Ejelgi Jibek jolyn janasha janghyrtu eldegi turistik salanyng ghana emes, basqa salalardyng damuyna da serpin bermek.

Elordalyq turizm qauymdastyghynyng basshysy Rysty Qarabaeva Astanada ótken Qazaqstan-Qytay forumynda: «Biz Qytay turisterin nemen qyzyqtyra alamyz? Mening oiymsha, bizding brendimiz Jibek joly – Qazaqstan bola alady. Eger Jibek joly dәlizderin qarap otyrsanyz, 2014 jyldan beri Qazaqstan arqyly  Chanani-Tyani-Shani dәlizi ótedi. Eger Jibek jolynyng sauda naryghyna qarasaq, ol jaqta Qazaqstan mýlde bolmaghanday: Qazaqstangha soqpay ótetin Qyrghyzstan, Ózbekstan biriktirilgen baghyty jýrip ótedi, odan ary qaray Qytay. Osy olqylyqtyng ornyn toltyryp, Jibek jolyndaghy ózimizge tiyesili oryndy iyemdenetin kez keldi dep oilaymyn», – dep mәlimdedi.

Jibek jolynyng qazaqstandyq dәlizinde kóne qalalar óte kóp. Olar negizinen Jetisuda, Tarazda jәne Almaty oblysynda ornalasqan. Olardyng kóbi YuNESKO-nyng mәdeny múralarynyng tizimine engen. «Atalghan qalalardy kóriktendirip, turistik baghyttargha qosu qajet», – dedi qauymdastyq basshysy.

Sonymen qatar forumda sóz alghan Shyghys Qazaqstan oblysy әkimdigi turizm basqarmasynyng basshysy Jasúlan Sәrsebaev jyl sayyn Astanada Jibek jolynyng Ekonomikalyq beldeuine qatysushy elderding turistik forumdary men kórmelerin ótkizip túrudy úsyndy. «Jibek jolynyng Ekonomikalyq beldeuin qúru turaly iydeyany Sin Szinipin myrza 2013 jyly alghash ret Astanada aitqandyghyn atap ótuimiz qajet. Qytaydyng syrtqy sayasatyn týsinemiz, olar ýshin Jibek jolyn jandandyru strategiyalyq jaghynan manyzdy. Osy әriptestikti jandandyru ýshin bizge múnday sharany Astanada ótkizu tiyimdi», – dedi ol.

Talqylauda moderator bolghan «Atameken» QR ÚKP Basqarma tóraghasynyng orynbasary Yuliya Yakupbaeva osy úsynysty forumnyng qararyna qosugha uәde berdi.

Abai.kz