Maqsary ósimdigining bizding elimizde ósirilip, ónim alyna bastaghanyna kóp uaqyt bola qoyghan joq. Songhy jyldary jersindirildi. Odan alynatyn negizgi ónim – asqatyq may. Maqsary mayynyng sapasy kýnbaghys pen maqta mayynan kem emes. Baghasy da anau aitqanday qymbat dep aita almaysyz. Maqta mayynan әldeqayda arzandau bolyp keledi. Negizinen maqsary elimizding ontýstiginde ósiriledi.

Maqsary – qaldyqsyz ónim sanalady. Mayy alynghannan keyin de ýlken súranysqa iye. Mәselen, maqsarynyng mayynan qalghan qaldyqtan Iranda halua dayyndasa, Týrkiyada týrli sabyndar shygharady. Al tastyng ózin kәdege jaratatyn qytaylyqtar týrli dertke shipa bolatyn dәri-dәrmekter óndirude. Al biz qaldyqtyng ózin kәdege jarata almauymyzdyng saldarynan әzirge malgha azyq etudemiz. Tabighaty jayly ontýstik oblystar ýshin maqsary ósiru tansyq emes. Al, audan aumaghyndaghy birqatar ónirlerde kóptep ósirilude. Tipti qúnarsyz degen jerding ózinde de maqsary ósiru qolgha alynuda. Búl mayly daqyldyng týsimi biyl ótken jylghymen salystyrghanda 5,1 sentner bolyp, 0,2 sentnerge artqan. Eng joghary týsim gektaryna 7 sentner ekenin eskersek, biylghy jinalyp jatqan ónim audan ýshin eng jogharghy kórsetkish bolyp tabylady

Jer - baylyqtyng anasy, al әkesi - enbek bolsa kerek. Ontýstik Qazaqstan oblysy Bәidibek audanynda jeke kәsipker Jalghas Bilәlov Shayan auylynda osy ónimdi óndeytin, may shygharatyn shaghyn kәsiporyn ashqan. Búl seh audandaghy qaldyqsyz tehnologiyamen júmys isteytin birden-bir óndiris orny. Mәselen, búl kәsiporyn bir tәuligine shamamen 8-10 tonnagha deyin shiykizat óndey alady. Onda maqsary tazalanyp, onyng dәni syghugha jiberilip, may alynsa, onan qalghany mal azyghyna paydalanylady. Kishigirim zauyttyng óndiristik quaty qosylghan kezde múnda 10-nan astam júmysshy enbek etedi. Qoymasynyng siymdylyghy ýlken, yaghny 2-2,5 myng tonnagha deyin maqsary shiykizatyn bir mezette saqtaugha mýmkindigi jetedi. Sonday-aq sharualardan mayly daqyldardy qabyldap nemese maqsarysyn syghyp, maygha ainaldyryp berip halyqqa qyzmet kórsetetini taghy bar. Alayda búl kәsipker jigit jyl boyyna may óndirumen shektelmey, aldaghy uaqytta egistik alqaptaryna maqsary egip, ony kóbeytudi kózdep otyr. Búl zauyt jylyna 1-1,5 myng tonnagha deyin ónim óndeuge qabiletti. Degenmen maqsary mayyn syghatyn apparattar da arzan túrmaydy. Olardyng arysy Europa, berisi Reseyden satyp alugha tura keledi. Endigi jerde búl kәsipker naryqtyq ekonomikagha baylanysty maydy memlekettik standartqa sәikes keletindey qútygha qúiyp shygharugha talaptanuda.

Abai.kz