Keshe (18 shilde kýni týnde) QR Ishki ister ministri Qalmúhambet Qasymov myrza Almatygha arnayy kelip, shúghyl brifing ótkizdi.  «Abai.kz» portalynyng kontent-rekdaktory Ministr myrzamen kezdesip, brifingke qatysty.

Almaty qalalyq IID ghimaratynyng jinalys zalynda, týngi saghat 22:30 shamasynda bastalghan brifingte ministr myrza   Almatydaghy teraktini jasaghan jalghyz adam ekenin aitty. Ministrmen jedel týrde ótken súhbatymyz tómendegidey boldy.

-Qazir atysty úiymdastyrghan qylmyskerler turaly naqty derekter joq. Tek bir ghana azamattyng ústalghandyghy aityluda. Nege?

- Atys jasaghan azamat bireu ghana jәne oghan kómektesti degen kýdikpen taghy bir azamat anyqtaldy. Qazir qylmysker qúryqtaldy. Ol Qyzylorda oblysynyng tumasy, 26 jastaghy Ruslan  Kýlekbaev degen azamat. Búryn eki mәrte qylmysty bolghan. Barlyghy 2 jyl 11 ay jazasyn ótep shyqqan.

-Shetin oqigha qalanyng birneshe nýktesinde boldy ghoy. Al osyghan deyin BAQ-ta taraghan aqparattarda qylmyskerler bir nesheu boldy emes pe?!

-Joq. Aytyp otyrmyn ghoy, qylmysty jasaghan  jalghyz adam. Ol jәne bar kinәsin tolyq moyyndady. Kýdikti búl әreketti qasaqana, ishki ister qyzmetkerlerine kegi bolghandyqtan jasaghandyghyn aitty. Sonday-aq, eki shabuyldyng arasynda 24 minut aiyrmashylyq bar. Al búl aiyrmashylyq - qylymys bir mezette jasaldy degen aqparatty teriske shygharady. Áueli Almaly audandyng basqarmasyna shabuyl jasaghan son, ondaghy kýzettegi poliyseydi óltirip, onyng qaruyn alghan. Sosyn kóshedegi kólikti toqtatyp, ÚQK-gha barghan.

-Atysty jasady degen azamattyng búryn qylmysty bolghanyn aittynyz...

-IYә, solay. Ol az uaqyttyng ishinde jazasyn ótep shyqqan. Jeke isinde onyng jeke basyna qatysty bar mәlimet tirkelgen. Qantar aiynda qylmysker Almaty qalasyna keledi. Birneshe ay jaldamaly pәterlerde túrghan. Bostandyqqa shyqqan song da, qylmysker zangha qayshy әreketter jasaghan, qaru satyp alghan.

-Sonda atys kezinde jaraqat alghandardyng naqty sany qansha adam? Nesheui polisiya qyzmetkeri? Beybit túrghyndar bar ma?

- Jalpy atys kezinde 6 adam jaraqat alghan. Olar polisiya qyzmetkerleri. Taghy ýsh adam - qala túrghyny.

-Al qansha adam qaza tapty?

-Atys kezinde 5 adam qaza tapqan. Olardyng ýsheui polisiya qyzmetkeri, bir adam ÚQK shekara qyzmetkeri jәne bir qala túrghyny bar.

-Osyghan deyin BAQ pen әleumettik jelilerde qaza tapqandardyng sany siz kórsetken derekterden edәuir kóp ekendigi aityldy ghoy...

-Qaza tapqandardyng sany 5 adam.

-Qazir atalghan oqigha boyynsha qylmystyq is qozghaldy ma?

-Qazir atalghan is boyynsha qylmystyq is qozghaldy. Sonyng ishinde «Bir nemese birneshe adamdy óltiru», «Terrorizm», «Memlekettik nysandargha shabuyl» jәne «Memlekettik qyzmetkerge shabuyl jasau» sekildi baptar boyynsha  ÚQK men Prokuratura is qozghady. Aldyn ala tergeu amaldary barysynda anyqtalghanday, kýdikti Kýlekbaev 17-nen 18-ne qaraghan týni azamatsha Sydyqovany qaladaghy qonaq ýide azaptap óltirgen. Sydyqova Ózbekstan azamaty eken, Almaty qalasynda zangha qayshy keletin intimdik qyzmet kórsetumen ainalysyp kelgen. Búl qylmysy ýshin jauapqa tartylatynyn bilgen son, Kýlekbaev qaru kezenip, bóten kólikti úrlap ketken. Jasaghan qylmysy ýshin ózining auyr jazalanatynyn bilgen Ruslan Kýlekbaev polisiyagha shabuyl jasaudy josparlaydy. Jәne solay jasaydy da.

-Atalghan oqigha boyynsha is sizderding qaraularynyzda ghoy?

-Qúqyq qorghau organyna shabuyl jasaluyna baylanysty búl isti ÚQK óz baqylauyna aldy jәne onyng qalalyq әkimshilikke esh qatysy joq.

-Qazir Kýlekbaev qamauda ma?

-Atys kezinde jaraqat aluyna baylanysty qazir ol auruhanada jatyr.

Sonymen,  Ishki ister ministri Qalmúhambet Qasymov myrza Almatygha týnde kelip, BAQ ókilderine qylmysty jasaghan adamnyng jalghyz ekendigin aitty. Asyghys kelgen ministr, jinalys zalynan da asyghys shyghyp ketti.

Osyghan deyin Almaty qalalyq shúghyl jedel kómek kórsetu auruhanasyna 8 adamnyng kelip týskendigin óz kózimizben kóregen edik.

Atalghan auruhanagha Almaty qalasy әkimining búrynghy orynbasary Zәuresh Amanjolova da kelgenin kórip, sózge tartqan bolatynbyz.

Zәuresh Amanjolova, Mәjilis deputaty:

-Qazir múnda jaghday týsiniksiz. Keshirinizdershi, men dәriger emespin ghoy. Qazir 5 birdey operasiya zalynda ota jasalyp jatyr. Dәrigerler bosaghan son, sizderge shyghyp mәlimdeme jasaydy. Mening biletinim sol ghana, operasiya zaldarynyng barlyghy bos emes. Mening ózim qazir bauyrymnan airylyp túrmyn...

Týski saghat 12:30-dan 16:30-gha deyin sozylghan otadan song hirurgtar baspasóz ókilderimen súhbattasugha uaqyt tappady. Ota jasaghan hirurg dәrigerding biri bizge, «kóbisinen aiyrylyp qaldyq. Bizge kesh jetkizdi. Óte kóp qan joghaltqan»,-dedi (dәrigerding aty-jóni, ózining ótinishi boyynsha jasyryldy).

Al atalghan auruhananyng bas dәrigeri dep tanystyrghan Almas Bolatúly bizben telefon arqyly sóilesuge mýmkindigi baryn eskertip, «qazir operasiyalar ayaqtaldy. Jaghday qalypty. Men sizderge ÚQK men IIM kelispesten eshtene aita almaymyn . Sebebi, naqty aqparattar mende joq»,-dedi.

Al keshki saghat 21:00 shamasynda qalada qauipting "qyzyl dengeyi" alynyp tastaldy.

Aldaghy uaqytta Qasymov myrza ótkizgen brifingting beyne núsqasyn saytymyzda jariyalaytyn bolamyz.

Núrgeldi Ábdighaniyúly

Abai.kz