...qajettiligi

Jat eldegi Alash júrtyn bir ortagha shoghyrlandyru mәselesi – shyghystaghy Ýndistannan bastap, batysymyzdaghy Europa elderi men AQSh aralyghyndaghy úlan-ghayyr atyraptaghy sansyz memleketti ekinshi Otany etken qazaqtardyng bәrine qajetti bastama. Olar ózderi túratyn memlekette toptasa ómir sýrse, tilin, dilin, dinin úmytpaghan bolar edi. Sol ortalyqta otandyq telearnalardyn, baspasózding jetimdiligin de jýzege asyrugha jol ashylar edi. Búl orayda «shetelderdegi qazaqtardy bir ortagha shoghyrlandyru mәselesi shyndyghynda da olardyng qazaqtyghyn saqtap qala ala ma?» degen saual tuyndaytyny ras. Bizding pikirimizshe, osy arman oryndalsa, sol eldegi bauyrlarymyz salt-sanadan aiyrylmaydy. Oghan mysal retinde Mongholiyanyng Bayan-Ólgey aimaghyn alugha bolady.

1940 jyly Bayan-Ólgey aimaghyn qúruda qazaqtyng birtuar túlghasy Jenishan Dýzelbayúly eren enbek etti. Sol Jenishan Dýzelbayúlynyng yqpalymen bir kezderi Hobda aimaghynyng batys ónirindegi monghol men qazaqtardy basqarghan, marshal shenin alghan, monghol elining әigili qolbasshysy Choybalsyn monghol halqyna: «Qazaq halqyn «baga yastan» (úsaq sýiektiler) deudi, «hasag» degen ataulardy toqtatu kerek. Qazaq últynyng monghol últynan esh aiyrmashylyghy joq. Qazaq halqy Mongholiya memleketining ózining últ tilinde mektebi bar, baspasózi bar derbes bir aimaghy bola alady», – degen eken. Sonymen qatar qazaq últynyng 12 ereksheligin tizip, monghol halqyna ýlgi etipti-mis. Endi qaranyz, sol Choybalsynnyng shapaghaty nәtiyjesinde Bayan-Ólgey aimaghynyng 97 myng qazaghy Altay sum, Tolbo sum, Sagsay sum dep «sumdatyp» kete baratyn 15-ke juyq eldi mekende týtinin týtetip, qazaqy salt-dәstýrin sol qalpynda qaymaghyn búzbay ústap qala aldy. Tipti qazir qazaqtyng úmyt bolghan qanshama últtyq qúndylyghy sol jaqtan bizge kelip jatyr.

Anadolydaghy «Qazaqkent»

Sonymen qatar bir ortalyqqa qonystanudyng qajettigin sheteldegi qandastarymyz bizden de jaqsy týsinedi. Óitkeni qazaq bolyp qalu – olardyng basty maqsaty. Mysaly, 1972 jyly Týrkiyadaghy qazaqtar Týrik ýkimetine ótinish jasap, qúrylys salu ýshin jer berudi súraydy. Týrkiya ótinishti qanaghattandyryp, sonyng nәtiyjesinde Qazaqkent audany boy kótergen. Qazir ol audan Guneshly (Kýn sәuleli) dep atalsa da, Europadaghy qazaqtardyng ruhany «astanasyna» ainalyp otyr.

Kaliforniyadaghy Kazakh Land

Áriyne, oqyrman qauym «sheteldegi qazaqtyng basyn bir ortalyqqa shoghyrlandyrudyng joldary qaysy?» dep súrauy mýmkin. Oghan AQSh-tyng Kaliforniya shtatynyng әigili Malibu jaghajayyndaghy Kazakh Land atty etnikalyq qazaq auylyn mysalgha keltiruge bolady. Biraq búl – biz oilaghanday auyl emes, demalys orny. Sol Kazakh Land-ta tigilgen kiyiz ýilerge turister men demalushylar aghylyp jatatyn kórinedi. Sebebi europalyqtargha qazaqtyng últtyq taghamdary men susyndary, salt-sanasy, últtyq týsinigi tansyq. Osyny orayly paydalanghan kәsipkerler qiyaldaryna erik berip, osy bir miniaturalyq etnikalyq auylda Nauryz merekesi, Bauyrsaq kýni degen sekildi últtyq meyramdardy dýrkiretip ótkizedi eken. Sonymen qatar salt atqa minu, qúsbegilerding býrkit salu ónerin kórsetu, asyq oinap, altybaqan tebu sekildi qúndylyqtar qonaqtardyng qyzyghushylyghyn oyatqan. Bәlkim, ózge elderdegi qandastarymyzdy bir ruhany ortalyqqa toptastyru ýshin osy ýlgini de janghyrtugha bolatyn shyghar. Bir jaghynan sheteldikterge qazaqty tanytyp, ekinshi jaghynan sol eldegi qazaghymyzdyng jayyn kýitteymiz... Áriyne, qoldau tapsa, búl sharuany otandyq kәsipkerlerimiz úrshyqsha iyirip әketer edi.

Qytaydaghy qazaq sayty osy mәseleni kóterdi

2 milliongha juyq qandasymyz irgedegi Qytaygha qarasty Ile men Tarbaghatay saghasyndaghy qazaqy toghyz audan men eki qalanyng tónireginde qytay, dýngen, úighyr sekildi últtarmen qoyy qoralas ómir sýrude. Múnyng syrtynda derbes Mori, Barkól, Aqsay sekildi shaghyn avtonomiyaly qazaq audandary bar. Sonymen qatar Ýrimji, Shyhyzy, Qaramayly qalalarynda Alash balasy tirshilik etude. Sanjy húizu (dýngen) avtonomiyaly oblysyna qarasty Sanjy, Qútybi, Manas, Jemsary, Shonjy, Fukan, Mishuan, audandarynda da qazaqtar jeterlik. Demek, Qytayda ýsh aimaqtyng qazaqtary qaraytyn (Tarbaghatay, Ile, Altay) Ile avtonomiyaly qazaq oblysy bar degenimizben, múnyng syrtynda qanshama qazaq Qytay elining әr mekeninde shashylyp jatyr. Osy mәseleni kóterip, ótken jyldary Qytaydaghy qazaq jastarynyng senkazakh.com sayty «Qazaq avtonomiyasynyng hali» atty maqala jariyalady. Maqala avtory Altay, Tarbaghatay aimaghyndaghy qazaqtardyng qytaylanyp bara jatqanyn sóz ete kelip, osy ólkelerdi Ile aimaghyna qosyp, ýlken qazaq avtonomiyalyq audanyn qúru qajettigin aitypty. Áriyne, bizding kózqarasymyzben qarasaq, jaqsy iydeya. Biraq alyp imperiya sanalatyn Qytay ýshin ýy ishinen ýy tigu bolyp sanalatynyn amalsyz moyyndaugha tura keledi. 

Mýmkin jaghy

Tarihtan 1952 jyly kommunist general Uang Jing Shynjandaghy qazaq baylary men ziyalylaryn qynaday qyrghan kezde Qytay kompartiyasynyng Batys-Soltýstik burosynyng birinshi hatshysy Sy Djunsun myrzanyng Qytay basshysy Mao Szedungha úsynys jasap jýrip, qazaqtardy aman alyp qalugha septigin tiygizgenin bilemiz. Sol Sy Djunsun – qazirgi Qytay basshysy Sy Szinipinining әkesi. Demek, әkesining sharapaty balasynyng boyynan tabyla bilse, damyghan Qytay ýshin qazaqtardy bir mekenge, bir aumaqqa shoghyrlandyru, sol arqyly últtyghyn saqtaugha jәrdem etu asa qiyn sharua emes. Onyng ýstine, Qytay biyligining qazaq diasporasyna degen kózqarasy әrqashanda dúrys.

Rod-Aylend shtatyndaghy qazaq auyly...

Aytpaqshy AQSh-tyng Rod-Aylend shtatynda da qazaq auyly bar. Búl da bir qazaq ekenimizdi úmyttyrmau ýshin jasalghan qadam kórinedi. Biraq atauy «Qazaq auyly» bolghanymen, búl shtatta eshqanday auyl joq. Ál-Faraby atyndaghy Qazaq últtyq uniyversiytetining jurnalistika fakulitetining ústazy Qarlygha Mysaeva hanymnyng aituynsha, Qazaqstannan AQSh-qa qonys audarghan baletmeyster Janat Baydaralin 2004 jyly qazaqty tanystyru maqsatymen «Qazaq auyly» atty úiym qúrghan. Keyinirek amerikalyq Siuzan Saksen atty kelinshek «Qazaq auylynyn» júmysyn dóngeletip әketken. Oghan sebep Siuzannyng qazaq qyzy Sarany asyrap aluy eken. Ol qyzynyng qazaq ekenin bilgenin qalaydy. Qazir «Qazaq auylyna» Amerikanyng jer-jerinde túratyn qazaq balalaryn bauyryna basqan ata-analar mýshe. Ata-analar jylyna bir mәrte balalarymen birge «Qazaq auylyna» (negizi lageri) kelip, qazaqtyng últtyq dýniyetanymymen, bitim-bolmysymen tanysady, yaghny әrdayym da olardyng sanasyna qazaq ekenin siniruge tyrysady.

Týiin

Bir memleketting ekinshi memleketting ishki sayasy jaghdayyna aralasuyna qúqyghy joq. Desek te, demokratiya zandylyqtary az últtar men diasporalardyng joyylyp ketpeuine, denasionalizasiyagha úshyramauyna negizdele jasalghanyn eskersek, múnday alandaushylyq bildiruding әbestigi joq. Dýniyejýzi qazaqtarynyng I qúryltayynda QR Preziydenti N.Á.Nazarbaev: «Qazaq dalasyn jaypap ótken 1932-1933 jyldardaghy apatty asharshylyq 6 mln qazaqtyng 2,2 millionynyng ómirin jalmap ketti», – degen bolatyn. 2,2 mln qazaqtyng qyryluy (keybir derekterde búdan da kóp) kimning ózegin órtemedi desenizshi! Onday ókinishke qalmau ýshin tәuelsiz elimiz sheteldegi 5 mln qazaqtan tiridey aiyrylmaudyng jolyn qarauy qajet. Ol ýshin elimizdegi resmy 8172 auyl men 86 qalanyng jaghdayyna alandaghanday, qazaq últynyng ókilderi mekendeytin sheteldegi eldi mekenderding jayyna da bas auyrtqanymyz jón sekildi.

Biraq... Biraq, bizding býgingi ýkimet shettegi qazaqty bylay qoyyp, óz elimizdegi qazaqqa jyly qabaq tanytpay otyrghanyn eskerip, búl isti jekelegen últshyl qaltaly azamattardyng moynyna artylghan jýk qylyp, iydeya tastaudy ghana jón sanap otyrmyz... Bizdiki "sugha ketken tal qarmaydynyn" keri de...

Qanat BIRLIKÚLY

Abai.kz