Qazaqstan Respublikasynyng ishki ister ministri,

Polisiya general-leytenanty 

Q. N. Qasymovqa

Qúrmetti Qalmúhanbet Núrmúhanbetúly!

Biz QHR-nan ShQO Boroduliha audanyna kóship kelip, túraqty tirkeuge túrugha qújat jidyq. Sottylyghymyzdyng bar ne joqtyghy turaly anyqtamany rastatu ýshin QR-daghy Qytay Elshiliginen rastatuymyz kerek eken. Mine, eki otbasynyng sottylyq turaly anyqtamasyn rastatqaly Astanagha kelgenime eki apta boldy, әli bitken joq. Ótkizgen qújatty  Qytay Elshiligi alty kýn ústady. Olar maghan sottalmady degen anyqtama bergen joq, túraqty túruyna bolady degen rúqsat qaghaz berdi. Endi ol rúqsatty QR Syrtqy ister ministrligi rastau kerek eken. Ótkizip em, mine tórt kýn boldy әli shyqqan joq. SIM әr kisining qújatyn rastau ýshin 8 myng tengeden aqsha aldy. Estuimshe SIM ol qújatty Qytay Elshiligine jiberip, taghy anyqtaydy eken. Qújatymyzdyng qashan shyghary belgisiz, Astananyng suyghynda býrisip jýrmin.

Al, osy qújatpen túraqty tirkeuge túryp, azamattyghymyz shyqsa, Qytay Tólqújatyn Qytay Elshiligine ótkizuimiz kerek eken.  Ol ýshin taghy da Astanagha, ne Almatygha baruymyz kerek. Biz ghana emes, Qytaydan Qazaqstangha kóship kelip, azamattyq alam degen әr otbasy, qay oblysqa kóship keluine qaramastan, osy joldy basyp ótui tiyis. Oilanyzshy, búl – azap qoy!

Óziniz jaqsy bilesiz, Qytay Eli sottalghan azamatqa tólqújat bermeydi. Sol ýshin Sizden osy mәseleni sheshudi, bizdi búl azaptan qútqaruynyzdy súraymyn.

Biletinderding aituynsha, «Sheteldikterge jәne azamattyghy joq adamdargha Qazaqstan Respublikasynda uaqytsha jәne túraqty túrugha rúqsattar beru qaghidaty» degen Qazaqstan Respublikasynyng Ishki ister ministrligining №992 búiryghynyn  10 tarmaghynyng 7)-tarmaqshasyna tolyqtyru engizip, «eger halyqaralyq shartta ózgeshe kózdelmese, Qytay Halyq Respublikasynan keletin etnikalyq qazaqtardy qospaghanda;» degen bir auyz eskertpe qostyrsa, búl mәsele sheshiledi eken.

Sonda, Qytaydan kelgen qandastarynyz Qytay Tólqújatyn tapsyru ýshin Astana men Almatyghy bir-aq mәrte keletin bolady.

Eki otbasynyng atynan Qarqyn Toqtarghaliy

Abai.kz