Ótken senbi kýni Elbasynyng pәrmenimen qúrylghan Jer komissiyasynyng kezekti jinalysy ótpey qaldy.

Qazaq jerin sheteldikterge jalgha beru mәselesi sóz bolghanda býkil qazaq halqy narazylyghyn bildirip, rúqsat etilmegen mitingterge shyghyp, jerge qatysty óz oilaryn ashyq aitqan bolatyn.

Búqaranyng ashuynan yqqan biylik der kezinde esin jiyp, 75 mýshesi bar komissiya qúryp, barlyq kýrdeli mәselenining sheshimin beybit jolmen úsynudy Baqytjan Saghyntaev basqaratyn komissiyagha jýktedi.

Basy әp-әdemi bastalghan komissiyanyng otyrysy nelikten ótpey qaldy? Búl onsyz da «shyqpa janym, shyqpamen» otyrghan halyq narazylyghyn kýsheytip jibermey me? Búl jaghdayat komissiyagha degen senimning setineuine әser etpey me?

Osynday súraqtargha jauap tappaq bolyp, Jer komissiyasynyng mýshesi Múhtar Tayjangha habarlasyp edik. Ol kisi jer komissiyasynyng jiyny nege ótpegenin әli bile almay otyrghanyn aitty.

Al, sayasattanushy Dos Kóshim bolsa, múny әzirge shulatpay qoya túrudy jón sanap otyrghanyn, dese de komissiya júmysynda kónilge qonymsyz shalaghaylyqtyng kóp ekenin tilge tiyek etti.

Dos Kóshim, sayasattanushy:

– Negizi jer komissiyasynyng otyrystaryn ótkizu júmysy Auylsharuashylyghy ministrligine jýktelgen. Otyrystyng nege ótpey qalghanyn solardan súrau kerek. Meninshe, kezekti jinalystyng ótpey qaluyna Baqytjan Saghyntaevtyng qolynyng bosamauy sebep bolghan siyaqty. Bәlkim, Aqtóbedegi lankestik әreketting de salqyny tiygen shyghar. Dese de, qanday jaghday bolmasyn, búl otyrystardyng ótui qajet edi, júmysynyng toqtamaghanyn dúrys.

Mening kónilim tolmaytyn biraz dýniyeler bar. Ótkende ol jaydyng birazynyng shet-jaghasyn aittym da. Jer komissiyasynyng ónirlerde ótetin jinalysy Kókshetaudan, yaghni, Aqmola oblysynan bastaldy. Endi Shyghys Qazaqstan, Pavlodar sekildi oblystarda ótpek. Búl komissiya nege alghashqy jiyndardy mitingter ótken Atyrau men Aqtóbeden bastamaydy? Nege sol jaqtyng pikirin aldymen bilmeymiz? Búl-  birinshi mәsele.

Ekinshi mәsele, barlyq júmys komissiyanyng tóraghasy Baqytjan Saghyntaevting qolynyng bos boluyna baylanysty jýrgizilip jatqan siyaqty. Komissiyanyng tóraghasy bolghan son, ol kisi býkil jiyngha qatysu kerektigi aitylghan edi. Negizi múnday keshendi júmys jasalarda arnayy joba bekitilui kerek. Qay uaqytta qanday jiyn ótedi, komissiya qanday ónirge barady, barlyghy derlik qattalyp, arnayy keste dayyndaluy kerek. Múnyng biri de qolgha alynbaghan. Biz ózimizding júmysty qalay josparlarymyzdy bilmey otyrmyz. Mәselen, men osy aidyng 27-inen bastap ekspedisiyagha ketuim kerek edi. Eger komissiya júmysynyng arnayy kestesi bolsa, biz bar isimizdi soghan ynghaylar edik. Ár ónirding azamattary da komissiya júmysyna aralasugha, jiyngha arnayy kelip qatysyp, óz oiyn aitugha dayyn otyrar edi.

Jinalys birinshi ret ótpey qalyp otyr. Sondyqtan, aighay shygharyp, mәsele kóteruding qajeti shamaly. Biraq, elding komissiyagha degen senimin óshirip almau ýshin búdan keyin búl jaghday qaytalanbauy kerek dep oilaymyn.

Týiin

Jer komissiyasy qúrylmay túryp, jer jayyndaghy barlyq aqparattardy halyqqa jetkizip túru ýshin biylik arnayy jerturaly.kz degen sayt ashqan edi. Qazir ol sayt ta júmys jasamaydy. Nege?

Qanat Birlikúly

Abai.kz