Býgin Mongholiyagha arnayy issaparmen barghan Ýkimet basshysy Kәrim Mәsimov Bayan-Ólgeydegi apattan zardap shekken aghayynmen kezdesip, memleket tarapy qandastarymyzgha kómegin ayamaytynyn jetkizdi. Tili qazaqsha kәlimagha kelmey jýrgen premier-ministrimiz memlekettik tilde sarnap qoya bergeni sol edi, ol jaqtaghy aghayyn Kәrim myrzagha at mingizip, shapan japty.

Áriyne, Mәsimov mingen at jayly aityp, shettegi aghayyngha Ýkimetting qol úshyn sozghanyn "jarnamalap" oda aitudan aulaqpyz. Dese de osy joly Qazaq memleketi әlemning kez-kelgen jerindegi qazaq azamattarynyng panasy bola alatynyn bayqatty. Dәl osynday úrymtal tústa Kәrim Mәsimov tóbe kórsetip, ózining sayasy túlghasyna sәl-pәl bolsa da "әr berip alghany" bolmasa, biz de, Bayan-Ólgeylikter de dәn riza...

Biz demekshi, Bayan-Ólgeydegi apat býkil qazaqtyng jýregi men tilegi birtútasyp ketkenin әigiledi. Áleumettik jeliler arqyly qoghamdyq belsendiler sauyn aityp, zardap shekken aghayyngha jylu jinap jatyr.

Ayatjan Ahmetjan, belsendi:  

- Apattan zardap shekken aghayyngha qol úshyn bersek degen bastama mening jeke iydeyam emes. Jigittermen aqyldasyp, belgili jurnalist Amangeldi Qúrmetúly ekeumiz arnayy shot ashpaqqa kelistik. "Saydaghy arqardyn túyaghyna tas batsa, qyrdaghy arqardyn mýiizi syrqyraydy" deytin qazaqpyz ghoy. Shettegi aghayynnyng basyna is týskende qúr qol qarap otyrugha dәtimiz jetpedi. 

Qúdaygha shýkir, bastaghan júmysymyz sәtin salyp, el-júrt bir qazaq ekenin dәleldep, óz kómekterin kórsetude. Qazaqstandy bylay qoyyp, alys-jaqyn shetelde jýrgen aghayyn da aqshasyn audaryp, qandastarymyzdyng qamy ýshin baryn salyp jatyr. Mәselen, Daniyadan bir azamat 1000 AQSh dollaryn jiberdi. Endi Irlandiyadaghy qandastar habarlasyp, týsten keyin audarym jasaytyndaryn aityp jatyr. Sonday-aq, elimizdegi újymdyq mekemeler men týrli qorlar jәrdem jasaytyndyqtaryn jetkizdi. Eki kýnning ishinde jinaghan jyluymyz 1 mln. tengeden asty. 

Alla jar bolsa, 20 shilde kýni Bayan-Ólgeyge jol jýrmekpiz. Oghan deyin el bolyp qarajat jinap, qandastarymyzgha mýmkindiginshe kómek kórsetip qaytamyz. Basynda Amangeldi Qúrmetúly ekeumiz jolgha birge shyghamyz degen edik. Endi Aydos Sarym, Múrat Ábenov aghalarymyz da baratyn synay tanytyp otyr. 

Biz Bayan-Ólgeyge baryp, bir aptaday saraptama jasap, negizinen kóp balaly jәne әleumettik jaghdayy tómen otbasylargha qol úshyn sozbaqshymyz. 

Týiin

Zardap shekkenderge jylu jinau jalghasuda. "Ár qazaq - mening jalghyzym" degen úranmen ósken Sizder de qarap qalmaghaysyz, oqyrman qauym!

Qanat Birlikúly

Abai.kz