Juyrda Roza Álqoja ózining  Facebook jelisindegi paraqshasynda “Men syigha tartqan oramal” әnin әriptesterining rúqsatsyz oryndap jýrgenin aityp renjigen-di. Olardyng arasynda әnshining qayyn әpkesi Súlushash Núrmaghambetova da bar eken. Dese de, әnshi býginde kelini әri әriptesi Roza Álqojamen qarym-qatynasynyng jaqsy ekenin aitady.

Búl turaly Stan.kz  portaly habarlaydy.

Roza Álqojanyn “Men syigha tartqan oramal” әni әrkimge syy bolyp taralyp jatyr. Ánshining búl tólqújaty ayasynda ýlken dau tuyndaghan. Atalghan tuyndy Roza Álqojany kókke sharyqtatyp, әn әleminde qanat qaqtyrtqan bolatyn. Alayda әnshi bir kezderi birneshe ret osy әninen aiyrylyp qala jazdaghan. Sebebi, Rozanyng tilimen aitqanda “Men syigha tartqan oramal” әnin tonaushylar kóbeyip ketken. Ánshi búl turaly tolyghyraq ózinin Facebook paraqshasynda jazdy.

Qanday jaghday bolsa da, Roza búl әnin eshkimge bermeydi. Ol osy әnge bola ózining qayyn әpkesi Súlushash Núrmaghambetovany da sotqa bergen eken. Ol әndi ózining jeke shygharmashylyq keshinde qyrghyz әnshisimen oryndap shyqqan bolatyn.

“Men syigha tartqan oramal” әni alghash shyqqan kezde avtordan rúqsat súrau degen dýnie bolmaytyn. Erkin ósken óner adamy bolghandyqtan, rúqsat súrau degendi bilmeytinmin. Roza maghan birtalay renjidi. “Apa, olay bolmaydy” dedi. Ol әndi qyrghyz әnshisi Bergen Túrghanmen oryndap shyqpaq boldym.

Endi әndi kim oryndamay jýr qazir. Ol әngime sol jerde aitylyp, sol kezde-aq qalghan. Onyng barlyghy uaqytsha nәrseler ghoy. Ara-qatynasymyz jaman emes. Onyng ýstine maghan kelin bolyp keledi”, – deydi Súlushash Núrmaghambetova.

Bastapqyda óz әnin rúqsatsyz oryndaghany ýshin Roza әriptesin sotqa bergen. Artynsha aryzyn qaytyp alghan. Dese de, әriptesteri әnshining birden sotqa baruyn orynsyz dep tapqan.

“Sottasu degendi óz basym qolday bermeymin. Al rúqsatty mindetti týrde súrau kerek dep oilaymyn. Múnyng barlyghy birinshi kezekte әnshining jeke mәdeniyetine baylanysty. Sondyqtan toyda oryndasa da, birauyz rúqsat súrauy kerek”, – deydi Ómirqúl Ayniyazov.

“Meninshe, múnday jaghdayda renjuge bolmaydy. Án erekshe tanymaldylyqqa ie bolghan song halyqtykindey bolyp ketedi. Ol әndi halyq arasynda erkin oryndaytyn bolady”, – deydi Jazira Bayyrbekova.

Sotqa jýginuden bas tartsa da, Roza Álqoja әriptesterine renjip jýrgen synayly. Sebebi ol juyrda búl әnning ózi ýshin qanshalyqty qymbat ekenin aityp, ony úrlamaq bolghan әriptesterine ókpesin jetkizgen-di. Tipti, әriptesterining búl әreketin “Ózin jorta jyndy qylyp, elemey qoy” dep baghalaghan.

Abai.kz