Dinning tabaldyryghyn attaghan adam uaxaby bolady. Oqyghan adam imam bolady. Zerttegen adam ghalym bolady. Al әruaqty tanyghan adam ata-baba týsinigimen ýndesedi.

IYә, qazaq әruaq shaqyrady. Áruaq - ata-babalarymyzdyng eng úlyq jetistigi. "Áruaqty syilayyq, qúrmetteyik" dep kýmiljiytinder sanasynyng silkinui qajet. Batyrynqyrap aitsaq, ol aghayyndar uaxabiylik shalyq әserinen arylulary qajet. Kýmәn - imandy joyady. Jalpy kimning de bolsyn bir xalyqtyng senim-nanymynan biyik túra almaytyndyqtaryn úghynghany jón.

Biz qaytalaudan jalyqpaymyz. Sebebi babalar jolynyng xaqiqy ekendigine bek senimdimiz. Qazaq әruaqty Allagha serik qosu ýshin emes, qayta Allamen ýndesip ketu ýshin shaqyrady. Ázirge tútasyp degendi aitpadyq. Dәlel súraushylargha aitarymyz, "Alla senderge kýre tamyrlarynnan da jaqyn" degen ayat. Osyghan ilansaq, sonda tútaspaghanda ne qaldy?. Mәsele qalay tútasuda. Bilgen jón, әruaqsyz Allagha manaylay da almaysyn. Áruaqtan tysqary jasadym degen is-әreketting bәri Allagha serik bolady.

Jalpy Allagha serik qosugha bolmaydy degen týsinik din әlippesin ýirenip jýrgen balanyng әngimesi. Adamgha Allagha serik bolatyn bir nәrse bar-au degen oidyng keluining ózi dúrys emes. Allagha eshnәrse eshqashan, eshuaqytta serik bola almaydy. Búl - bizding ata-babalarymyzdyng týsinigi. Ol ýshin әruaq mәnin úghynu qajet. Qarapayym tilmen aitayyq. Siz ben bizding janymyz bolmasa namaz oqy almaymyz. Osyghan senesiz be? Dúrys. Rux degenimiz sol jan. Demek biz jan bolmasa Allamen baylanysa almaymyz ghoy. Múny týsinu ýshin medrese tauysudyng qajeti joq. Endi taghy bir týsinip alatyn jaghday bar. Sizge kórinip túrghan, kórinbey túrghan barlyq jaratylystyng jany bar. Ony jalpylama әruaq dep ataymyz. Endi osydan әruaqsyz Allamen baylanysugha bolmaytyndyghyna kóz jetkizuge bolady ghoy.

Qazaq әruaq shaqyrghanda osy әlem tútasady. Tútasqan dúgha-tilek Allanyng raxmetine bóleydi. 
Shamaly tәptishtenkirep kettik. Qúdayshylyghyn aitqanda, biz ata-babalarymyzdyng diny týsinigining qolyna su qúnggha da jaramaymyz.

Qúdiyar Bilәl

Facebook-tegi paraqshasynan