Ájemning shashy úzyn bolatyn. Shashyn múrnynyng qyrymen taraqpen turalap alyp, mandayynan týp-týzu etip ekige qaq jaryp, órip qoyatyn. Órgende de úshyna deyin óretin. Tarqatylyp ketpesin degeni. Aldymen iri jýzdi taraghymen, sodan song mýiiz mayda taraqpen taraydy. Onysy – arasynda biyt-sirkeleri bolsa, shan-tozany bolsa týssin degeni. Aq oramaldy aldyna jayyp qoyady. Sony shúqylap, qarap otyrady. Qarap bolghasyn oramalyn peshting aldyna aparyp qaghyp, oramalyn taghady da peshting aldyn sypyryp, otqa laqtyrady. Shashyn kýnde búrqyratyp tarap, órip jatpaydy ghoy. Jughan song bir tekserip alghany. Tastay qylyp bir ret órip alyp, shashynyng artyna doghal mýiiz taraghyn qadap, basyna aq shyt oramalyn baylay salatyn, boldy. Oramalyn shalynyng aldynda eshqashan sheshken emes. Keyde basyn juyp bolyp, tarap jatqanda, ar jaghynan shaly kórinse, «oybay әni shal kele jatyr, oramalymdy әper» dep shashyn taramastan jiya salyp, oramalyn baylap qoyady.

Maghan ylghy «Shashyndy jinap, mandayyndy әrdayym ashyp jýr jarqyratyp, bolashaghyng jarqyn bolady» deytin mandayymnan sipap.

Keyinnen qalyng qara shashy súiylyp, azaya bastady. Basyna oramaly túrmay, syrghyp sheshile beretin boldy. Doghal taraqty eki shashty qosyp shashty týyge paydalandy. Ózi azghantay ghana agharghan shash. Nege shashyn bir shash qylyp órip, týimeydi eken? Ynghayly ghoy dep oilaytynmyn. Keyinnen shashyn maghan órgize bastady. Tastay qylyp ekige bólip ór degeni.

– Apa, (әjemizdi apa dep ketkenbiz) sizge bir shash qylyp órip bereyin be? Sonda oramal túrady. «Eki asha nayzamen» týirep qoyasyz» dedim birde kókeyimde jýrgen súraqty qoyyp.

– Qoy, týsten keyin myna kempir qútyrypty der júrt. Keregi joq. Tóbeme shashymdy shoshaytyp, oramal taqpay-aq qoydym Úljalghas qúsap. Shaly joq, jesir qatyndar ghana shashyn bireu qylyp óredi. Tóbesine qoqaytady. Bolmasa jayyp jiberedi. Ondaydy ekinshi qaytara estirtpe.  Eki shash qylyp óru – biz mәngi ekeumiz degenning belgisi. Jalghyz emespin degen sóz. Shalym joq bolsa da, jalghyz shash qylyp órmeymin. Shashymdy kespeymin de, boyamaymyn da, osy ketkenim ketken. Úzyn shash әiel adam qaytys bolghan kezde omyrauyn jauyp túru ýshin kerek. Keyin solay etersinder, – dep taraghannan týsken bir uys shashyn qolymen jinap, týidektep-týidektep taraghyna qystyryp, basyna týirey saldy. «ot jaqqanda peshke salyp jiberermin, jerge tastasang torghay ilip әketedi de úyasyna salady. Sodan adamnyng basy auyratyn bolady, tastama» dedi de oramalyn sharshylap basyna taqty.

Odan keyin ýndegem joq. Ne degen adaldyq!

Keshe avtobusta bir qyzdyng qúlaghynda «naushniyk», boyalghan shashyn jayyp alghan eken, shashy bir kempirding qolyna ilinip qaldy. Adam kóp, kýn ystyq. Odan qasynda túrghan adamnyng betin jybyrlatty. Sodan әlgi apam shydamasa kerek: «Qaraghym, boyjetken qyz bala ekensin, shashyndy jinap jýrsenshi. Qanshama energiya bar myna jerde.  Shashyna shaytan úyalaydy ghoy. Shang bolady. Shashtyng da jayatyn jeri bar. Onyng óz jóni bar. Qatty aitty deme ainalayyn, sen de qazaqtyng balasysyng ghoy, biz aitpasaq, kim aitady. Bóten deme, apanbyz, jinaqy jýr, janym» dep arqasynan qaghyp qoydy.

«Osylar shashtaryn jayyp jýredi, ei, qúddy bir diskotekada jýrgendey, jinasa qaytedi eken?!» degen ar jaghynan bireulerding dauystary shyqty. «Qúlaqtarynda naushnik bizdi tyndap jatqan da joq» dedi orysshalap bireu. Onsyz da júmystan sharshap kele jatqan júrttyng jýikesi taghy tozdy. Avtobustyng ishi u-shu.

Júrttyng bәri qyzgha qaraydy. Álgi qyz qyzaraqtap, shashyn әri-beri orap túrdy da, jinaqtap, aldynghy jaghyna salyp qoyyp, bir-eki ayaldama jýrgen song týsip qaldy.

Tyrnaghyndy boyap qoy, ne birjola óshirip tasta!

Negizi qoghamdyq oryndarda shashty da, tyrnaqty da dúrystap jýru kerek. Avtobusqa mingen adam aldymen qolynyzgha qaraydy. Qolyna qarap-aq ol adamnyng mәdeniyetining qanshalyqty ekenin kóre salugha bolady. Tanerteng minseniz avtobustan, oiboy, neshe týrli qoldardy kóresiz. Jartylay óship qalghan tyrnaqtar, tyrnaqtarynyng asty kir-kir. Jarylyp ketken, tilim-tilimi shyqqan qúrylysshylardyng qoldary... Keybireui sýp-sýikimdi, boyalghan sýirik qyzyl tyrnaq, qoldan japsyrylghan tyrnaq-sausaqtar...jaraspasa da qyp-qyzyl qylyp, badyraytyn alatyn sýikimsiz badana qoldar.

Sosyn avtobustan týsip, júmysqa kele jatsanyz, ýstinde qalyn, búttarynda kaprony joq yubka kie salghan jalanash ayaqtardy kóresiz. Ayaghynyng tyrnaghyn boyap alady, onymen qoymay. Kýn jaz ghoy, dúrys. Biraq jalanayaq qalay jýredi kóshede, bireuding ýiine bara qalsa jalanayaq kirip barudyng ózi ersi emes pe? Tipti meshitke de jalanayaq kiru ynghaysyz, qyz bala. Mekemede qyzmet jasaytyn әrbir qyz-kelinshek osyny eskerse eken.

Bizde júmys isteytin orysshalau bir jigit bar edi, sol birde bir qyzgha «oybay, jalanayaq otyrsyz ba? ayaghynyz terlemey ma, sasyp ketedi ghoy tufliyiniz» degeni, ayaghyna qarap. Álgi qyz sasyp qalyp, «seychas je leto, nәsky kiyip alayyn eshe» dedi kýlip. Bәrimiz myrs etip kýldik. Shynynda da júmysqa kelgende sausaqtaryn jyltyndatyp, sýiretpe kiyip alatyndar bar. Memlekettik qyzmette bolghasyn basy jabyq tufly men ayaghyn soytalday qylmay júqa kapron kii kerek degeni shyghar... Búl adamdy synau emes. Qoghamdyq orynda kózge qisyq kórinip túrghan nәrse.

Ásili, Germaniya, AQSh, Resey, Koreya, Japoniya sekildi memleketterding ofisterinde, bankterinde, lauazymdy qyzmet oryndarynda óz memleketi halqynyng syrt sipatyna erekshe tәrtip engizilgen. Tyrnaqtaryn 2-3 sm artyq ósiruge, saqal-shashtarynyng úshtanyp ketuine, jinamay jýruine, qysqa nemese úzyn, ashyq-shashyq kiyim kiiine jol berilmeydi. Tipti, kóbisi qyzmet oryndarynda birdey forma kiyip otyrudy әdetke ainaldyrghan. Tizeden sәl ghana joghary yubka-kostium, aq jaghaly jeyde, ofiysining emblemmasyna say galstuk. Boldy. Ár mekemening óz formasy, óz belgisi bar. Búl dúrys bir jaghynan. Óz memleketining túrghyndaryn tәrtipke keltiru, betimen jibermeu.

Keshe ayaldamadan bir qyzdy kórdim. Tap-túinaqtay. Súr kostiumining jaghasyna kózim birden týsti. Jaghasynda qazaqtyng ongy bar eken. Ádemilenip boyanyp, shashyn týiip alypty. Oipyrmay, mynau bir kóp te bolsa «Qazaqstan» telearnasynyng jurnalisti shyghar dep oiladym. Biraq týri tanys emes. Bir jaghasyna kishkentay ghana «AIR ASTANA» degen  belgisi bar jazu túr. Qanday jaqsy. Yubkasy yubka, tufliyi-tufli-aq eken! Tipti sýisinesin. Nege bizding barlyq mekememiz osynday formalar jasaudy, osynday temir tәrtipti qolgha almasqa!

Júrtty tәrbiyeley almaysyn, әriyne. Biraq әrbir mekeme basshysy osyny aldymen qolgha alsa bolady ghoy. Ár mekemening óz formasy bolsa jaqsy emes pe? Artyq kiyim de satyp almaysyn. Memleketten mýmkin osyghan qarjy bóludi talap etermiz? Artyq saqal-shash ta ósirmeysin. Ábirjimey, tap-taza bolyp, mәdeny ómir sýresin. Dinimizding de, tilimizding de týzeluine septigi tie me dep oilaymyn keyde. Qayta mekteptegiler men avtobus jýrgizushilerining kiyimin qalpyna keltirgeni dúrys bolghan. Olardyng kiyimine qarap, avtobusymyz da búrynghydan tazaraq, tәrtiptirek bolghan sekildi bolyp kórinedi. Áli de kemshin tústary bar, olardyng da tyrnaq-shashtaryn týzetu kerek. Oghan saltymyz ben dinimizdi, saltymyzdy qosuymyz kerek. Keshegi dәstýr men dindi, til men tәrbiyeni, ata-әjemiz bergen yrym-tyiymdar men tәlim-tәrbiyeni әlde de myqtap qolgha alsaq naghyz Úly Qazaq eli bolar edik!

Ásel Nazaraly

Abai.kz