Alaniya qalasy әkimshiligining resmy sayty ministrding aksiyada sóilegen sózderin basqan. Onda Chavushoglu 15-16 shildede memlekettik tónkeris jasamaq bolghan adamdar jauapqa tartylady degen.

Ol sonymen birge Týrkiya biyligin әlemning birqatar elderi qoldap otyr degen. Onyng sózderinshe, Týrkiya endi Gýlenmen qanday da bir baylanys jasaytyn eldermen qarym-qatynasty dogharady. Somaliyde Gýlen jaqtastaryn bir aptanyng ishinde elden ketudi súrady. Soltýstik Kipr Gýlen qorlary terroristik úiymdardyng tizimine endi. «Ázirbayjan jәne basqa elder atalghan sharalardy qolgha alyp jatyr. Men Qyrghyzstannyng syrtqy ister ministrine qonyrau shaldym. Men oghan eger Gýlen jaqtastaryna qarsy shara qoldanbasandar, bizding qarym-qatynasymyz ózgeredi dedim. Kezinde biz qyrghyz eline bilim beru salasynda kómektestik. Biraq Gýlen jospary basqa bolyp shyqty», - deydi Chavushoglu.

Eske sala keteyik, 16 shildege qaraghan týni Týrkiyada әsker tónkeris әreketi boldy. Biraq biylik der kezinde olardy basyp tastady. Býlikke qatysy bar dep birneshe myndaghan joghary lauazymdy sheneunikter, әskery qyzmetkerler, sudiyalar ústaldy. Osydan keyin Týrkiyada 43 myng jekemenshik mektep, myndaghan qorlar, ondaghan densaulyq saqtau mekemeleri jәne 15 joghary oqu orny jabyldy. Olardyng bәri da Gýlenge qatysy bar dep kýdikke ilingen.

Týrkiya biyligi әskery tónkeristi AQSh-ta túratyn Fethullah Gýlen jasamaq boldy deydi. Resmy Ankara AQSh biyliginen ony ekstradisiyalaudy súrady. Óz kezeginde 75 jastaghy Gýlen býlik әreketine qatysy baryn joqqa shygharady.

Abay-aqparat