ýshin jýgirtip, qazaqsha súraghyna oryssha jauap berip, әr sózine nemqúrayly qarap, ne jekirip beretin, mәseleni tezirek sheshu ýshin bir-eki myng tenge dәmetetin SON qyzmetkerlerimen kóbirek keziktim. Al polisiya qyzmetkerleri – naghyz batyrlar! Men ýshin!

Kishkentay kezimde eki polisiya qyzmetkeri, biri – qazaq, biri – orys meni joghaludan aman alyp qalghan. Shynyn aitsam, 15 jyl ata-anam men ata-әjem Alladan tilep alghan perzentpin. Marqúm atam 60-qa tayaghan shaghynda túnghysh nemeresin sýigen son, búl otbasy ýshin qanshalyqty qymbat adam bolghanymdy baghamday berinizder. Ol kezde biz Almatynyng Alatau sovhozynda («Qazaqfilim» yqsham audanynan joghary) túratynbyz. Ýide eki әjem bar. Qazanda biday quyryp jatqan. Mektepke de barmaghan shaghym. Esimdi biletin kez, әiteuir. «Saghyz aluym kerek, mamanyng júmysyna ketuim kerek» degen oy keldi de, ýiden birdene etip shyghyp kettim. Tómen qaray ketip baram, ketip baram... Bir kóshemen kele jatqanday edim, bir kezde bir joldyng ózi tórtke bólindi. Basym ainalyp ketkendey boldy. Qorqa bastadym. Apamdy izdeymin «jýgirmek» dep shybyghyn ústap kele jatyr ma dep... Bir kezde bireu qolymnan ústap aldy. Qarasam, kәdimgi orys milisioneri. Oryssha birdenelerdi aityp jatyr. Týk úqpaymyn. Biraz uaqyttan keyin qazaq әriptesin shaqyryp aldy. Qaltalarynan «mishka kosolapyi» degen shokoladty shygharyp, qolyma ústatty. Sol sәtte-aq jep aldym. «Qaydan keldin? Ata-anang qayda?» - dep kýlimsirep súrap jatyr. Basynda әjepteuir jauap berip jatyr edim, keyin shatasa bastadym. Qúday ondap, sol mannan Qapiza apa degen kórshimiz jýgirip kelip: «Oybay, mynau bala - anau ýide túratyn soghys ardagerining nemeresi! Maghan beriniz!» - dep edi, polisiya qyzmetkerleri qyraghylyq tanytyp, «Sizben birge baramyz, búl bala sizdi tanymay túr» dep sene qoymady. Sodan biraz jer jýrip, eki polisiya qyzmetkeri men Qapiza apa ýiding esigin qaqty. Apam shyqty. «Nemereniz qayda?» - degen súraqqa «Ýide!» dep jauap berdi. «Al myna bala kim onda?» - dep edi, apam shalqasynan qúlay jazdady. Áyteuir, qan qysymy kóterilip ketti. Keshte atam «bir balagha qaray almaysyndar» dep bәrine úrysyp, esikti syrttan qúlyptap ketu turaly sheshim qabyldandy. Syrttan qúlyptalghan esikten shygha almay talay jylaghanym esimde. Biraq búl oqighadan keyin polisiya men ýshin meyirimdi, jaqsy balalargha shokolad taratatyn adamdar siyaqty elesteytin. Bala qiyalymyzgha eki batyr azamat osylay zor әser etken edi. 

...Al 2010 jyly EQYÚ sammiyti ótti. Jurnalisterdi ary-beri polisiya qyzmetkerleri bar avtobustar tasydy. Sonda bir polisiya qyzmetkerimen tanystym. Jasy ýlkendeu kisi eken. «Sender, jurnalister baysyndar ghoy, jalaqylaryng qansha?» - dep qoyady. Qarapayym, aqkónil, әngimeshil azamat eken. Jalaqysy 50-60 myng tengening ar jaq-ber jaghynda eken. Áyeli – qarapayym múghalim. Eki balasy bar. Astanada pәter jaldap túrady. Áyteuir, túrmystyq qiynshylyqtaryn kýlip aityp otyr. Búl barlyq polisiya qyzmetkerlerining ortaq portreti emes pe? Tauqymeti de bir. Keshte jurnalister bop qonaqýilerge jiylyp, jyly bólmelerde әngime aityp otyrghanymyzda, terezening ar jaghynan minus 40-tyng shamasyndaghy suyqta, qaqaghan ayazda tonyp-býrisip polisiya qyzmetkerleri bizding qauipsizdigimizdi baghyp túrdy. Qanshasy sol suyqta densaulyqtan aiyryldy?! Terezeden qarap, janym ashyp otyrdy. Baghanaghy әngimeshil aghanyng sol suyqta túrghanyn oilap taghy uayymday bastadym. 
Men osy jasqa kelgenshe patriot, qazaq dese jýregi eljireytin polisiya qyzmetkerlerimen kóbirek kezdeskenime, súhbattasyp, pikir almasqanyma quanamyn. Áriyne, kóbine-kóp jol-jýru erejelerine baylanysty kóptegen narazylyqtarynyz bar. Para dәmetedi dep әr jerde túrghan polisiya qyzmetkerining sheshesin ottap ótesizder... Al nege sizder zang búzasyzdar, nege aiyppúldy tóleuge erinesizder? Europa, Europa bolamyz deymiz. Onda Europadaghyday zandardy saqtaudan, polisiyany qúrmetteuden nege bәrin bastamasqa?! 

Biz polisiyagha qarsy toptasqan úiymdar nemese jekelegen adamdar bolsa da, qanday da bir shabuyldardyng úiymdastyryluyna, qarsylyqtyng órshuine jol bermeuimiz kerek. Olar qoghamdy qorghaudyng birinshi sapynda túr! Olar qúrmetke layyq azamattar. Qaza tapqan batyrlarymyzdyng jandary jәnnatta bolghay! Alla aldarynan jarylqaghay!

Kәmshat Tasbolat

Facebook-tegi paraqshasynan