«Qazaqstannyng damu banki» AQ basqarma tóraghasy Bolat Jәmishev Birynghay jinaqtaushy zeynetaqy qoryndaghy qarajat qayda júmsalatynyn aityp berdi dep habarlaydy «QazAqparat» portaly.

Tilshilerge til qatqan tóragha Bolat Jәmishev 15 milliard tengening 15 jylda qaytarylatynyn aitypty.

«MEGA Silk Way sauda ortalyghynyng qúrylysyna «Bәiterek» Holingine bólingen BJZQ qarajaty 15 jylgha berildi. Nesie somasy 15 mlrd tenge. Oghan «Bәiterek development» esepshotyndaghy qarajattar kepildik bolady. Búl eng senimdi kepildik bolyp tabylady. Stavkasyna keletin bolsaq, biz BJZQ-dan 15 payyzben aldyq, atalmysh jobagha 16,5 payyzben berdik», – deydi Jәmishev myrza.

Esterinizge sala keteyik, osynyng aldynda qazaqstandyqtardyng Birynghay zeynetaqy qorynan 15 milliard tenge EKSPO-2017 aumaghyndaghy qúrylys nysandaryna beriletinin jazghan bolatynbyz.

Osydan keyin BAQ-qa súhbat bergen key sheneunik búl aqparattardyng shyndyqqa janaspaytynyn aitqan-tyn. Endi mine, bank basshysynyng ózi  EKSPO-2017 aumaghynda «MEGA» sauda ortalyghynyng salynatynyn mәlimdedi.

«Birynghay jinaqtaushy zeynetaqy qorynyng qarajaty óte qymbat, sondyqtan biz ol qarajattardy jobalargha bólgen kezde ózimizding qarajattarmen, Últtyq qor men budjettik qarajattarmen qosamyz. Mysaly, biz ýdemeli industrialdyq-innovasiyalyq damu baghdarlamasynyng ekinshi kezeninde qolgha alynatyn jobalargha 225 mlrd tenge qarastyrdyq. Onyng tek 65 mlrd tengesi ghana – BJZQ qarajaty. Zeynetaqy qorynyng 15 mlrd tengesin MEGA Silk Way sauda ortalyghyna, 17,5 mlrd tengeni jýk vagondarynyng qúrylysyna jәne 30 mlrd tenge eksporttyq jәne eksport aldyndaghy qarjylandyrudy qoldaugha bólinip otyr. Búl – biyl bizding BJZQ-dan alghan qarajattar», – dedi bank basshysy.

Esterinizge sala keteyik, jaqynda Qazaqstannyng Damu banki qazaqstandyqtardyng zeynetaqy qorynan 15 milliard tengege juyq qarjyny «EKSPO-2017» qúrylysyna júmsaytynyn mәlimdegen bolatyn.

Keyin «Astana EKSPO-2017» ÚK-nyng qoghammen baylanys departamentining diyrektory Sergey Kuyanov bólinetin qarjynyng oiyn-sauyq keshenderine emes, naqty EKSPO jobasy ayasynda salynatyn ghimarattar qúrylysyna júmsalatynyn mәlimdegen. Al jekelegen jobalardyng Halyqaralyq kórmege esh qatysy joq ekendigin aitqan. Múnday jekelegen investisiyalyq jobalardyng ishinde Núrlan Smaghúlovtyng MEGA sauda oiyn-sauyq kesheni de bar eken.

Núrgeldi Ábdighaniyúly

Abai.kz